Read tshiluba Nomba 29 Bible Online

Nomba 29 - tshiluba bible

Nomba 29

¹Dituku dia kumudilu dia ngondo wa muanda mutekete nenuikale ne disangisha dia tshiula, kanuenji mudimu, edi ndituku didibo bela mpungi.

²Nenufile milambu ya kuosha ha kahia, idi itua dihembu kudi Yehowa, muana mulume wa ngombe ne tshimpanga tshimue ne bana balume ba mikoko muanda mutekete ba tshidimu tshimue badi kabayi ne tshilema,

³ne milambu yabi ya bukula bubotesha busangisha ne manyi, bintu bisatu bia dikumi ku muana wa ngombe, ne bintu bibidi bia dikumi ku tshimpanga,

⁴ne tshintu tshia dikumi ku muana wa mukoko tô ne ku bana ba mikoko muanda mutekete,

⁵ne mpumbu wa mbushi bu mulambu wa kunubuikidila nʼau bubi,

⁶ha mutu ha milambu idibo bosha babala ngondo, ne milambu ya bukula ne milambu ya bintu bidibo banua, bu mudi mukenji wamba, milambu ya kuosha ha kahia, idi itua dihembu kudi Yehowa.

⁷Dituku dia dikumi dia ngondo eu wa muanda mutekete nenuikale ne disangisha dia tshijila, nenunyingalashe mioyo yenu, kanuenji mudimu,

⁸ka dî nenufile mulambu wa kuosha ha kahia udi utua dihembu kudi Yehowa muana mulume wa ngombe ne tshimpanga tshimue ne bana balume ba mikoko muanda mutekete ba tshidimu tshimue badi kabayi ne tshilema,

⁹ne milambu yabi ya bukula bubotesha busangisha ne manyi, bintu bisatu bia dikumi ku muana wa ngombe, ne bintu bibidi bia dikumi ku tshimpanga,

¹⁰ne tshintu tshia dikumi ku muana wa mukoko tô ne ku bana ba mikoko muanda mutekete,

¹¹ne mpumbu wa mbushi bu mulambu wa kunubuikidila nʼau bubi, nenufile bintu ebi ku mutu kua mulambu wa kubuikila nʼau bubi ne milambu ya kuosha ha kahia ya buatshia-buatshia ne milambu ya bukula ne milambu ya bintu bidibo banua.

¹²Mu dituku dia dikumi ne atanu dia ngondo wa muanda mutekete nenuikale ne disangisha dia tshijila, kanuenji mudimu, nenudie bidia bia Yehowa matuku muanda mutekete,

¹³nenufile milambu ya kuosha ha kahia idi itua dihembu kudi Yehowa bana ba balume ba tshidimu tshimue ba ngombe dikumi ne basatu ne bimpanga bibidi ne bana balume ba mikoko dikumi ne banai badi kabayi ne tshilema,

¹⁴ne milambu yabi ya bukula bubotesha busangisha ne manyi, bintu bisatu bia dî kunu ku muana wa ngombe tô ne ku bana ba ngombe dikumi ne basatu, ne bintu bibidi bia dikumi ku tshimpanga tshionso,

¹⁵ne tshintu tshia dikumi ku muana wa mukoko to ne ku bana ba mikoko dikumi ne banai,

¹⁶ne mpumbu wa mbushi bu mulambu wa kunubuikidila nʼau bubi, ku mutu kua milambu ya kuosha ha kahia buatshia-buatshia, ne milambu ya bukula ne milambu ya bintu bidibo banua.

¹⁷Mu dituku dibidi nenufile bana balume ba ngombe dikumi ne babidi ne bimpanga bibidi ne bana balume ba mikoko dikumi ne banai ba tshidimu tshimue badi kabayi ne tshilema,

¹⁸ne milambu yabi ya bukula ne milambu ya bintu bidibo banua, ku bana ba ngombe ne ku bimpanga ne ku bana ba mikoko bu bungi budi, bu mudi mukenji wamba,

¹⁹ne mpumbu wa mbushi bu mulambu wa kunubuikidila nʼau bubi, ku mutu kua milambu ya kuosha buatshia-buatshia ne milambu ya bukula ne milambu ya bintu bidibo banua.

²⁰Mu dituku disatu bana balume ba ngombe dikumi ne umue ne bimpanga bibidi ne bana balume ba mikoko dikumi ne banai ba tshidimu tshimue badi kabayi ne tshilema;

²¹ne milambu yabi ya bukula ne ya bintu bidibo banua, ku bana ba ngombe ne ku bimpanga ne ku bana ba mikoko bu bungi buai, bu mudi mukenji wamba,

²²ne mpumbu wa mbushi bu mulambu wa kunubuikidila hau bubi, ku mutu kua milambu ya kuosha buatshia-buatshia ne milambu ya bukula ne ya bintu bidibo banua.

²³Mu dituku dinai bana balume ba ngombe dikumi ne bimpanga bibidi ne bana balume ba mikoko dikumi ne banai ba tshidimu tshimue, badi kabayi ne tshilema,

²⁴ne milambu yabi ya bukula ne ya bintu bidibo banua, ku bana balume ba ngombe ne ku bimpanga ne ku bana ba mikoko bu bungi buai, bu mudi mukenji wamba;

²⁵ne mpumbu wa mbushi bu mulambu wa kunubuikidila nʼau bubi, ku mutu kua milambu ya kuosha buatshia-buatshia ne milambu ya bukula ne ya bintu bidibo banua.

²⁶Mu dituku ditanu bana balume ba ngombe tshitema ne bimpanga bibidi ne bana balume ba mikoko dikumi ne banai ba tshidimu tshimue badi kabayi ne tshilema,

²⁷ne milambu yabi ya bukula ne ya bintu bidibo banua, ku bana balume ba ngombe ne ku bimpanga ne ku mikoko bu bungi buai, bu mudi mukenji wamba,

²⁸ne mpumbu wa mbushi bu mulambu wa kunubuikidila n au bubi, ku mutu kua milambu ya kuosha buatshia-buatshia ne milambu ya bukula ne ya bintu bidibo banua.

²⁹Mu dituku disambombo bana balume ba ngombe muanda mukulu ne bimpanga bibidi ne bana balume ba mikoko dikumi ne banai ba tshidimu tshimue badi kabayi ne tshilema,

³⁰ne milambu yabi ya bukula ne ya bintu bidibo banua, ku bana balume ba ngombe ne ku bimpanga ne ku bana ba mikoko bu bungi buai, bu mudi mukenji wamba,

³¹ne mpumbu wa mbushi bu mulambu wa kunubuikidila nʼau bubi, ku mutu kua milambu ya kuosha buatshia-buatshia ne milambu ya bukula ne ya bintu bidibo banua.

³²Mu dituku dia muanda mutekete bana balume ba ngombe muanda mutekete, ne bimpanga bibidi ne bana balume ba mikoko dikumi ne banai ba tshidimu tshimue badi kabayi ne tshilema,

³³ne milambu yabi ya bukula ne ya bintu bidibo banua, ku bana balume ba ngombe ne ku bimpanga ne ku bana ba mikoko bu bungi buai bu mudi mukenji wamba;

³⁴ne mpumbu wa mbushi bu mulambu wa kunubuikidila nʼau bubi, ku mutu kua milambu ya kuosha buatshia-buatshia ne milambu ya bukula ne ya bintu bidibo banua.

³⁵Mu dituku dia muanda mukulu nenuikale ne disangisha dia tshijila, kanuenji mudimu,

³⁶kadi nenufile mulambu wa kuosha ha kahia udi utua dihembu kudi Yehowa muana mulume wa ngombe ne tshimpanga ne bana balume ba mikoko muanda mutekete ba tshidimu tshimue badi kabayi ne tshilema,

³⁷ne milambu yabi ya bukula ne ya bintu bidibo banua, ku muana mulume wa ngombe ne ku tshimpanga ne ku bana ba mikoko bu bungi buai, bu mudi mukenji wamba:

³⁸ne mpumbu wa mbushi bu mulambu wa kunubuikidila nʼau bubi, ku mutu kua milambu ya kuosha buatshia-buatshia ne milambu ya bukula ne ya bintu bidibo banua.

³⁹Nenufile bintu ebi kudi Yehowa mu matuku anudi nudia bidia bia Yehowa, ku mutu kua milambu ya kuditshiha nʼai ne bintu budi mitshima yenu misue kufila, ne milambu yenu ya kuosha ne milambu ya bukula ne milambu ya bintu bidibo banua ne milambu yenu ya kuvuisha nʼai ditalala.

⁴⁰Mose wakambila Bena Isalele mei onso akambila Yehowa Mose.