Read tshiluba Matayo 1 Bible Online

Matayo 1 - tshiluba bible

Matayo 1

¹Mukanda wa bankambua ba Yesu Kilisto, muana wa Bayidi, muana wa Abalahama.

²Abalahama wakalela Isaka; Isaka wakalela Yakoba; Yakoba wakalela Yuda ne bana babo;

³Yuda ne mukashi wandi Tamâ bakalela Pelese ne Zela; Pelese wakalela Heselona; Heselona wakalela Lama;

⁴Lama wakalela Aminadaba; Aminadaba wakalela Nashona; Nashona wakalela Salamona;

⁵Salamona ne mukashi wandi Lahaba bakalela Boaza; Boaza ne Luta bakalela Obeda; Obeda wakalela Yishai;

⁶Yishai wakalela mukelenge Davidi. Davidi ne mukashi wakadi kudi Uliya bakalela Solomo;

⁷Solomo wakalela Lehabama; Lehabama wakalela Abiya; Abiya wakalela Asa;

⁸Asa wakalela Yehoshafata; Yehoshafata wakalela Yolama; Yolama wakalela Uziya;

⁹Uziya wakalela Yotama; Yotama wakalela Ahaza; Ahaza wakalela Hizikiya;

¹⁰Hizikiya wakalela Manashe; Manashe wakalela Amona; Amona wakalela Yoshiya;

¹¹Yoshiya wakalela Yekonya ne bana babo ku tshikondo tshiakayabo nʼabo ku Babulona.

¹²Hakayabo nʼabo ku Babulona, Yekonya wakalela Shalatiele; Shalatiele wakalela Zelubabela;

¹³Zelubabela wakalela Abihuda; Abihuda wakalela Eleyakima; Eleyakima wakalela. Azô;

¹⁴Azô wakalela Sadoka; Sadoka wakalela Akimi; Akimi wakalela Eliyuda;

¹⁵Eliyuda wakalela Eleazâ; Eleazâ wakalela Matana; Matana wakalela Yakoba;

¹⁶Yakoba wakalela Yosefe bayandi wa Malia muledi wa Yesu, udibo babikila ne, Kilisto.

¹⁷Nunku bikondo bionso ku Abalahama tô ne ku Davidi bidi dikumi ne binai; ku Bayidi tô ne hakayabo nʼabo ku Babulona bidi dikumi ne binai; bakayabo nʼabo ku Babulona tô ne ku Kilisto bidi dikumi ne binai.

¹⁸Kuledibua kua Yesu Kilisto kuakadi nunku: Hakadi baba wandi Malia mubangila kudi Yosefe, diambedi kaba! banze kulua hohamue, bakamusangana muimitshisha difu kudi Nyuma Muimpe.

¹⁹Yosefe, bayandi, wakadi muntu muakane, yeye kakasua kumulesha kudi bantu, wakamba kumulekela mu musokoko.

²⁰Hakadiye welangana meshi a malu â, muanjelo wa Mukelenge wakamueneka kudiye mu tshilota tshiandi, wakamba ne, Yosefe, muana wa Bayidi, kutshinyi mua kuangata mukashi webe Malia, bualu bua udi muimita munda muandi ngua Nyuma Muimpe.

²¹Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo.

²²Malu â onso akalua bua kushikisha dî dia Mukelenge diakambabo kudi muprofete ne,

²³Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

²⁴Yosefe wakabika ku tulu, wakenza bu muakamuambila muanjelo wa Mukelenge, wakangata mukashi wandi;

²⁵yeye kakamumanya tô ne hakaleleye muana mulume: wakamuidika ne, Yesu.