Read tshiluba 1 Kulondolola 25 Bible Online

1 Kulondolola 25 - tshiluba bible

1 Kulondolola 25

¹Bualu bukuabo kabidi, Davidi ne tupitene tua masalayi bakasungula bana balume bakuabo ba Asafa ne ba Hemana ne ba Yedutuna, bua kuimbabo misambu ne nzenze ne bisanji ne biamu bia kukumakasha; bungi buabo bakenza mudimu eu mu milongo yabo buakadi nunku:

²ba bana ba Asafa: Zakû ne Yosefe ne Netanya ne Ashalela, bana ba Asafa, bakadi ku nyima kua Asafa, wakimba bu muakadi mukenji wa mukelenge.

³Ba Yedutuna, bana ba Yedutuna: Gedaliya ne Seli ne Yeshaya ne Hashabeya ne Matitiya, basambombo bakadi ku nyima kua tatu wabo Yedutuna ne nzenze, bakimba misambu ya kusakidila ne ya kutumbisha nʼai Yehowa.

⁴Ba Hemana, bana ba Hemana: Bukia, Matanaya, Uziele, Shebuele ne Yelimota, Hananya, Hanani, Eliata, Gidaleti ne Lomameti-ezê, Yoshebe-kasha, Maloti, Hotî, Mahaziota.

⁵Aba bonso bakadi bana balume ba Hemana, mumonyi wa malu a Nzambi kudi mukelenge, bakadi bela mpungi. Nzambi wakaha Hemana bana ba balume dikumi ne banai ne bana ba bakashi basatu.

⁶Aba bonso bakadi ku nyima kua tatu wabo bua kuimbabo misambu mu nsubu wa Yehowa ne biamu bia kukumakasha ne bisanji ne nzenze bua mudimu wa mu nsubu wa Nzambi; Asafa, Yedutuna ne Hemana bakadi mu mulongo wa mukelenge.

⁷Bungi buabo basangisha ne bana babo bakadi bayishibue bua kuimbilabo Yehowa misambu, bonso bakadi ne tshimbidi tshiakane, bakadi nkama ibidi ne makumi muanda mukulu ne muanda mukulu.

⁸Buonso buabo, banene ne bakese, bayishi ne bayidi, bakela nshobo bua kusungulabo mudimu wabo.

⁹Nshobo ya kumudilu wa Asafa yakakuata Yosefe; mibidi yakakuata Gedaliya; yeye ne bana babo bakadi dikumi ne babidi;

¹⁰misatu yakakuata Zakû ne bana bandi ne bana babo dikumi ne babidi;

¹¹mmai yakakuata Yiseli ne bana bandi ne bana babo dikumi ne babidi;

¹²mitanu yakakuata Netanya ne bana bandi ne bana babo dikumi ne babidi;

¹³misambombo yakakuata Bukia ne bana bandi ne bana babo dikumi ne babidi;

¹⁴ya muanda mutekete yakakuata Yeshalela ne bana bandi ne bana babo dikumi ne babidi;

¹⁵ya muanda mukulu yakakuata Yeshaya ne bana bandi ne bana babo dikumi ne babidi;

¹⁶ya tshitema yakakuata Matanaya ne bana bandi ne bana babo dikumi ne babidi;

¹⁷ya dikumi yakakuata Shimei ne bana bandi ne bana babo dikumi ne babidi;

¹⁸ya dikumi ne umue yakakuata Azalele ne bana bandi ne bana babo dikumi ne babidi;

¹⁹ya dikumi ne ibidi yakakuata Hashabeya ne bana bandi ne bana babo dikumi ne babidi;

²⁰ya dikumi ne isatu yakakuata Shubaele ne bana bandi ne bana babo dikumi ne babidi;

²¹ya dikumi ne inai yakakuata Matitiya ne bana bandi ne bana babo dikumi ne babidi;

²²ya dikumi ne itanu yakakuata Yelemota ne bana bandi ne bana babo dikumi ne babidi;

²³ya dikumi ne isambombo yakakuata Hananya ne bana bandi ne bana babo dikumi ne babidi;

²⁴ya dikumi ne muanda mutekete yakakuata Yoshebekasha ne bana bandi ne bana babo dikumi ne babidi;

²⁵ya dikumi ne muanda mukulu yakakuata Hanani ne bana bandi ne bana babo dikumi ne babidi;

²⁶ya dikumi ne tshitema yakakuata Maloti ne bana bandi ne bana babo dikumi ne babidi;

²⁷ya makumi abidi yakakuata Eliata ne bana bandi ne bana babo dikumi ne babidi;

²⁸ya makumi abidi ne umue yakakuata Hotî ne bana bandi ne bana babo dikumi ne babidi;

²⁹ya makumi abidi ne ibidi yakakuata Gidaleti ne bana bandi ne bana babo dikumi ne babidi;

³⁰ya makumi abidi ne isatu yakakuata Mahaziota ne bana bandi ne bana babo dikumi ne babidi;

³¹ya makumi abidi ne inai yakakuata Lomameti-ezê ne bana bandi ne bana babo dikumi ne babidi.