Read tshiluba Genese 5 Bible Online

Genese 5 - tshiluba bible

Genese 5

¹Eu udi mukanda wa ndelanganyi ya Adama Mu dituku diakafuka Nzambi bantu mu tshifuanyikishi tshiandi,

²wakabafuka mulume ne mukashi, wakabasankisha, wakabidika ne, Adama, mu dituku diakabafukeye.

³Adama wakikala ne muoyo bidimu lukama ne makumi asatu, wakalela muana mulume ne tshifuanyikishi tshiandi, mufuanangane nʼandi, wakamuidika dina ne, Sheta.

⁴Ku nyima kua kulela kua Sheta Adama wakikala ne muoyo bidimu nkama muanda mukulu, wakalela bana balume ne bana bakashi.

⁵Matuku onso a Adama akadi nkama tshitema ne makumi asatu, yeye wakafua biandi.

⁶Sheta wakikala ne muoyo bidimu lukama ne bitanu, wakalela Enosha

⁷Ku nyima kua kulela kua Enosha, Sheta wakikala ne muoyo bidimu nkama muanda mukulu ne muanda mutekete, wakalela bana balume ne bana bakashi

⁸Matuku onso a Sheta akadi bidimu nkama tshitema ne dikumi ne bibidi, yeye wakafua biandi.

⁹Enosha wakikala ne muoyo bidimu makumi tshitema, wakalela Kenana.

¹⁰Ku nyima kua kulela kua Kenana Enosha wakikala ne muoyo bidimu nkama muanda mukulu ne dikumi ne bitanu, wakalela bana balume ne bana bakashi.

¹¹Matuku onso a Enosha akadi bidimu nkama tshitema ne bitanu, yeye wakafua biandi.

¹²Kenana wakikala ne muoyo bidimu makumi muanda mutekete, wakalela Mahalelela.

¹³Ku nyima kua kulela kua Mahalelela, Kenana wakikala ne muoyo bidimu nkama muanda mukulu ne makumi anai, wakalela bana balume ne bana bakashi.

¹⁴Matuku onso a Kenana akadi bidimu nkama tshitema ne dikumi, yeye wakafua biandi.

¹⁵Mahalelela wakikala ne muoyo bidimu makumi asambombo ne bitanu, wakalela Yalede.

¹⁶Ku nyima kua kulela kua Yalede, Mahalelela wakikala ne muoyo bidimu nkama muanda mukulu ne makumi asatu, wakalela bana balume ne bana bakashi.

¹⁷Matuku onso a Mahalelela akadi bidimu nkama muanda mukulu ne makumi tshitema ne bitanu, yeye wakafua biandi.

¹⁸Yalede wakikala ne muoyo bidimu lukama ne makumi asambombo ne bibidi, wakalela Hanoka.

¹⁹Ku nyima kua kulela kua Hanoka, Yalede wakikala ne muoyo bi dimu nkama muanda mukulu, wa kalela bana balume ne bana bakashi

²⁰Matuku onso a Yalede akadi bidimu nkama tshitema ne makumi asambombo ne bibidi, yeye wakafua biandi.

²¹Hanoka wakikala ne muoyo bidimu makumi asambombo ne bitanu, wakalela Metushela

²²Ku nyima kua kulela kua Metushela, Hanoka wakendakana ne Nzambi bidimu nkama isatu, wakalela bana balume ne bana bakashi.

²³Matuku onso a Hanoka akadi bidimu nkama isatu ne makumi asambombo ne bitanu.

²⁴Hanoka wakendakana ne Nzambi, ne yeye kakikalaku bualu bua Nzambi wakamuangata.

²⁵Metushela wakikala ne muoyo bidimu lukama ne makumi muanda mukulu ne muanda mutekete, wakale la Lemeke.

²⁶Ku nyima kua kulela kua Lemeke, Metushela wakikala ne muoyo bidimu nkama muanda mutekete ne makumi muanda mukulu ne bibidi, wakalela bana balume ne bana bakashi.

²⁷Matuku onso a muoyo a Metushela akadi bidimu nkama tshitema ne makumi asambombo ne tshitema, yeye wakafua biandi.

²⁸Lemeke wakikala ne muoyo bidimu lukama ne makumi muanda mukulu ne bibidi, wakalela muana mulume,

²⁹wakamuidika dina ne, Noa, wakamba ne, Yeye neatusambe mu mudimu wa bianza bietu, bualu bua buloba buakedibua mulau kudi Yehowa.

³⁰Ku nyima kua kulela kua Noa, Lemeke wakikala ne muoyo bidimu nkama itanu ne makumi tshitema ne bitanu, wakalela bana balume ne bana bakashi.

³¹Matuku onso a Lemeke akadi bidimu nkama muanda mutekete ne makumi muanda mutekete ne mua nda mutekete, yeye wakafua biandi.

³²Hakadi Noa ne bidimu nkama itanu, Noa wakalela Shema, Hama ne Yafete.