Read tshiluba Ekesode 36 Bible Online

Ekesode 36 - tshiluba bible

Ekesode 36

¹Besalele ne Oholiaba nebenze mudimu wa mu tshitendelelu, ne bantu bonso badi ne lungenyi mu mitshima yabo tente nebenze mudimu eu bu muakuamba Yehowa, bobo bakadi Yehowa uhesha lungenyi ne meji bua kumanyabo mua kuenza midimu yonso ya mu tshitendelelu.

²Mose Wakabikila Besalele ne Oholiaba ne muntu yonso wakadi ne mutshima mûsha tente ne lungenyi kudi Yehowa, ne muntu yonso wakadi ne mutshima bua kulua kuenza mudimu.

³Bobo bakangata ku bianza bia Mose bintu bionso biakafua Bena Isalele ne disanka bua kuenza nʼabi bintu bionso bia mu nsubu wa tshitendelelu. Bakatshidi halua kudiye ne bintu biakadi mitshima yabo misue ku dinda ku dinda.

⁴Bantu ba lungenyi lule bakadi benza midimu ya mishindu yonso mu tshitendelelu bakaha kudi Mose,

⁵bakamuambila ne, Bantu badi balue ne bintu bitamba bungi bia kuenza nʼabi mudimu wakuamba Yehowa.

⁶Nu nku Mose wakela di, bakamanyi-shangana mu tshitudilu ne, Nansha mulume nansha mukashi kalu ne bintu bikuabo bia tshitendelelu. Bakakanda bantu nunku.

⁷Bualu bua bobo bakadi ne bungi bua bintu bia kuenza nʼabi mudimu wonso, ne bintu bikuabo ha mutu.

⁸Balume bonso bakadi ne lungenyi lule munkatshi mua bena mudimu bakenza nsubu wa tshitendelelu ne bilulu dikumi bia lin muimpe ne bilulu bia bleu ne bikunzubile ne bikunze-kunzû, bakenza bakeluba kudi bena mudimu bakadi ne lungenyi lule.

⁹Bule bua tshilulu tshimue buakadi coudées[14] makumi abidi ne muanda mukulu, ne butshiama buatshi buakadi coudées mai, bilulu bionso biakadi ne budi lumue.

¹⁰Wakatuangana bilulu bitanu ha buabi, bilulu bitanu ha buabi.

¹¹Wakenza mesu a mbote ne bilulu bia bleu ku luseke lua tshilulu tshiakadi ha bule, Wakenza nunku kabidi ne tshilulu tshikuabo tshiakadi ha bule.

¹²Wakenza mesu a mbote makumi atanu mu tshilulu tshimue, ne mesu a mbote makumi atanu mu tshilulu tshikuabo mesu a mbote akadi atuangana.

¹³Wakenza mbote ya or makumi atanu, wakatuangasha bilulu ne mbote ai, nunku nsubu wa tshitendelelu wakadi bu nsubu umue.

¹⁴Wakenza bilulu bia miosa ya mbushi dikumi ne tshilulu tshimue bua kuteka ha mutu ha nsubu.

¹⁵Bule bua tshilulu tshimue buakadi coudées makumi asatu, ne butshiama buatshi buakadi coudées anai bilulu dikumi ne tshimue biakadi ne luidi lumue.

¹⁶Wakatuangasha bilulu bitanu ha buabi, ne bilulu bisambombo ha buabi.

¹⁷Wakenza mesu a mbote makumi atanu ku luseke lua tshilulu tshiakadi ha bule, ne mesu a mbote makumi atanu ku luseke lua tshilulu tshikuabo tshiakadi ha bule.

¹⁸Wakenza mbote ya tshiamu tshia mitaku makumi atanu bua kutuangasha bilulu bia nsubu bu nsubu umue.

¹⁹Wakenza tshintu tshia kuteka ha mutu ha nsubu ne biseba bia bimpanga bitua mu mai makunze-kunzû ne biseba bia nyama ya nkonge bia kuteka ha mutu hatshi.

²⁰Wakenza mabaya mimanyike kulu a nsubu wa tshitendelelu a mitshi ya acacia.

²¹Bule bua dibaya dimue buakadi coudées dikumi, ne butshiama buadi buakadi coudée umue ne tshituha.

²²Dibaya dimue diakadi ne tutshi tua bituha tutshiamakasha hankatshi ha dibaya, bakenza mabaya onso a mu nsubu nunku.

²³Wakenza mabaya a mu nsubu makumi abidi a kuteka ku luseke lua ku sude,

²⁴Wakenza masoso makumi anai a tshiamu tshia argent mu mabaya makumi abidi, masoso abidi mu dibaya dimue a kuteka mu tutshi tua tutuha, ne masoso abidi mu dibaya dikuabo a kutekamu tutshi tua tutuha.

²⁵Wakenza kabidi mabaya makumi abidi a kuteka ku luseke lua ku nôde,

²⁶ne masoso a tshiamu tshia argent makumi anai, masoso abidi mu dibaya dimue masoso abidi mu dibaya dikuabo.

²⁷Wakenza mabaya asambombo a kuteka ku nyima ku luseke lua ku wesete.

²⁸Wakenza mabaya abidi a kuteka ku matumba a nsubu a ku nyima.

²⁹Mabaya au akadi bu mabaya abidi hanshi, kadi akadi matuangasha ku mutu ne biamu bia masoso, Wakenza bubidi buau ku matumba abidi.

³⁰Mabaya muanda mukulu akadiku ne masoso a tshiamu tshia argent dikumi ne asambombo, masoso abidi ku dibaya ku dibaya.

³¹Wakenza mitshi ya acacia itanu ya kubuesha mu mabaya akadi ku luseke lumue lua nsubu wa tshitendelelu,

³²ne mitshi itanu ya kubuesha mu mabaya a ku luseke lukuabo lua nsubu, ne mitshi itanu ya kubuesha mu mabaya adi ku nyima kua nsubu ku luseke lua ku wesete.

³³Wakabisha mitshi hankatshi ha mabaya ku mutu tô ne ku tshitaku tshia mabaya.

³⁴Wakalamika tshiamu tshia or ha mutu ha mabaya, wakenza nkanu ya or ya kubueshamu mitshi, wakalamika tshiamu tshia or ha mutu ha mitshi.

³⁵Wakenza tshilulu tshia buanda bua bleu ne bukunzubile ne bukunze-kunzû ne bua lin, bakenza tshifuanyikishi tshia bakeluba mu tshilulu kudi bantu bakadi ne lungenyi lule.

³⁶Wakenza makunshi a acacia anai, wakalamika tshiamu tshia or ku makunshi, akadi ne bitubuidi bia or, wakenza nkanu yau mai ya tshiamu tshia argent.

³⁷Wakenza tshilulu tshikuabo tshia buanda bua bleu ne bukunzubile ne bukunze-kunzû ne bua lin tshia kuteka ku mbelu kua tshitendelelu, wakatshienzesha kudi bena lungenyi lule,

³⁸wakenza makunshi atanu ne bitubuilu biau, wakalamata tshiamu tshia or ha mutu, ne nkanu ya tshilulu ya tshiamu tshia mitaku.