Read tshiluba Luka 14 Bible Online

Luka 14 - tshiluba bible

Luka 14

¹Hakabueleye mu nsubu wa muntu munene wa Bafalese dituku dia Lumingu lua Bayuda bua kudia bidia, bakadi bamutentekela.

²Muntu wakalua ku mpala kuandi, wakadi ne disama dia munana.

³Yesu wakakonka bamanyi ba mikenshi ne Bafalese ne, Kuondaha kua bantu dituku dia Lumingu kudi kushiha mukenshi, anyi?

⁴Kadi bobo bakahua. Yesu wakamuangata, wakashikisha disama diandi, wakamulekela.

⁵Wakabamhila ne, Mukuabo wenu kai, bikaleye ne nyama wa mpunda anyi ngombe muhone mu dina dia mai, kena umusabula lubilu difuku dia Lumingu?

⁶Kabakamanya mua kumukudimuna dî.

⁷Yeye wakelela bakabikilabo ku bidia lusumuinu, hakabatangileye badisunguila nkuasa minene, wakabambila ne,

⁸Biakubikilabo bua kudia bidia bia dibanji, kudishikaminyi mu nkuasa munene; bikalabo babikile mukuabo udi mukutambe,

⁹wakumbikila nʼandi nealue, neakuambile ne, Ushile muntu eu muaba; wewe neubange kuangata muaba mutambe bukese.

¹⁰Kadi hakubikilabo, ya biebe ushikame ha muaba udi mutambe bukese; hashishe halua wakukubikila, neakuambile ne, Mulunda, bandila biebe; wewe newikale ne butumbi ku mesu kua bantu bonso badi bashikame nʼebe ku mesa.

¹¹Bualu bua wadibandisha nebamuhuekeshe, wadihuekesha nebamubandishe.

¹²Yesu wakambila wakamubikila bua kudia ne, Hawalambishila bantu bidia bia munda munya anyi bia dilolo, kubikidi balunda bebe anyi bana benu anyi ba tshiota tshienu anyi babanshi badi ha buihi nʼebe; biakubikilabo wewe kabidi, nebakuhingishile bintu biebe.

¹³Kadi hawalambishila bantu bidia, ubikile bahele ne bataha ne balema ne bafofo;

¹⁴nebakutumbishe, bua bobo kabena ne bia kukuhingishila kabidi; nebakuhingishilebi, halua dibika dia bantu bakane ku lufu.

¹⁵Mukuabo wa bakadi badia nʼandi bidia, hakunvueye mei a Yesu, wakamuambila ne, Wadia bidia mu bukelenge bua Nzambi udi ne disanka.

¹⁶Kadi Yesu wakamuambila ne, Muntu wakadiku, wakalamba bidia bia dilolo bia bungi, wakabikila bantu ba bungi.

¹⁷Hakafika diba dia kudia, wakatuma muntu wandi bua kuambila bakadiye mubikile diambedi ne, Luai, bualu bua bintu bionso bidi bilongolola.

¹⁸Buonso buabo bakabanga kumulayidila bu dî dimana kuhunga. Wa kumudilu wakamuambila ne, Nakûla budimi, bundi nʼabu mbua kuya kubumona; udi nkusengelela bua kundayidila.

¹⁹Mukuabo wakamba ne, Nakûla ngombe dikumi, ibidi ku mutshi wa tshikokedi ibidi ku mutshi wa tshikokedi, nenye kuiteta. Ndi nkusengelela bua kundayidila.

²⁰Mukuabo wakamba ne, Nakubaka mukashi, nunku tshiena mumanye mua kuya.

²¹Muntu wakalua, wakambila nfumu wandi malu â. Muena nsubu wakadi ne tshishi, wakambila muntu wandi ne, Ya biebe lubilu mu misesu ya musoko ne mu tushila tukese, ulue ne bahele ne bataha ne bafofo ne balema.

²²Muntu wandi wakamba ne, Nfumu wanyi, bakuenza bu muwakuamba, kadi miaba mikuabo idi mishale.

²³Nfumu wakambila muntu wandi ne, Ya biebe mu misesu ne ha buihi ne mpangu, ubabueshe mu nsubu, ûle tente.

²⁴Ndi nuambila ne, Banakubikila diambedi, kakuena umue wabo udi mua kulabula bidia bianyi.

²⁵Bantu ba bungi bakadi baya nʼandi, yeye wakatshinguluka, wakabambila ne,

²⁶Bialua muntu kundi kai ne tatu wandi lukuna ne baba wandi ne mukashi wandi ne bana bandi ne bana babo balume ne bana babo bakashi, ne muoyo wandi mene kabidi, kena mumanye mua kuikala muyidi wanyi.

²⁷Muntu yonso udi kai utuala mutshi wandi mutshiamakane, undonda, kena mumanye mua kuikala muyidi wanyi.

²⁸Mukuabo wenu kai, biasueye kuibaka tshibumba tshia tushola, kai mushikame diambedi mubale mushinga watshi ne, Ndi ne bia kutshishikisha nʼabi, anyi?

²⁹Bikaleye kai muenze nunku, bonso bamona bualu ebu nebabange kumuseka, halongeye tushola tua kunshi nkayatu, kai mumanye mua kutshishikisha tshionso,

³⁰nebambe ne, Muntu eu wakubanga kuibaka tshibumba, kai mumanye mua kutshishikisha.

³¹Anyi, nfumu kai, biayeye bua kuluangana ne nfumu mukuabo, kai mushikame diambedi muelangane meshi ne, Ndi mua kuluangana ne udi ulua ne masalayi mbombo ibidi bishi, kadi meme ndi ne anu lubombo lumue?

³²Anyi, hatshidi mukuabo kule, neamutumine miloho bua kuebeshai bualu bua kuikalabo talalâ.

³³Nunku muntu yonso wa munkatshi muenu udi kai uhidia bintu bionso bidiye nʼabi kena mumanye mua kuikala muyidi wanyi.

³⁴Lueho ludi luimpe, kadi biatshihala lueho kutua kualu, nebalutuishe kabidi ne tshinyi?

³⁵Kaluena luimpe bua kuluelabo mu budimi, anyi ha diala; nebaluimashe tshianana. Udi ne matshu unvue biandi.