Read tshiluba Nomba 7 Bible Online

Nomba 7 - tshiluba bible

Nomba 7

¹Hakalua dituku diakashikisha Mose kushimika nsubu wa tshitendelelu, ne hakeleye manyi ha mutu hatshi, wakatshijidila, ne bintu bionso biakadimu ne tshioshelu ne malonga atshi onso, ne hakeleye manyi ha mutu habi, wakabijidila.

²Bakelenge ba mu Isalele, bakadi ku mutu kua nsubu ya batatuʼabo, bakafua bintu. Aba mbakelenge ba bisamba, bakadi ku mutu kua bantu bakabalabo

³bakatua ne bintu biabo ku mpala kua Yehowa makalu manene asambombo ne ngombe dikumi ne ibidi dikalu dimue kudi bakelenge babidi, ne ngombe umue kudi muntu ne mundi, bakalua nʼabi ku mpala kua nsubu wa tshitendelelu.

⁴Yehowa wakambila Mose ne,

⁵Angata bintu biabo bua kuenza nʼabi mudimu wa ntenta wa kusambakena, ubifile kudi Bena Lewi mundi ne muntu ku mudimu wandi.

⁶Mose Wakangata makalu ne ngombe, wakabifila kudi Bena Lewi.

⁷Wakaha bana balume ba Gêshona makalu abidi ne ngombe mai, bu muakadi mudimu wabo

⁸wakaha bana balume ba Melali makalu anai ne ngombe muanda mukulu bu muakadi mudimu wabo wakenzabo, ku tshianza tshia Itamâ, muana mulume wa Alona muakuidi.

⁹Kadi yeye bakaha bana balume ba Kohata tshintu, bualu bua bobo bakadi ne mudimu ne bintu bia mu nsubu wa tshitendelelu, bakabituala ha maha abo.

¹⁰Bakelenge bakafua bintu bia kujidila nʼabi tshioshelu mu dituku diakelabo manyi ha mutu hatshi, mbakelenge mene bakafua bintu biabo ku mpala kua tshioshelu.

¹¹Yehowa wakambila Mose ne, Buonso buabo nebafile bintu biabo, mukelenge dituku, mukelenge dituku, bua kujidila tshioshelu.

¹²Nashona, muana mulume wa Aminadaba wa tshisamba tshia Yuda, wakafua bintu biandi dituku dia kumudilu.

¹³Bintu biakafileye biakadi dilonga disalame dia tshiamu tshia argent, bujitu buadi buakadi nshekele[4] lukama ne makumi asatu, ne dilonga dia ndondo dia argent wa nshekele makumi muanda mutekete, bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

¹⁴ne nkutu wa or wa nshekele dikumi, mule tente ne musenga wa manananshi,

¹⁵ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

¹⁶ne mbushi wa mpumbu bu mulambu wa kubuikila nʼau bubi,

¹⁷ne ngombe ibidi ne bimpanga bitanu, ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kumusha nʼau ditalala eu udi mulambu wa Nashona, muana mulume wa Aminadaba.

¹⁸Netanele, muana mulume wa Sua, mukelenge wa Yisakâ, wakaula bintu biandi dituku dibidi.

¹⁹Wa kafila bu mulambu wandi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

²⁰ne nkutu wa or wa nshekele dikumi mule tente ne musenga wa manananshi,

²¹ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

²²ne mbushi wa mpumbu bu mulambu wa kubuikila nʼau bubi

²³ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Netanele, muana mulume wa Sua.

²⁴Ehaba, muana mulume wa Helona, mukelenge wa bana ba Zebuluna, wakafua bintu dituku disatu.

²⁵Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent dia nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

²⁶ne nkutu wa or wa nshekele dikumi mûle tente ne musenga wa manananshi,

²⁷ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

²⁸ne mbushi wa mpumbu bu mulambu wa kubuikila nʼau bubi,

²⁹ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Ehaba, muana mulume wa Helona.

³⁰Elisû muana mulume wa Shedeu, mukelenge wa bana balume ba Lubena, wakafua bintu dituku dinai.

³¹Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

³²ne nkutu wa or wa nshekele dikumi mûle tente ne musenga wa manananshi,

³³ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

³⁴mbushi wa mpumbu bu mulambu wa kubuikila nʼau bubi,

³⁵ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha n au ditalala eu udi mulambu wa Elisû, muana mulume wa Shedeu.

³⁶Shelumiele, muana mulume wa Shulishadai, mukelenge wa bana ba Shimeona, wakafua bintu dituku ditanu.

³⁷Mulambu wandi wakadi dilonga disalame dia tshiamu tshia argent bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

³⁸ne nkutu wa or wa nshekele dikumi mule tente ne musenga wa manananshi,

³⁹ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

⁴⁰ne mbushi wa mpumbu bu mulambu wa kubuikila nʼau bubi,

⁴¹ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Shelumiele, muana mulume wa Shulishadai.

⁴²Eleyasafa, muana mulume wa Deuele, mukelenge wa bana ba Gada, wakafua bintu dituku disambombo

⁴³Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

⁴⁴ne nkutu wa or wa nshekele dikumi mûle tente ne musenga wa manananshi,

⁴⁵ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

⁴⁶ne mbushi wa mpumbu bu mulambu wa kubuikila n au bubi,

⁴⁷ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Eleyasafa, muana mulume wa Deuele.

⁴⁸Elishama, muana mulume wa Amihuda, mukelenge wa bana ba Efelayima, wakafua bintu dituku dia muanda mutekete.

⁴⁹Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

⁵⁰ne nkutu wa or wa nshekele dikumi mûle tente ne musenga wa manananshi;

⁵¹ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

⁵²ne mbushi wa mpumbu bu mulambu wa ku bialeha nʼau bubi,

⁵³ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Elishama, muana mulume wa Amihuda.

⁵⁴Gamaliele, muana mulume wa Pedasû, mukelenge wa bana ba Manashe, wakafua bintu dituku dia muanda mukulu.

⁵⁵Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

⁵⁶ne nkutu wa or wa nshekele dikumi mûle tente ne musenga wa manananshi,

⁵⁷ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

⁵⁸ne mbushi wa mpumbu bu mulambu wa kubuikila nʼau bubi,

⁵⁹ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kubisha nʼau ditalala eu udi mulambu wa Gamaliele, muana mulume wa Pedasû.

⁶⁰Abidana, muana mulume wa Gideoni, mukelenge wa bana ba Benyamina, wakafua bintu dituku dia tshitema.

⁶¹Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula;

⁶²ne nkutu wa or wa nshekele dikumi mule tente ne musenga wa manananshi,

⁶³ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia;

⁶⁴ne mbushi wa mpumbu bu mulambu wa kubuikila nʼau bubi

⁶⁵ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuyifila nʼau ditalala eu udi mulambu wa Abidana, muana mulume wa Gideoni.

⁶⁶Ahiezê, muana mulume wa Amishadai, mukelenge wa bana ba Dana, wakafua bintu dituku dia dikumi.

⁶⁷Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi,

⁶⁸ne nkutu wa or wa nshekele dikumi mûle tente ne musenga wa manananshi,

⁶⁹ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

⁷⁰ne mbushi wa mpumbu bu mulambu wa kubuikila nʼau bubi,

⁷¹ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Ahiezê, muana mulume wa Amishadai.

⁷²Pagiele, muana mulume wa Okelana mukelenge wa bana ba Ashe, wakafua bintu dituku dia dikumi ne dimue.

⁷³Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula;

⁷⁴ne nkutu wa or wa nshekele dikumi mûle tente ne musenga wa manananshi;

⁷⁵ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia;

⁷⁶ne mbushi wa mpumbu bu mulambu wa kubuikila nʼau bubi,

⁷⁷ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Pagiele, muana mulume wa Okelana.

⁷⁸Ahila, muana mulume wa Enana, mukelenge wa bana ba Nafatale, wakafua bintu dituku dia dikumi ne abidi.

⁷⁹Mulambu wandi wakadi dilonga disalame dia tshiamu tshia argent, bujitu buadi buakadi nshekele lukama ne makumi asatu, ne dilonga dia ndondo dia argent wa nshekele makumi muanda mutekete bu nshekele wa mu nsubu wa tshitendelelu, bubidi buabi biule tente ne bukula bubotesha busangisha ne manyi bu mulambu wa bukula,

⁸⁰ne nkutu wa or wa nshekele dikumi mule tente ne musenga wa manananshi;

⁸¹ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia;

⁸²ne mbushi wa mpumbu bu mulambu wa kubuikila nʼau bubi;

⁸³ne ngombe ibidi ne bimpanga bitanu ne mbushi ya mpumbu itanu ne bana balume ba mikoko batanu ba tshidimu tshimue bu mulambu wa kuvuisha nʼau ditalala eu udi mulambu wa Ahila, muana mulume wa Enana.

⁸⁴Ebi mbintu biakajidilabo nʼabi tshioshelu mu dituku diakelabo manyi ha mutu hatshi kudi bukelenge ba mu Isalele malonga masalame a argent dikumi ne abidi, ne malonga a ndondo a argent dikumi ne abidi, ne nkutu ya or dikumi ne ibidi;

⁸⁵bujitu bua dilonga disalame dimue buakadi nshekele lukama ne makumi asatu, ne bua dilonga dia ndondo dimue nshekele makumi muanda mutekete, ne argent yonso ya bintu ebi bionso yakadi nshekele binunu bibidi ne nkama mai bu nshekele wa mu nsubu wa tshitendelelu;

⁸⁶ne nkutu ya or dikumi ne ibidi yakadi miule tente ne musenga wa manananshi, bujitu bua nkutu ne nkutu buakadi nshekele dikumi bu nshekele wa mu nsubu wa tshitendelelu, or yonso ya nkutu ei yakadi nshekele lukama ne makumi abidi;

⁸⁷ne mulambu wa kuosha ha kahia wakadi balume ba ngombe dikumi ne babidi, bimpanga dikumi ne bibidi, ne bana balume ba mikoko ba tshidimu tshimue dikumi ne babidi, ne mulambu wabi wa bukula, ne mbushi ya mpumbu ya mulambu wa kubuikila nʼau bubi dikumi ne bibidi;

⁸⁸ne mulambu wa kuvuisha nʼau ditalala wakadi balume ba ngombe makumi abidi ne banai, ne bimpanga makumi asambombo ne mbushi ya mpumbu makumi asambombo ne bana balume ba mikoko makumi asambombo ba tshidimu tshimue. Ebi mbintu bia kujidila nʼabi tshioshelu, hakelabo manyi ha mutu hatshi.

⁸⁹Hakaya Mose mu ntenta wa kusambakena bua kusomba ne Yehowa, hashishe yeye wakunvua Di diakadi diakula nʼandi ha mutu ha tshibuikidi tshia ha mutu ha mushete wa Nzambi hankatshi ha bakeluba babidi ne yeye wakasomba ne Yehowa.