Read tshiluba Yehezekele 35 Bible Online

Yehezekele 35 - tshiluba bible

Yehezekele 35

¹Dî dia Yehowa diakalua kundi kahidi ne,

²Muana wa muntu, tangisha mpala webe ku mukuna wa Seî, ûdiule;

³uwambile ne, Mukelenge Yehowa udi wamba ne, Monai, ndi nʼebe tshilumbu, wewe mukuna wa Sei, nengolole tshianza tshianyi ha mutu hebe bua kukukengesha, nenkuvuishe tshikulu ne tshihela tshia hatuhu.

⁴Nembutule misoko yebe, ne neyishale bikulu; neumanye ne, Meme ndi Yehowa.

⁵Bualu bua wakadi ne Bena Isalele lukuna lua tshiendelele, wakahaula kudi bakadi ne miele ya nvita mu tshikondo tshia dikenga diabo, mu tshikondo mene tshia kukengeshibua kuabo kua kunshikidilu.

⁶Nunku Mukelenge Yehowa udi wamba ne, Bu mundi meme ne muoyo, nenkulongoluele mashi ne mashi neakulonde, bualu bua wewe wakuhua hawakumatshisha mashi abo hanshi, mashi neakulonde.

⁷Nunku nenvuishe mukuna wa Seî tshikulu ne tshihela tshia tshianana; ku muele wa nvita nenshihe muntu wabuelamu ne muntu wahatukamu.

⁸Nendishe mikuna yau tente ne bantu bau bashihibue; bantu bashihibue ku muele wa nvita nebahone mu mikuna yebe ne mu bibanda biebe ne mu bihongo biebe bionso.

⁹Nenkubutule tshiendelele, ne misoko yebe neyishale kayiyi ne bantu; nunku nenumanye ne, Meme udi Yehowa.

¹⁰Bualu bua wewe wakuamba ne, Bisamba ebi bibidi ne maloba abi abidi nebikale bianyi, ne meme nembiangate bu buhianyi buanyi; kadi Yehowa waka dimu;

¹¹nunku Mukelenge Yehowa udi wamba ne, Bu mundi meme ne muoyo, nenkuenzele wewe bu muakadi tshiji tshiebe ne mukau webe bi wakabuesha bualu bua lukuna luwakadi nʼalu kudibi; nendimanyishe munkatshi muenu hananulumbuluisha.

¹²Neumanye kabidi ne, Meme Yehowa nakunvua bihendu bionso biwakuhenda nʼabi mikuna ya mu Isalele bawakuamba ne Yakubutuka, yakufidibua kutudi bu bia kudia bietu.

¹³Bualu bua wewe wakudibandisha ku mpala kuanyi ne mei a mukana muebe, wa kundi ula ne mei mavule, ne meme nakaunvua;

¹⁴nunku Mukelenge Yehowa udi wamba ne, Hasanka ba ha buloba bonso, nenkubutule kabutu.

¹⁵Bu muwakasanka bualu bua kubutuka kua buhianyi bua Bena Isalele, nenkuenzele wewe muomumue: Wewe mubutuke, mukuna wa Sei, ne buloba bua Edome buongo: nunku nebamanye ne, Meme ndi Yehowa.