Read tshiluba Zekâya 2 Bible Online

Zekâya 2 - tshiluba bible

Zekâya 2

¹Nakabanduluka, nakatangila; ekumona! Muntu muikale ne luidi mu tshianza tshiandi.

²Nunku nakamukonka ne, Uyaya kudi kunyi? Yeye wakangandamuna ne, Bua kuidikisha Yelushalema, bua kutangila ne udi ne butshiama kai ne bule kai.

³Monai, muanjelo wakadi uyikila nʼanyi wakumuka, ne munga muanjelo wakalua kusangakena nʼandi;

⁴wakamuambila ne, Ya lubilu, ambila nsongalume eu ne, Yelushalema neikale ne bantu muomumue ne misoko idi kayiyi ne ngumbu, bualu bua bisumbu bivule bia bantu ne bia bimuna nebikalemu.

⁵Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

⁶Yehowa udi Wamba ne, Telejai bienu! Hatukai mu buloba bua ku node, nyemai, bualu bua nakanutangalasha ku mpehele inai ya diulu,

⁷Wewe Siona, nyema, wewe udi mushikame ne muana mukashi wa Babulona.

⁸Udi ubisha tshianza tshiandi kudi Bena Isalele udi utu mu kamonyi ka disu dia Yehowa. Bua bualu ebu, Yehowa wa misumba, mumane kuntuma bua kumuhetela butumbi kudi ba mu bisamba bia bantu bakanuhaula, udi wamba ne,

⁹Monai, nenkume tshianza tshianyi ha mutu habo, ne bobo nebikale bintu bia kuhaulabo kudi bakadi babakuatshila mudimu; nenumanye ne Yehowa wa misumba wakuntuma.

¹⁰Yehowa udi wamba ne, Imba misambu, sanka biebe, wewe muana mukashi wa mu Siona; bualu bua nendue, nenshikame munkatshi muenu.

¹¹Bisamba bia bungi nebilamate Yehowa dituku adi, nebikale bantu banyi; ne meme nenshikame munkatshi muenu, ne wewe neumanye ne Yehowa wa misumba wakuntuma kûdi.

¹²Yehowa neangate Yuda bu buhianyi buandi mu buloba bua tshijila, neasungule Yelushalema kabidi.

¹³Huwai ku mpala kua Yehowa, nuenu bonso ba ha buloba; bualu bua yeye wakatabala mu muaba wandi wa tshijila.