Read tshiluba 2 Samuele 5 Bible Online

2 Samuele 5 - tshiluba bible

2 Samuele 5

¹Hashishe bisamba bionso bia Bena Isalele biakalua kudi Davidi mu Hebelone, bakamuambila ne, Mona, ludi mifuba ya mifuba yebe ne misunyi ya mu misunyi yebe.

²Mu matuku akahita ku nyima hakadi Shaula mukelenge wetu, nguewe wakaluhuka ne Bena Isalele, wakahingana nʼabo. Yehowa wakamuambila ne, Wewe newikale mulami wa bantu banyi Bena Isalele, wewe newikale mukelenge wabo.

³Nunku bakulu bonso ba mu Isalele bakalua kudi mukelenge mu Hebelone; mukelenge Davidi wakahunga nʼabo tshihungidi ku mesu kua Yehowa mu Hebelone; bakela Davidi manyi ha mutu bua kuikaleye mukelenge wa Bena Isalele.

⁴Davidi wakadi ne bidimu makumi asatu hakabangeye kukokesha; wakakokesha bidimu makumi anai.

⁵Wakakokesha Bena Yuda mu Hebelone bidimu muanda mutekete ne ngondo isambombo; wakakokesha Bena Isalele ne Bena Yuda bonso mu Yelushalema bidimu makumi asatu ne bisatu.

⁶Mukelenge ne bantu bandi bakaya ku Yelushalema bua kuluanganabo ne Bena Yebuse, bena buloba. Bakambila Davidi ne, Wewe kuena ubuela munemu, anu haumusha bafofo ne balema, bela meji ne Davidi kena mua kubuelamu.

⁷Kadi Davidi wakanyenga musoko wa lumbu wa Siona; eu udi musoko wa Davidi.

⁸Dituku adi Davidi wakamba ne, Washiha Bena Yebuse, aye biandi ku misulu ya mai, ashihe balema ne bafofo, badi mutshima wa Davidi ukina. Nunku badi bamba ne, Bafofo ne balema kabena habuela mu nsubu.

⁹Davidi wakashikama mu musoko wa lumbu, bakawidika ne, Musoko wa Davidi. Davidi wakabanga ku Milo, wakasa lumbu luakanyunguluka musoko.

¹⁰Davidi wakakolakola bualu bua Yehowa, Nzambi wa misumba, wakadi nʼandi.

¹¹Hilama, mukelenge wa Tulo, wakatumina Davidi ba-messager ne mitshi ya cédre ne bena mabaya ne bena tushola, bakashila Davidi nsubu.

¹²Davidi wakajingulula ne Yehowa wakunjadika mukelenge ku mutu kua Bena Isalele, ne yeye wakadiundisha bukelenge buanyi bualu bua bantu bandi Bena Isalele.

¹³Hakumuka Davidi ku Hebelone, yeye wakabaka bakashi bakuabo ba mu Yelushalema; bakadiela Davidi bana ba balume ne bana ba bakashi.

¹⁴Â adi mena a bana bakaleleye mu Yelushalema: Shamua ne Shobaba ne Natana ne Solomo,

¹⁵ne Yibeha ne Elishua ne Nefege ne Yafia,

¹⁶ne Elishama ne Elayada ne Elifelete.

¹⁷Hakunvua Bena Peleshete ne, Bakuela Davidi manyi bua kumutekabo mukelenge ku mutu kua Bena Isalele, buonso buabo bakadisangisha hamue bua kukebabo Davidi; hakunvua Davidi lumu elu, yeye wakaya ku musoko wakadi ne lumbu.

¹⁸Bena Peleshete bakadi bamuangalaka kuonso mu tshibanda tshia Lefayima.

¹⁹Davidi wakebesha Yehowa ne, Nenye kuluangana ne Bena Peleshete, anyi? Wewe neubafile mu bianza bianyi, anyi? Yehowa wakambila Davidi ne, Ya biebe, bulelela, nenfile Bena Peleshete mu bianza biebe.

²⁰Davidi Wakafika ku Bâla-pelasima; Davidi wakabashihelaku; wakamba ne, Yehowa wakahita bena lukuna banyi bukole ku mpala kuanyi, bu mudi mai ahita bintu bukole ku mpala kuau. Nunku wakidika muaba au ne, Bâla-pelasima.

²¹Bakashiyaku mpingu yabo; Davidi ne bantu bandi bakaya nʼai.

²²Bena Peleshete bakalua tshikondo tshikuabo, bakamuangalaka mu tshibanda tshia Lefayima.

²³Hakebesha Davidi Yehowa, yeye wakamuambila ne, Kubandi; ya ha nyima habo, ufike kudibo ha buludiludi ne mitshi ya mûr.

²⁴Haunvua tshiona tshihita ku mitu ya mitshi ya mûr, bûdi nʼabu mbua kudikankamika bualu bua Yehowa wakadianjila ku mpala kuebe bua kushiheye masalayi a Bena Peleshete.

²⁵Davidi wakenza hu muakamuambila Yehowa, wakashiha Bena Peleshete ku Geba tô ne ku Gesê.