Read tshiluba Lewitiki 24 Bible Online

Lewitiki 24 - tshiluba bible

Lewitiki 24

¹Yehowa wakambila Mose ne,

²Wambile Bena Isalele bua bobo balue kûdi ne manyi akatuabo bua kutemesha nʼau minda ku dituku ku dituku.

³Alona nealongolole minda dilolo ne dinda ku mesu kua Yehowa ku dituku ku dituku, ku mpala kua tshilulu tshia ku muaba wa tshijila mu ntenta wa kusangakena eu udi mukenji wa tshiendelele mu bikondo bienu bionso.

⁴Yeye nealongolole minda ha bitekelu biai bia or numpe ku mpala kua Yehowa ku dituku ku dituku.

⁵Wangate bukula bubotesha, ulambe nʼabu mikata dikumi ne ibidi, ulambe mukata umue ne bituha bibidi bia dikumi bia épha.[12]

⁶Ubiteke milongo ibidi, mulongo isambombo mulongo isambombo, ha mesa adi ku mpala kua Yehowa.

⁷Wele manananshi ku mulongo ne ku mulongo, manananshi neikale bu tshivulukidi ha mampa bu mulambu wa kuoshila Yehowa ha kahia.

⁸Nealongolole mampa dituku dia lumingu ku mpala kua Yehowa ku lumingu ku lumingu, yeye nênzele Bena Isalele bualu ebu bu tshihungidi tshia tshiendelele.

⁹Bintu ebi mbia Alona ne bana bandi balume, ne nebabidie mu muaba udi wa tshijila bualu bua bidi bitambe tshijila ku mesu kua Yehowa munkatshi mua mulambu yonso idibo bosha ha kahia. Eu udi mukenji wa tshiendelele.

¹⁰Muana wakadiku, mamu wandi wakadi Muena Isalele ne tatuʼandi wakadi Muena Ejipitu wakaluhuka munkatshi mua Bena Isalele, muana mulume eu wa mukashi wa Bena Isalele wakasangana ne Muena Isalele mukuabo mu tshituilu,

¹¹muana mulume wa mukashi wa Bena Isalele wakateta dina dia Yehowa tshitelatela, wakamuhenda, ba kalua handikudi Mose. Dina dia mamu wandi diakadi Shelomita, muana mukashi wa Dibili, wa mu tshisamba tshia Dana.

¹²Baka muela mu lukanu bua kuindila mei a kudi Yehowa.

¹³Yehowa wakambila Mose ne,

¹⁴Uhatule muntu eu muena bihendu ku butshika bua tshitudilu, bantu bonso bakunvua mei andi batentekashe bianza biabo ha mutu handi ne bantu bonso bamukume ne mabue.

¹⁵Wewe wambile Bena Isalele ne, Muntu yonso udi uhenda Nzambi wandi nendituadile bubi buandi.

¹⁶Muntu udi utela dina dia Yehowa tshitelatela nebamushihe bulelela, bantu bonso nebamukume ne mabue, bikaleye muenyi anyi muntu muledibue mu nsubu yenuhateleye dina dia Yehowa tshitelatela, nebamushihe.

¹⁷Muntu udi ushiha mukuabo nebamushihe.

¹⁸Muntu udi ushiha nyama neafute muena nyama, muoyo ku muoyo.

¹⁹Muntu udi utaha mukuabo mputa nebamuenzele muomumue

²⁰mputa ku mputa, disu ku disu, dinu ku dinu bu muakenzeleye mukuabo nebamuenzele yeye.

²¹Muntu udi ushiha nyama neafute muena nyama ne mundi udi ushiha mukuabo nebamushihe.

²²Nudi ne mukenji muomumue kudi muenyi ne kudi mundi muledibue mu nsubu yenu bualu bua meme ndi Yehowa, Nzambi wenu.

²³Mose wakambila Bena Isalele nunku, ne bobo bakaluhuka ne muena bihendu ku butshika bua tshitudilu, bakamukuma ne mabue Bena Isalele bakenza bu muakambila Yehowa Mose.