Read tshiluba Yelemiya 45 Bible Online

Yelemiya 45 - tshiluba bible

Yelemiya 45

¹Edi ndî dia Yelemiya muprofete diakambileye Baluka, muana wa Neliya, hakafundeye mei â akaluhuka mukana mua Yelemiya mu tshidimu tshinai tshia bukokeshi bua Yehoyakima, muana wa Yoshiya, mukelenge wa Yuda.

²Yehowa, Nzambi wa Isalele, udi ukuambila, wewe Baluka, ne,

³Wewe wakuamba ne, Ndi ne mulau: Bualu bua Yehowa wakutentekasha kanyinganyinga ha mutu ha dikenga dianyi; ndi muhungile ne kutua kuanyi kua mikemu, ne tshiena mpeta dikisha.

⁴Umuambile dî edi ne, Yehowa udi wamba ne, Mona, nensasule tshintu tshinakuasa, nentule tshintu tshinakukuna; nengenze nunku mu buloba bujima.

⁵Wewe udi udikebela malu manene, anyi? Yehowa udi wamba ne, Kudikebediu nansha; bualu bua mona, nentumine bonso ba ha buloba makenga. Kadi nenkuhe muoyo webe bu tshintu tshiudi unyenga mu nvita mu miaba yonso iudi uya.