Read tshiluba Misambu 3 Bible Online

Misambu 3 - tshiluba bible

Misambu 3

¹Yehowa, mona mudi bena lukuna banyi basangane nunku! Ba bungi badi bajuka bangimanyina bua kunduisha.

²Ba bungi badiku badi bambila mutshima wanyi ne, Kakuena luhandu luebe kudi Nzambi.

³Kadi wewe, Yehowa, udi ngabu udi undama nseke yonso, wewe mbutumbi buanyi ne mujudi wa mutu wanyi.

⁴Ndi ndila kudi Yehowa ne dî dianyi dikole, ne yeye udi witaba kundi ne dî difuma ku mukuna wandi wa tshijila.

⁵Nakalala hanshi, nakadila tulu; nakabika ku tulu, bualu bua Yehowa wakundama.

⁶Tshiena ntshina mbombo ya bantu badi bantshintshimika ku nseke yonso.

⁷Juka bieba, Yehowa, ansungile, Nzambi wanyi. Bualu bua wewe wakakuma bena lukuna banyi bonso ku matama abo, Wakatshibula menu a bantu babi.

⁸Luhandu ludi lufuma kudi Yehowa. Disankisha diebe dikale kudi bantu bebe!