Read tshiluba Misambu 115 Bible Online

Misambu 115 - tshiluba bible

Misambu 115

¹Kututumbishi tuetu, Yehowa, kututumbishi tuetu, kadi utumbishe dina diebe, bualu bua luse luebe lujalame ne bua udi mua kueyemenyibua.

²Munyi mudibo bakonka kudi bisamba bia bantu ne, Ahu, Nzambi wabo udi hanyi?

³Kadi Nzambi wetu udi mu diulu, yeye utu wenza malu onso adiye musue.

⁴Mpingu yabo idi ya tshiamu tshia argent ne tshia or, bintu bienza kudi bianza bia bantu.

⁵Idi ne mukana, kadi kayena yakula; idi ne mesu, kadi kayena imona.

⁶Idi ne matshu, kadi kayena yunvua; idi ne mûlu, kadi kayena inunkila.

⁷Idi ne bianza, kadi kayena ilenga tshintu; idi ne makasa, kadi kayena yenda. Kayena yamba dî mu miminu yai.

⁸Bayenji badi bafuanangana nʼai, bulelela, bonso badi bayeyemena badi nunku.

⁹Nuenu, Bena Isalele, nueyemene bienu Yehowa! Yeye udi dikuatshisha diabo ne ngabu wabo.

¹⁰Nuenu, ba mu nsubu wa Alona, nueyemene Yehowa! Yeye udi dikuatshisha diabo ne ngabu wabo.

¹¹Nuenu badi banemeka Yehowa, nueyemene Yehowa! Yeye udi dikuatshisha diabo ne ngabu wabo.

¹²Yehowa wakutuvuluka; yeye neatuvudishile disanka. Yeye neavudishile Bena Isalele disanka; neavudishile ba mu tshiota tshia Alona disanka.

¹³Neavudishile badi banemeka Yehowa disanka, ne badi bahuekele ne badi banene.

¹⁴Yehowa anuvudishe bua nukumbane ba bungi, nuenu ne bana banudi nulela.

¹⁵Nusankishibue kudi Yehowa, wakafuka diulu ne buloba.

¹⁶Diulu ne diulu mbia Yehowa; kadi wakuha bana ba bantu buloba.

¹⁷Bafue kabena batumbisha Yehowa, ne kakuena muntu wahueka mu muaba wa bahuwa talalâ udi umutumbisha.

¹⁸Kadi tuetu netuvudishile Yehowa disanka ku dituku edi tô ne tshiendelele. Tumbishai Yehowa!