Read tshiluba Musambu wa Solomo 7 Bible Online

Musambu wa Solomo 7 - tshiluba bible

Musambu wa Solomo 7

¹Wewe muana wa mukelenge, makasa ebe adi atamba bulengele mu bisabata. Bibelu biebe bidi bu mabue a mushinga mukole adi masonga ku bianza bia nsenda.

²Mubidi webe udi luhanza luenza ne dibumba, ludi kaluyi luhanga nvinyo misangisha, tshifuka tshiebe tshidi bu tshisumbu tshia blé tshidi tshisuika bilongo bia nsungubidi.

³Mabele ebe abidi adi bu bana ba mahasa ba ngulungu.

⁴Nshingu webe udi bu tshibumba tshia mubanga. Mesu ebe adi bu mashi ba a mai a mu Heshebona adi hehi ne tshibuelelu tshia ku Bata-labima. Diulu diebe didi bu tshibumba tshia ku Lebanona tshidi tshitangila ku luseke lua Damaseke.

⁵Mutu webe udi ufuanangana ne mukuna wa Kâmele; nsuki ya ku mutu webe idi bu bintu bikunzubile; mukelenge udi muvuishibue bu muhika bua bulengele buai.

⁶Wewe udi mulengele be, udi unsankisha, wanyi munanga, dishina dia masanka.

⁷Mubidi webe udi bu dibue dia ngashi, ne mabele ebe adi bu ntungu ya ngashi.

⁸Nakamba ne, Nembande ku dibue dia ngashi, nenkuate ku matata adi; mabele ebe ikale bu bisumbu bia tumuma tukese, muhuya webe wikale bu muhuya wa mamuma a pommes.

⁹Mukana muebe muikale bu nvinyo ya mushinga mukole; idi ne nse mu hilakalaka kudi munanga wanyi, idi inyungisha mishiku ya badi balala tulu.

¹⁰Ndi wa wanyi munanga, dinanga diandi didi kundi.

¹¹Lua biebe, wanyi munanga, tuye bietu mu madimi; tushikame bietu mu misoko.

¹²Tujuke lunkelu bua kuya mu madimi a tumuma tukese; tutangile mionshi bikalabi miele ntonga ne bilongo, ne grenades bikalayi miele bilongo; nenkuheku dinanga dianyi.

¹³Tumuma tua mandragores tudi tutuma muhuya muimpe; mamuma a mishindu yonso adi ku mbelu kuetu, ne mahia-mahia ne mukulukulu, anakukutekela, wewe wanyi munanga.