Read tshiluba Misambu 56 Bible Online

Misambu 56 - tshiluba bible

Misambu 56

¹Nzambi, unfuile luse, bualu bua bantu badi bandiatakasha muinshi mua makasa; dinda tô ne ku dilolo bena nvita badi bankengesha.

²Badi bangalamina badi bandiatakasha muinshi mua makasa dinda tô ne ku dilolo; bualu bua ba bungi badi baluangana nʼanyi mu dihetu diabo.

³Handi ntshina, ndi nkueyemena wewe.

⁴Mu Nzambi, ndi ntumbisha dî diandi, mu Nzambi mundi ngeyemena, tshiyi ne buowa. Bantu badi mua kungenzela tshinyi?

⁵Dinda tô ne ku dilolo badi bakeba kunyanga malu anyi; badi bangelela meji abo onso bua kungenzelabo bibi.

⁶Badi badisangisha hamue mu bifufu, badi bangalamina mu busokoko, badi batentekela biendedi bianyi. Bu muakualaminabo muoyo wanyi,

⁷badi mua kuhanduka ne dikuatshisha dia bubi buabo, anyi? Mu tshiji tshiebe, Nzambi, wele bantu hanshi!

⁸Wewe udi ubala nsumpakana anyi; wele binsonshi bianyi mu mulondo webe. Kabiena bifundibua mu mukanda webe, anyi?

⁹Nunku bena lukuna banyi nebahingane ku nyima mu dituku dindi nkubikila. Ndi mumanye bualu ebu ne, Nzambi udi nʼanyi.

¹⁰Mu Nzambi, undi ntumbisha dî diandi, mu Yehowa, undi ntumbisha di diandi,

¹¹mu Nzambi mene mundi ngeyemena, tshiyi ne buowa. Bantu badi bamanye mua kungenzela tshinyi?

¹²Nzambi, ndi ne bualu bua kumana mitshihu inakuditshiha kûdi; nenfile milambu ya kusakidila nʼai kûdi.

¹³Bualu bua wewe wakuhandisha muoyo wanyi ku lufu, wakulama makasa anyi bua kalenduki bua mmanye mua kuenda ku mpala kua Nzambi mu munya wa muoyo.