Read tshiluba Misambu 51 Bible Online

Misambu 51 - tshiluba bible

Misambu 51

¹Nzambi, unfuile luse, bu mudi luse luebe lujalame; ku divulangana dia luse luebe, unjimishile matomboka anyi.

²Unguvuwe tshishiki ku mahambuka anyi, untokeshe ku bubi buanyi.

³Bualu bua ndi mumanye matomboka anyi, ne buanyi butu buikala ku mpala kuanyi matuku onso.

⁴Nakukuenzela wewe, wewe nkayebe, bibi; nakuenza bualu bubi abu ku mesu kuebe; bua wewe Umanye mua kubingishibua hawamba dî dia kumpisha nʼadi, ne mua kuikala ne mutshima mutoke mu kulumbulula kuebe.

⁵Mona, nakaledibua mu dihambuka, ne mu bubi mamu wanyi wakangimita munda muandi.

⁶Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

⁷Untokeshe ne hysope,[43] nengikale mutoke; unguvuwe, nempite neige butoke tô.

⁸Ungunvuishe mei a disanka ne a musangelu mu matshu anyi; bua mifuba iwakutshibula isanke.

⁹Usokoke mpala webe ku malu mabi anyi, unjimishile mahambuka anyi onso.

¹⁰Nzambi, unfukile mutshima mutoke munda muanyi, ungenzele nyuma mujalame munda muanyi.

¹¹Kungihatshi bua tshikadi ku mpala kuebe, kungumushidi Nyuma webe Muimpe.

¹²Umpingishile disanka dia luhandu luebe, ushindike ne mutshima wa mua kuenza bu mu disua diebe.

¹³Hashishe, nenyishe badi bahambuke nshila yebe, ne bantu babi nebahingane kûdi.

¹⁴Wewe Nzambi, Nzambi wa luhandu luanyi, unsungile ku dihila dia dimatshisha dia mashi, ne ludimi luanyi neluimbe musambu ne dî dikole bua buakane buebe.

¹⁵Mukelenge, ubulule mishiku yanyi, ne mukana muanyi nemumanyishe bantu butumbi buebe.

¹⁶Bualu bua wewe kuena usanka bua difila dia milambu, anyi nakadi kuyifila, wewe kuena usanka bua mulambu wa kuosha ha kahia.

¹⁷Milambu idi Nzambi mua kuitabusha idi mutshima wa majia. Wewe Nzambi, kuena uhetula mutshima wa majia ne udi unyingalala bua bubi buau.

¹⁸Wenzele Siona bimpe mu disanka diebe dimpe, wibake ngumbu ya Yelushalema.

¹⁹Hashishe, newikale ne disanka bua milambu mifidibue mu buakane, neusanke bua milambu ya kuosha ha kahia ne ya nyama ya kuosha mijima. Hashishe, nebafile bana balume ba ngombe ha tshioshelu tshiebe.