Read tshiluba Ekesode 2 Bible Online

Ekesode 2 - tshiluba bible

Ekesode 2

¹Muntu wa tshisamba tshia Lewi wakabaka mukashi, muana wa Lewi.

²Mukashi wakimita difu, wakalela muana wa balume, hakamumoneye ne muana muimpe, wakamusokoka ngondo isatu.

³Hakadiye kayi mua kumusokoka kabidi, wakamuangatshila tshisaka tshia ntuhu, wakatshilaba bitume[1] ne kamonyi, wakatekamu muana, wakatshiteka mu malenge akadi kukala kua musulu.

⁴Muanʼabo mukashi wakimana kule, bualu bua kumanya muenzelabo muakunyʼandi.

⁵Muana wa bakashi wa Palô wakalua kuowa mai mu musulu au, bantu bandi bakashi bakendakana ku muelelu wa mai, yeye wakamona tshisaka mu malenge, wakatuma muntu wandi ne, Ya utshiangate.

⁶Yeye wakatshisulula, wakamona muana, ne muana wakadila Yeye wakafuka muana luse, wakamba ne, Yeye udi muana wa Bena Ebelu.

⁷Mukuluʼandi, muana wa bakashi, wakambila muana wa bakashi wa Palô ne, Nye kukubikidila muamushi wa muana wa mu bakashi ba Bena Ebelu, alue kukuamushila muana mabele, anyi?

⁸Muana wa bakashi wa Palo wakamuambila ne, Ya biebe Nsongakashi wakaya, Wakabikila mamu wa muana.

⁹Muana wa bakashi wa Palô wakamuambila ne, Wangate muana eu, umungamushile mabele, nenkufute Mukashi wakangata muana, wakamuamusha mabele.

¹⁰Muana wakakola, mamuʼandi wakalua nʼandi kudi muana wa bakashi wa Palo, yeye wakalua bu muana wandi mene. Yeye wakamuidika dina ne, Mose, wakamba ne, Bualu bua nakamukoka mu mai.

¹¹Mu matuku au, hakakola Mose, yeye wakaya kudi bana babo, wakamona mudimu wabo mukole, wakamona Muena Ejipitu ukuma Muena Ebelu, muanʼabo.

¹²Wakakenzakana, kakamona muntu, wa kashiha Muena Ejipitu, wakamusokoka mu lusenga.

¹³Wakaya biandi dituku dibidi, wakamona balume babidi ba Bena Ebelu baluangana, yeye wakakonka muntu. Wakenza bualu bubi ne, Udi ukumina mukuenu tshinyi?

¹⁴Yeye wakamba ne, Wakukuteka mukelenge wetu ne mulumbuluishi wetu nganyi? Udi ukeba kunshiha bu muwakushiha Muena Ejipitu, anyi? Mose wakatshina, wakamba ne, Bulelela, bualu ebu buakumanyibua.

¹⁵Kakamanya Palô bualu ebu, wakakeba kushiha Mose. Kadi Mose wakanyema ku mesu kua Palo, wakikala mu buloba bua Midiyana, wakashikama hehi ne dina dia mai.

¹⁶Mubuki wa Midiyana wakadi ne bana ba bakashi muanda mute kete bobo bakaha kusuna mai, bakûsha luvu lua mai tente bua kunuisha mikoko ya tatuʼabo mai.

¹⁷Balami ba mikoko bakalua, bakabihata, kadi Mose wakabika, wakabasankisha, wakanuisha mikoko yabo mai.

¹⁸Hakaluabo kudi Luele, tatuʼabo, yeye wakamba ne, Nuakuhingana lubilu lelu bualu kai?

¹⁹Bakamba ne, Muena Ejipitu wakatusungila mu tshianza tshia balami, wakatukokela mai kabidi, wakanuisha mikoko.

²⁰Wakakonka bana bandi ba bakashi ne, Yeye udi kudi kunyi? Bualu kai nuakushiya mulume ku nyima? Numubikile, alue biandi kudia bidia.

²¹Mose wakasua kushikama ne mulume au, ne yeye wakaha Mose Sipola, muanʼandi wa bakashi.

²²Yeye wakalela muana wa balume, wakamuidika dina ne, Geshoma, wakamba ne, Nakadi mushikame mu buloba bua benyi.

²³Hakalela matuku a bungi, mukelenge wa Ejipitu wakafua Bena Isalele bakafua mikemu bualu bua buhika, bakadila, muadi wabo wakafika kudi Nzambi bualu bua buhika buabo.

²⁴Nzambi wakumpa mikemu yabo, ne Nzambi wakafuka mulayi wandi kudi Abalahama ne kudi Isaka ne kudi Yakoba.

²⁵Nzambi wakamona Bena Isalele Nzambi wakamanya dikenga diabo.