Read tshiluba Misambu 14 Bible Online

Misambu 14 - tshiluba bible

Misambu 14

¹Muhote udi wamba mu mutshima wandi ne, Kakuena Nzambi. Bobo badi banyanguke, badi benza malu mabi adi afuisha bundu; kakuena nansha umue wabo udi wenzaku malu mimpe.

²Yehowa wa mu diulu wakatangila hanshi hadi bana ha bantu, bua kumoneye ne, Umue wabo udi wenza bu muena meji, anyi? Umue wabo udi ukeba Nzambi, anyi?

³Buonso buabo bakusesuka mu nshila; buonso buabo bakumana kunyanguka hamue. Kakuena umue wabo udi wenza bimpe; kakuena nansha umuehele udi muimpe.

⁴Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

⁵Ku muaba wawa badi ne buowa bukole; bualu bua Nzambi udi mu mulongo wa bantu bakahe.

⁶Nuenu nudi basue kufuisha malu akudihangidishila muhele bundu, kadi Yehowa udi tshinyemenu tshiandi.

⁷Nakadi kusua bua luhandu lua Bena Isalele lufume ku Siona! Hakudimuna Yehowa buhika bua bantu bandi bua kubaha diakalengele, Yakoba neasanke, ne Bena Isalele nebikale ne disanka kabidi.