Read tshiluba Yona 2 Bible Online

Yona 2 - tshiluba bible

Yona 2

¹Mu diba adi Yona wakatendelela Yehowa Nzambi wandi hakadiye munda mua munyinyi wa mu mai,

²wakamba biandi ne, Mu dikenga dianyi nakela dî dianyi kudi Yehowa, ne yeye wakitaba kundi; mu Muaba wa Bafue nakadila kûdi, ne wewe wakunvua dî dianyi.

³Bualu bua wewe wakadi mungele mu ndondo wa mai, munkatshi mua mai manene mene, mai akannyunguluka ku nseke yonso; mavuala ebe ne mambuanka ebe onso akahita ha mutu hanyi.

⁴Nakuamba ne, Bakungihata ku mesu kuebe, kadi nentangishe mesu anyi kabidi ku ntempelo webe wa tshijila.

⁵Mai akannyunguluka amba kujimisha muoyo wanyi; ndondo wa mai manene wakannyunguluka; ndau yakanjingila ku mutu wanyi.

⁶Nakadila tô ne ku bitaku bia mikuna; ku buloba budi ne nkanu minsuike tshiendelele. Kadi wewe wakahatula muoyo wanyi mu Dijimba, Yehowa Nzambi wanyi!

⁷Hakadi muoyo wanyi muhungile, nakavuluka Yehowa; kulomba kuanyi kuakufika kûdi mu ntempelo webe wa tshilua mene.

⁸Badi beyemena mpingu ya hatuhu idi ibadinga badi balekela Mubafuidi wa luse.

⁹Kadi meme hanyi nenfile milambu kûdi ne dî dia disanka; nenfile bintu bi nakuditshiha hua kukuha. Luhandu ludi lufuma kudi Yehowa.

¹⁰Hashishe, Yehowa wakela munyinyi au dî diandi ne munyinyi wakaluka Yona ku mpata.