Read tshiluba Zekâya 11 Bible Online

Zekâya 11 - tshiluba bible

Zekâya 11

¹Lebanona, unzulule bibi biebe, bua kahia kashidishe mitshi yebe ya cèdre!

²Asa muadi, wewe mutshi wa cyprès, bualu bua mutshi wa cèdre wakubona, mitshi ya butumbi yakubutudibua. Asai miadi, mitshi ya chène ya mu Bashana, bualu bua ditu dinene diakutahibua.

³Unvuai muadi wa balami ba mikoko bualu bua butumbi buabo buakubutudibua! Unvuai muadi wa bana ba nyama ya ntambue, bualu bua ditu dinene dia Yadene diakatumbishabo didi dibutuke!

⁴Yehowa Nzambi wanyi wakangambila ne, Disha mikoko idibo hamba kushiha.

⁵Basumbi badi bayishiha, ne kakuena udi ubahisha; bahanyi badi bamba ne, Yehowa atumbishibue bualu bua tuakulua babanji! Balami bai kabena bayifuila luse.

⁶Yehowa udi wamba ne, Nunku tshiena nfuila ba mu buloba ebu luse kabidi; monai, nenfile bantu aba bonso, muntu ne muntu mu bianza bia muena mutumba nʼandi, muntu ne muntu mu bianza bia mukelenge wandi; nebavuishe buloba tshikulu, ne tshiena mbahandisha mu bianza bia babashihi.

⁷Nunku nakadisha mikoko yakambabo kushiha, yoyi mene yakadi mihite kunyana. Nakangata milangala ibidi, nakidika mukuabo ne, Diakalengele, nakidika mukuabo ne, Buobumue. Nunku nakadisha mikoko.

⁸Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

⁹Nunku nakamba ne, Tshiena nnudisha kabidi. Ufuafua, ufue; udi ujimina, ujimine; yashala ne muoyo idiangane.

¹⁰Nakangata mulangala wanyi, Diakalengele, nekaukosa hankatshi bua kushiha bianyi tshihungidi tshinakahunga ne ba mu bisamba bionso.

¹¹Tshiakafua dituku adi; ne mikoko yakadi mihite kunyana yakunvua dî dianyi, yakamanya ne, Di adi diakadi dia Yehowa.

¹²Nakayambila ne, Bikala bualu ebu buimpe ku mesu kuenu, numpe difutu dianyi; kadi binuamanya ne, Kambimpe, nubulekele. Nunku bakabidikishila bituha bia argent makumi asatu bu difutu dianyi.

¹³Yehowa wakangambila ne, Wele bintu ebi bia tshishingashinga tshiakuntuilabo mu tshibutshilu. Nunku nakangata bituha bia argent makumi asatu, nakabiela mu tshibutshilu tshia mu nsubu wa Yehowa.

¹⁴Hashishe, nakakosa mulangala wanyi mukuabo, Buobumue mene, bua kushiha buobumue bua Bena Yuda ne Bena Isalele.

¹⁵Yehowa wakangambila kabidi ne, Udiangatshile kabidi bintu bia mulami muhote.

¹⁶Mona, ndi ngamba kubisha mulami ha buloba, ne yeye kena umona mikoko idi mijimine, kena ukeba mikoko idi mitangadike, kena ukolesha idi mitahike mputa; kena udisha idi mimane ne bukole, kadi neadie munyinyi wa idi ne manyi, neabande bikono biai bihesa.

¹⁷Mulau wikale kudi mulami wa tshianana, udi ushiya mikoko! Muele wa nvita utahe diboko diandi ne disu diandi dia ku tshianza tshia balume! Diboko diandi difube, ne disu diandi dia ku tshianza tshia balume difue tshiendelele!