Read tshiluba Nehemiya 7 Bible Online

Nehemiya 7 - tshiluba bible

Nehemiya 7

¹Hakamanabo lumbu ne hakelabo bibi ne hakasungulabo batuadi ba bintu ne bimbi ba misambu ne Bena Lewi,

²nakasungula muanʼetu Hanani ne Hananya, mulami wa nsubu wa mukelenge, balami ba Yelushalema, bualu bua Hananya wakadi muntu wa kueyemenyibua, wakatamba bakuabo kutshina Nzambi.

³Nakabambila ne, Kanunzuludi bibi bia ku Yelushalema anu habanda diba mulu; nuinshile bibi hatshidiku balami, bele nsahi, nusungule batentekedi ba munkatshi mua Bena Yelushalema, muntu ne muntu mu muaba wandi, muntu yonso ikale buludiludi ne nsubu wandi.

⁴Musoko wakadi munene ne mubaluluke, kadi bantu bakadimu bakadi banya-banya, kabakanza kuibakamu nsubu.

⁵Nzambi wanyi wakateka bualu mu mutshima wanyi bua kusangisha bantu banene ne bakokeshi ne bantu bonso bua kubabala ku milongo ya bankambua babo. Nakasangana mukanda wa kulondolola kua bankambua ba bantu bakadianjila kuhingana, malu akadi mafundamu nunku:

⁶Aba mbantu ba luseke bakumuka mu buhika, bakadi bangatshibue, bakadi Nebukadenesâ, mukelenge wa Babulona, muangate, bakahingana ku Yelushalema ne ku Yuda, muntu yonso ku mosoko wandi;

⁷bakalua ne Zelubabela ne Yeshua ne Nehemiya ne Azaya ne Lâmeya ne Nahamani ne Môdekai ne Bileshana ne Misepelete ne Bigewai ne Nehuma ne Bâna. Abu mbungi bua balume ba mu Bena Isalele:

⁸Bana ba Palosha binunu bibidi ne lukama ne makumi muanda mutekete ne babidi.

⁹Bana ba Shefataya nkama isatu ne makumi muanda mutekete ne babidi.

¹⁰Bana ba Ala nkama isambombo ne makumi atanu ne babidi.

¹¹Bana ba Pahata-moaba ne bana ba Yeshua ne Yoaba binunu bibidi ne nkama muanda mukulu ne dikumi ne muanda mukulu.

¹²Bana ba Elama tshinunu tshimue ne nkama ibidi ne makumi atanu ne banai.

¹³Bana ba Zatu nkama muanda mukulu ne makumi anai ne batanu.

¹⁴Bana ba Zakai nkama muanda mutekete ne makumi asambombo.

¹⁵Bana ba Binui nkama isambombo ne makumi anai ne muanda mukulu.

¹⁶Bana ba Bebai nkama isambombo ne makumi abidi ne muanda mukulu.

¹⁷Bana ba Azagada binunu bibidi ne nkama isatu ne makumi abidi ne babidi.

¹⁸Bana ba Adonikama nkama isambombo ne makumi asambombo ne muanda mutekete.

¹⁹Bana ba Bigewai binunu bibidi ne makumi asambombo ne muanda mutekete.

²⁰Bana ba Adina nkama isambombo ne makumi atanu ne batanu.

²¹Bana ba Atê wa Hezikiya makumi tshitema ne muanda mukulu.

²²Bana ba Hashuma nkama isatu ne makumi abidi ne muanda mukulu.

²³Bana ba Bezai nkama isatu ne makumi abidi ne banai.

²⁴Bana ba Halifa lukama ne dikumi ne babidi.

²⁵Bana ba Gibeona makumi tshitema ne batanu.

²⁶Bantu ba mu Beteleheme ne ba mu Netofa lukama ne makumi muanda mukulu ne muanda mukulu.

²⁷Bantu ba mu Anatota lukama ne makumi abidi ne muanda mukulu.

²⁸Bantu ba mu Bete-azamawete makumi anai ne babidi.

²⁹Bantu ba mu Kîyata-yalima ne ba mu Kefila ne ba mu Belota nkama muanda mutekete ne makumi anai ne basatu.

³⁰Bantu ba mu Lama ne ba mu Geba nkama isambombo ne makumi abidi ne umue.

³¹Bantu ba mu Mikemasa lukama ne makumi abidi ne babidi.

³²Bantu ba mu Betele ne ba mu Ai lukama ne makumi abidi ne basatu.

³³Bantu ba mu Nebo mukuabo makumi atanu ne babidi.

³⁴Bana ba Elama mukuabo tshinunu ne nkama ibidi ne makumi atanu ne banai.

³⁵Bana ba Halima nkama isatu ne makumi abidi.

³⁶Bantu ba mu Yeleko nkama isatu ne makumi anai ne batanu.

³⁷Bana ba Lodo ne ba Hadidi ne ba Ono nkama muanda mutekete ne makumi abidi ne umue.

³⁸Bana ba Sena binunu bisatu ne nkama tshitema ne makumi asatu.

³⁹Bakuidi: Bana ba Yedaya ba mu nsubu wa Yeshua nkama tshitema ne makumi muanda mutekete ne basatu.

⁴⁰Bana ba Imê tshinunu ne makumi atanu ne babidi.

⁴¹Bana ba Pashû tshinunu tshimue ne nkama ibidi ne makumi anai ne muanda mutekete.

⁴²Bana ba Halima tshinunu ne dikumi ne muanda mutekete.

⁴³Bena Lewi: Bana ba Yeshua ne ba Kadamiele, bana ba Hodewa, makumi muanda mutekete ne banai.

⁴⁴Bimbi ba misambu: Bana ba Asafa lukama ne makumi anai ne muanda mukulu.

⁴⁵Batuadi ba majitu: Bana ba Shaluma ne bana ba Atê ne bana ba Talemona ne bana ba Akuba ne bana ba Hatita ne bana ba Shobai lukama ne makumi asatu ne muanda mukulu.

⁴⁶Bena Netinima:[4] Bana ba Ziha, bana ba Hasufa, bana ba Tabaota,

⁴⁷bana ba Kelosa, bana ba Sia, bana ba Padona,

⁴⁸bana ba Lebana, bana ba Hagaba, bana ba Salamai,

⁴⁹bana ba Hanana, bana ba Gidele, bana ba Gahâ,

⁵⁰bana ba Leaya, bana ba Lesini, bana ba Nekoda,

⁵¹bana ba Gazama, bana ba Uza, bana ba Pasea,

⁵²bana ba Besai, bana ba Meunima, bana ba Nefushesima,

⁵³bana ba Bakabuka, bana ba Hakufa, bana ba Hâhû,

⁵⁴bana ba Baselita, bana ba Mehida, bana ba Hâsha,

⁵⁵bana ba Bâkosa, bana ba Sisela, bana ba Tema,

⁵⁶bana ba Nesia, bana ba Hatifa.

⁵⁷Bana ba bena mudimu ba Solomo: Bana ba Sotai, bana ba Sofeleta, bana ba Pelida,

⁵⁸bana ba Yâla, bana ba Dâkona, bana ba Gidele,

⁵⁹bana ba Shefataya, bana ba Hatila, bana ba Pokeleta-hasebayima, bana ba Amona.

⁶⁰Bena Netinima bonso ne bana ba bena mudimu ba Solomo bakadi nkama isatu ne makumi tshitema ne babidi.

⁶¹Aba mbantu bakafuma mu Tele-mela, Tele-hâsha, Keluba, Adona ne Imê, bobo kabakadi mua kujadika biota biabo ne bankambua babo ne tunkanuniuna tuabo ne, Tudi Bena Isalele:

⁶²Bana ba Delaya, bana ba Tobiya, bana ba Nekoda nkama isambombo ne makumi anai ne babidi.

⁶³Ba bakuidi: Bana ba Hobaya, bana ba Hakosa, bana ba Bâzilai, wakabaka mukashi wa bana bakashi ba Bâzilai, Muena Gilada, wakidikibua ku dina diabo.

⁶⁴Bobo bakakeba mena abo mu mikanda ya kulondolola kua bankambua, kadi kabakâsangana; nunku bakadi banyanguke, bakumushibua ku mudimu wa buakuidi.

⁶⁵Gouverneur wakabambila ne, Kanuena mua kudia bintu bia tshijila anu bimana muakuidi ne Ulima ne Tumima bua kukonka.

⁶⁶Buonso buabo bakadi binunu makumi anai ne bibidi ne nkama isatu ne makumi asambombo,

⁶⁷ha mutu ha bena mudimu babo balume ne bena mudimu babo bakashi bakadi binunu muanda mutekete ne nkama isatu ne makumi asatu ne muanda mutekete; bakadi ne bimbi ba misambu ne balume ne bakashi nkama ibidi ne makumi anai ne batanu.

⁶⁸Tubalu tuabo tuakadi nkama muanda mutekete ne makumi asatu ne tusambombo; nyama yabo ya mpunda[5] nkama ibidi ne makumi anai ne itanu;

⁶⁹tumelo tuabo tuakadi nkama mai ne makumi asatu ne tutanu; nyama yabo ya mpunda yakadi binunu bisambombo ne nkama muanda mutekete ne makumi abidi.

⁷⁰Bakuabo ba ku mutu kua biota bia batatuʼabo bakafila bintu biabo bia kuenza nʼabi mudimu. Gouverneur wakafila dariques[6] ya or tshinunu ne malonga makumi atanu ne bilulu bia bakuidi nkama itanu ne makumi asatu mu tshibutshilu tshia mudimu.

⁷¹Bakuabo ba ku mutu kua biota bia batatuʼabo bakafila mu tshibutshilu tshia mudimu dariques ya or binunu makumi abidi ne mines[7] ya argent binunu bibidi ne nkama ibidi.

⁷²Bakuabo bakafila dariques ya or binunu makumi abidi ne mines ya argent binunu bibidi ne bilulu bia bakuidi makumi asambombo ne muanda mutekete.

⁷³Nunku bakuidi ne Bena Lewi ne batuadi ba majitu ne bimbi ba misambu ne Bena Netinima [8] ne bantu bakuabo ba munkatshi muabo ne Bena Isalele bonso bakashikama mu misoko yabo. Hakalua ngondo wa muanda mutekete, Bena Isalele bakadi mu misoko yabo.