Read tshiluba Bienzedi 6 Bible Online

Bienzedi 6 - tshiluba bible

Bienzedi 6

¹Mu matuku â, hakadi bayidi bakumbane ba bungi, Bena Yuda bakadi bakula muaku wa Bena Gelika bakajiana Bena Ebelu ne, Ha kuabanyangana kua bintu ku dituku ku dituku, badi bahua muoyo bua bakashi betu ba mu lufuila.

²Bapostolo dikumi ne babidi bakabikila tshisumbu tshionso tshia bayidi, bakamba ne, Kambimpe bia tuetu kulekela dî dia Nzambi bua kuenza mudimu wa mesa.

³Bana betu, nukebe balume muanda mutekete munkatshi muenu badi ne lumu luimpe, badi bûle tente ne Nyuma ne lungenyi, netubateke ha mutu ha bualu ebu.

⁴Kadi tuetu netunanukile mu kutendelela kua Nzambi ne mu kuenza kua mudimu wa dî diandi.

⁵Di edi diakabasankisha buonso buabo; bakasungula Stefano, mule tente ne ditabusha ne Nyuma Muimpe; ne Filipo, ne Polokolo, ne Nikanô, ne Timono, ne Pâmena, ne Nikolao wa ku Antiokia wakadi muitabushi wa bualu bua Bena Yuda.

⁶Bakabateka ku mpala kua bapostolo; hakatendelelabo Nzambi, bakabatentekesha bianza ha mitu yabo.

⁷Di dia Nzambi diakadiundadiunda, bayidi bakadi bavulangana ba bungi mu Yelushalema; bakuidi ba bungi bakadi bitabusha lumu luimpe.

⁸Stefano, mûle tente ne ngasa ne bukole, wakenzenza malu a kukema ne bimanyinu binene munkatshi mua bantu.

⁹Kadi bakuabo ba mu nsunagoga udibo babikila ne, Ngua Bena Budishikaminyi, ne wa Bena Kulene, ne wa Bena Alesandelia, ne wa Bena Kilikia ne Bena Asia bakabika, bakela mpata ne Stefano.

¹⁰Kabakamanya mua kuhita lungenyi luandi ne Nyuma wakadi umuakuisha.

¹¹Bakabueshela bantu bakuabo, bobo bakamba ne, Tuakunvua muntu eu uhenda Mose ne Nzambi.

¹²Bakahila bantu ne bakulu ne bafundi, bakalua kudiye, bakamukuata, bakalua nʼandi ku tshilumbuluidi,

¹³bakatua ne bamanyi ba mashimi, bobo bakamba ne, Muntu eu kena ulekela kuhetula muaba eu wa tshijila, ne mikenshi ya Mose;

¹⁴tuakumunvua wamba ne, Yesu eu wa mu Nazaleta neabutuishe muaba eu, neakudimune bilele biakatuha Mose.

¹⁵Bonso bakadi ha tshilumbuluidi bakamutangila talala, bakamona mpala wandi mukudimuke bu wa muanjelo.