Read tshiluba Misambu 76 Bible Online

Misambu 76 - tshiluba bible

Misambu 76

¹Badi bamanye Nzambi mu Yuda, dina diandi didi dinene mu Isalele.

²Mu Salema kabidi mudi nsubu wandi wa ntenta mushimikibue, ne muaba wandi wa kuikala udi mu Siona.

³Mu muaba au yeye wakatshibula mikete yakadi mu mata ne ngabu ne muele wa nvita ne bielelu bia nvita.

⁴Wewe udi ne butumbi, udi ne buneme buhite mikuna[67] ya banyengi ba bintu binene.

⁵Bena mitshima nutantamane bakulua bu bintu bia kunyenga; bakumana kulala mu tulu tuabo; bena bukitu aba kabakadi ne bukole mu bianza biabo.

⁶Bua kubela kuebe, Nzambi wa Yakoba, muena dikalu dia nvita ne kabalu kadi biakuedibua mu tulu tua kashendende.

⁷Wewe, wewe hebe, udi ukuatshisha bantu buowa; nganyi udi mumanye mua kuimana ku mpala kuebe hawakuata tshiji?

⁸Wewe wakunvuisha bantu dikosa diebe dia bilumbu difuma mu diulu; buloba buakatshina, buakahuwa talalâ,

⁹bakajuka Nzambi bua kulumbululeye bilumbu, bua kusungileye bahuekele bonso ba ha buloba.

¹⁰Bulelela, tshiji tshia bantu netshikutumbishe; wewe neudiluatshishe[68] ne tshiji tshidi tshishala.

¹¹Uditshihe kudi Yehowa Nzambi webe mitshihu yebe, umufutai; bonso badi bamunyunguluke balue ne maha abo kudi udibo ne bua kutshina;

¹²udi ukanda[69] kudisua kua bakokeshi, udi ukuatshisha bakelenge ba ha buloba buowa.