Read tshiluba 1 Kulondolola 9 Bible Online

1 Kulondolola 9 - tshiluba bible

1 Kulondolola 9

¹Nunku Bena Isalele bakadi babadibua ku kulondolola kuabo; ne monai, badi bafundibue mu mukandu wa bakelenge ba Isalele; bakaya ne Bena Yuda mu buhika ku Babulona bualu bua ditomboka diabo.

²Bantu ba diambedi bakashikama mu buhianyi buabo mu misoko yabo ya Isalele bakadi bakuidi ne Bena Lewi ne Bena Netinima.[1]

³Mu Yelushalema nuakashikama bana ba Yuda ne ba Benyamina ne ba Efelayima ne ba Manashe:

⁴Utai, muana wa Amihuda, muana wa Omeli, muana wa Imeli, muana wa Bani, wa bana ba Pelese, muana wa Yuda.

⁵Ba Bena Shilona: Asaya, muanʼa bute wandi ne bana bandi ba balume.

⁶Bana ba balume ba Sela: Yeule ne bana babo nkama isambombo ne makumi tshitema,

⁷Bana ba balume ba Benyamina: Salu, muana wa balume wa Meshulama, muana wa Hodaweya, muana wa Hasenua,

⁸ne Yibeneya, muana wa Yelohama, ne Ela, muana wa Uzi, muana wa Mikela ne Meshulama, muana wa Shefataya, muana wa Leule, muana wa Yibeniya;

⁹ne bana babo mu bikondo biabo nkama tshitema ne makumi atanu ne bantu basambombo. Aba bonso bakadi ku mutu kua nsubu ya batatu babo.

¹⁰Ba bakuidi: Yedaya ne Yehoyada ne Yakina

¹¹ne Azâya, muana wa Hilekiya, muana wa Meshulama, muana wa Sadoka, muana wa Melayota, muana wa Ahituba, mukokeshi wa mu nsubu wa Nzambi;

¹²ne Adaya, muana wa Yelohama, muana wa Pashû, muana wa Malakiya, ne Mâsai, muana wa Adiele, muana wa Yakela, muana wa Meshulama, muana wa Meshilemita, muana wa Imê;

¹³ne bana babo ba ku mutu kua nsubu ya batatu babo tshinunu ne nkama muanda mutekete ne makumi asambombo, bantu bakole ba kukuatabo mudimu mu nsubu wa Nzambi.

¹⁴Ba Bena Lewi: Shemaya, muana wa Hashuba, muana wa Azelikama, muana wa Hashabeya wa bana ba balume ba Melali;

¹⁵ne Bakabaka, Heleshi ne Galela ne Mataniya, muana wa Mika, muana wa Zikeli, muana wa Asafa,

¹⁶ne Obadaya, muana wa Shemaya, muana wa Galala, muana wa Yedutuna, ne Belekiya, muana wa Asa, muana wa Elekana, bakadi bashikama mu misoko ya Bena Netofa.

¹⁷Batuadi ba majitu: Shaluma ne Akuba ne Talemona ne Ahimana ne bana babo (Shaluma wakadi ku mutu kuabo),

¹⁸bakadi bimana ku tshibi tshia mukelenge ku esete; bobo bakadi batuadi ba majitu a mu tshitudilu tshia Bena Lewi.

¹⁹Shaluma, muana wa Kole, muana wa Ebiyasafa, muana wa Kola, ne bana babo nʼandi ba mu nsubu wa tatu wandi, Bena Kola, bakadi ku mutu kua mudimu eu, balami ba ku bibuelelu bia mu ntenta wa kusambakena; batatu babo bakadi ku mutu kua tshitudilu tshia Yehowa, balami ba ku bibuelelu.

²⁰Diambedi Pinehasa, muana wa Eleazâ, wakadi ku mutu kuabo ne Yehowa wakadi nʼandi.

²¹Zekâya, muana wa Meshelemiya, wakadi mulami wa ku tshibuelelu tshia mu nsubu wa kusambakena.

²²Buonso buabo bakasungulabo bua kulamabo bibuelelu bia mu nsubu bakadi nkama ibidi ne dikumi ne bantu babidi. Bobo bakadi babadibua mu bikondo biabo mu misoko yabo bakadi bajidibua mu midimu yabo kudi Davidi ne Samuele, mumonyi wa malu.

²³Nunku bobo ne bana babo balela bakadi batangila bibuelelu bia mu nsubu wa Yehowa, nsubu wa kusambakena mene, bu balami babi.

²⁴Batuadi aba bakadi ku nseke inai, ku esete ne ku wesete ne ku nôde ne ku Sude.

²⁵Bana babo bakadi mu misoko yabo bakadi ne bua kubuela kudibo hakahita matuku muanda mutekete ku lumingu ku lumingu bua kuikalabo nʼabo;

²⁶bualu bua balama banene banai, Bena Lewi, bakadi bajidibua mu mudimu eu, bakadi ku mutu kua nsubu ne bibutshilu bia mu nsubu wa Nzambi.

²⁷Bobo bakadi balala banyunguluke nsubu wa Nzambi, bualu bua bobo bakadi bajidibue mu mudimu eu; bakadi ne bua kunzulula bibi hatshiatshia ku dituku ku dituku.

²⁸Bakuabo babo bakadi ne mudimu wa kulamabo malonga a mu nsubu; bakadi babala malonga hakabuelabo nʼau ne hakahatukabo nʼau.

²⁹Bakuabo babo bakadi balami ba bintu bia mu nsubu, ne bivuadi bionso bia mu tshitendelelu, ne ba bukula bubotesha, ne ba nvinyo, ne ba manyi, ne ba musenga wa manananshi, ne ba bintu bia muhuya muimpe.

³⁰Bana ba balume bakuabo ba bakuidi bakadi balongolodi ba bintu bia muhuya muimpe.

³¹Matitiya, umue wa Bena Lewi, muanʼa bute wa Shaluma, Muena Kola, wakadi ne mudimu wa kulama bintu biakalambabo mu malonga.

³²Bakuabo babo, bana ba Kohata, bakadi ne bua kulama bidia bia kulesha ku lumingu ku lumingu.

³³Aba mbimbi ba misambu ba ku mutu kua nsubu ya batatu babo ba Bena Lewi bakadi bashikama mu nsubu ei; bakadi kabayi ne mudimu mukuabo, bualu bua bakadi ne mudimu wabo munya ne butuku.

³⁴Bobo bakadi ku mutu kua nsubu ya batatu babo ba Bena Lewi mu bikondo biabo bionso, bantu banene; bakadi bashikama mu Yelushalema.

³⁵Mu Gibeona nuakashikama Yiele, tatu wa Gibeona; dina dia mukashi wandi diakadi Mâka;

³⁶Abidona wakadi muanʼa bute wandi, ne Sû ne Kishi ne Bâla ne Nê ne Nadaba

³⁷ne Gedô ne Ahio ne Zekâya ne Mikelota.

³⁸Mikelota wakalela Shimeama. Bobo bakashikama mu Yelushalema kabidi ha buihi ne bana babo.

³⁹Nê wakalela Kishi; Kishi wakalela Shaula; Shaula wakalela Yonatana ne Malekishua ne Abinadaba ne Eshebâla.

⁴⁰Meliba-bâla wakadi muana wa Yonatana; Meliba-bâla wakalela Mika.

⁴¹Bana ba balume ba Mika: Pitona ne Meleke ne Talea ne Ahaza.

⁴²Ahaza wakalela Yala; Yala wakalela Alemeta ne Asemaweta ne Zimeli; Zimeli wakalela Mosa;

⁴³Mosa wakalela Binea; ne Lefaya muanʼandi, ne Eleasa muanʼandi, ne Asela muanʼandi.

⁴⁴Asela wakadi ne bana ba balume basambombo; mena abo: Azelikama, Bokelu ne Yishemaele ne Shealeya ne Obadaya ne Etenana; aba bakadi bana ba balume ba Asela.