Read tshiluba Misambu 47 Bible Online

Misambu 47 - tshiluba bible

Misambu 47

¹Nuenu bantu bonso, hitai nkashi; elai mbila kudi Nzambi ne dî dia disanka.

²Bualu bua Yehowa, Mutambe Bunene wa mu Diulu, udi ukuatshisha bantu buowa, udi Mukelenge munene wa ha mutu ha buloba buonso.

³Udi ubuesha bantu muinshi mua bukokeshi buetu, udi uteka bisamba bia bantu muinshi mua makasa etu.

⁴Udi utusunguila buhianyi buetu, budi butumbi bua Yakoba udiye nʼandi dinanga.

⁵Nzambi wakubanda mu diulu munkatshi mua mbila, Yehowa wakubanda mu tshiona tshia dî dia mpungi.

⁶Nuimbile Nzambi misambu ya kumutumbisha nʼai, imbai! Nuimbile Mukelenge wetu misambu ya kumutumbisha nʼai, imbai!

⁷Bualu bua Nzambi udi Mukelenge wa ba ha buloba bonso; numuimbile musambu ne meji.

⁸Nzambi udi ukokesha ku mutu kua bisamba bia bantu; Nzambi udi mushikame mu nkuasa wandi wa bukelenge ne iya tshijila.

⁹Bakokeshi ba bantu badi badisangisha hamue ne bantu ba Nzambi wa Abalahama. Bualu bua ngabu ya ha buloba idi ya Nzambi; yeye udi mutumbishibue bikole.