Read tshiluba Yeshaya 64 Bible Online

Yeshaya 64 - tshiluba bible

Yeshaya 64

¹Nakadi kusua bua wewe ubande diulu, uhueke hanshi ha buloba bua mikuna ikanke ku mpala kuebe,

²bu mudi muanda mulue hosha kahia tshisala, ne hasabisha kadilu mai, bua kumanyisha badi nʼebe lukuna dina diebe, bua ba mu bisamba bia bantu bazakale ku mpala kuebe!

³Hawakenza malu akatukuatshisha buowa atuakadi katuyi batekemena, wakahueka biebe, mikuna yakakanka ku mpala kuebe.

⁴Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

⁵Wewe udi wakidila muntu udi wenza bienzedi biakane ne disanka, udi wakidila badi bakuvuluka mu bienzelu biebe. Mona, wewe wakadi ne tshiji, ne tuakenza malu mabi; tuakadimu[64] musangu mule, netusungidibue, anyi?

⁶Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.

⁷Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

⁸Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

⁹Yehowa, kuikadi nʼetu tshiji tshikole, ne kuvuluki malu mabi etu tshiendelele. Unvua, tudi tukusengelela ne, Utumone, buonso buetu tudi bantu bebe.

¹⁰Misoko yebe ya tshijila yakulua tshihela, Siona wakulua tshihela, Yelushalema wakulua mubutuke.

¹¹Nsubu wetu wa tshijila mulengele, kuakadi batatu betu bakutu-mbishilamu wakulua ne kahia, miaba yetu yonso yakadi itusankisha yakulua bikulu.

¹²Yehowa, neudikande bua malu â, anyi? Neuhuwe talalâ, neutambe kutukengesha, anyi?