Read tshiluba Yoshua 15 Bible Online

Yoshua 15 - tshiluba bible

Yoshua 15

¹Luseke lua tshisamba tshia Bena Yuda ku meku abo luakafika ku mukalu wa Edome tô ne ku tshihela tshia Sina ku luseke lua ku sude, kunfudilu kua buloba bua ku sude.

²Mukalu wabo wa ku sude wakadi kunfudilu kua Dishiba dia Luehu, ku tshinkonya tshia mai tshidi tshitangila ku sude;

³makalu wabo wa ku sude wakayila ku mutu kua Akalabima, wakalonda butshika bua Sina, wakabandila ku sude ku luseke lua Kadeshe-bânea, wakayila ku Heselona, wakabandila ku Adâ, wakanyunguluka ku Kâka;

⁴wakayila ku Asumona, wakayila tô ne ku kasulu ka Ejipitu; kunshikidilu kua mukalu kuakadi ku mai manene: eu newikale mukalu wenu wa ku luseke lua Sude.

⁵Mukalu wa ku esete wakadi Dishiba dia Luehu tô ne kunshikidilu kua Yadene. Mukalu wa ku luseke lua ku nôde wakadi ku tshinkonya tshia mai tshiakadi kunshikidilu kua Yadene;

⁶mukalu wakabandila ku Bete-hogola, wakayila ku nôde kua Bete-alabâ; mukalu wakabandila ku dibue dia Bohana, muana wa Lubena;

⁷mukalu wakabandila ku Debî ku tshibanda tshia Akola, wakayila ku nôde kudi kutangilangana ne Gilegala udi kuinshi kua mukuna wa Adumima, udi ku muelelu wa musulu wa ku sude; mukalu wakayila ku mai a Ene-shemeshe, wakashiha ku Ene-logele;

⁸mukalu wakabandila ku tshibanda tshia muana wa Hinoma tô ne ku luseke lua Bena Yebuse ku sude (eu udi Yelushalema mene); mukalu wakabandila ku mutu kua mukuna udi ku mpala kua tshibanda tshia Hinoma ku wesete, udi kunfudilu kua tshibanda tshia Bena Lefa ku nôde;

⁹mukalu wakadi ku mutu kua mukuna tô ne ku mushimi wa mai a Nefetoa, tô ne ku bimenga bia ku mutu kua mukuna wa Efelona; mukalu wakayila tô ne ku Bala (eu udi Kîyata-yalima mene);

¹⁰mukalu wakanyunguluka ku Bâla ku wesete ku mukuna wa Sei, wakayila ku luseke lua mukuna wa Yalima lua ku nôde (eu udi Kasalona mene), wakahuekela ku Bete-shemeshe, wakanyunguluka ku Timena;

¹¹mukalu wakayila ku luseke lua Ekelona lua ku nôde; mukalu wakayila tô ne ku Shikelona, wakaya tô ne ku mukuna wa Bâla, wakahatuka ku Yabenêle; kunshikidilu kua mukalu kuakadi kukala kua mai manene.

¹²Mukalu wabo wa ku wesete wakadi mai manene. Eu mmukalu wa Bena Yuda ku meku abo.

¹³Yeye wakaha Kaleba, muana wa Yefune, tshituha tshiandi munkatshi mua Bena Yuda bu mu dî dia Yehowa kudi Yoshua, musoko wa Kîyata-âba, tatu wa Anaka (eu udi musoko wa Hebelone mene).

¹⁴Kaleba wakihata bana balume basatu ba Anaka: Sheshai ne Ahimana ne Talemai, bana ba Anaka.

¹⁵Wakaya kuluangana ne Bena Debî: dina dia Debî diambedi diakadi Kîyata-sefe.

¹⁶Kaleba wakamba ne, Muntu yonso watamba musoko wa Kîyata-sefe, udi ûnyenga, nemmuhe Akasa, muanʼanyi wa bakashi, bu mukashi wandi.

¹⁷Oteniele, muana wa Kenasa, muanʼabo ne Kaleba, wakaunyenga: yeye wakamuha Akasa, muanʼandi wa bakashi, bu mukashi wandi.

¹⁸Hakalueye kudiye, yeye wakamusengelela bua yeye kulomba tatu wandi budimi; mukashi wakahuka ha nyima ha mpunda wandi, ne Kaleba wakamuebesha ne, Udi musue tshinyi?

¹⁹Yeye wakamuitaba ne, Unvudishile disanka; bualu bua wewe wakunteka ku buloba bua ku Sude, Umpe bianyi kabidi mishimi ya mai. Yeye wakamuha mishimi ya mai yakadi ku mutu ne yakadi kuinshi.

²⁰Ebu mbuhianyi bua tshisamba tshia Bena Yuda ku meku abo.

²¹Bimenga bia kunfudilu kua tshisamba tshia Bena Yuda ku mukalu wa Edome ku Sude biakadi Kabesêle ne Edê ne Yagû,

²²ne Kina ne Dimona ne Adada,

²³ne Kedeshe ne Hasô ne Yitenana,

²⁴ne Zifa ne Teleme ne Bealota,

²⁵Hasôhadata ne Keliyota-heselona (eu udi Hasô mene),

²⁶Amama ne Shema ne Molada,

²⁷Hasâ-gada, Heshemona, Bete-pelete,

²⁸ne Hasâ-shuala ne Bê-sheba ne Bizeyoteya,

²⁹Bâla ne Iyima ne Eseme,

³⁰Eletolada ne Kesila ne Homa,

³¹ne Sikelaga ne Mademana ne Sanesana,

³²ne Lebaota ne Shilihima ne Ayina ne Limona: bimenga bionso bidi makumi abidi ne tshitema ne misoko yabi.

³³Mu tshibanda: Eshetaola ne Solea ne Ashena

³⁴ne Zanoa ne Ene-ganima, Tapua ne Enama,

³⁵Yâmuta ne Adulama, Soko ne Azeka

³⁶ne Shâlayima ne Aditayima ne Gedela ne Gedelotayima; bimenga dikumi ne binai ne misoko yabi.

³⁷Senana ne Hadasha ne Migedala-gada,

³⁸ne Dileana ne Misepe ne Yoketêle,

³⁹Lakisha ne Bosakata ne Egelona,

⁴⁰ne Kabona ne Lamama ne Kudisha,

⁴¹ne Gedelote ne Bete-dagona, ne Nâma ne Makeda; bimenga dikumi ne bisambombo ne misoko yabi.

⁴²Libina ne Etê ne Ashana,

⁴³ne Ifeta ne Ashena ne Nesiba,

⁴⁴ne Kila ne Akeziba ne Malesha; bimenga tshitema ne misoko yabi.

⁴⁵Ekelona ne bimenga ne misoko yabi;

⁴⁶ku Ekelona tô ne kukala kua mai manene, bimenga bionso biakadi ku luseke lua Ashedodo ne misoko yabi.

⁴⁷Ashedodo ne bimenga ne misoko yabi; Gaza ne bimenga ne misoko yabi; ku kasulu ka Ejipitu tô ne kukala kua mai manene.

⁴⁸Ku mikuna: Shamî ne Yatî ne Soko,

⁴⁹ne Dana ne Kîyata-sana (eu udi Debî kabidi),

⁵⁰ne Anaba ne Eshetemo ne Anima,

⁵¹ne Goshene ne Holona ne Gilo; bimenga dikumi ne tshimue ne misoko yabi.

⁵²Alabâ ne Duma ne Eshana,

⁵³ne Yanima ne Bete-tapua ne Afeka,

⁵⁴ne Humeta ne Kîyata-âba (eu udi Hebelone kabidi) ne Siô; bimenga tshitema ne misoko yabi.

⁵⁵Maona, Kâmele ne Zifa ne Yuta,

⁵⁶ne Yizelele ne Yokedama ne Zanoa,

⁵⁷Kayina, Gibea ne Timena; bimenga dikumi ne misoko yabi.

⁵⁸Halelula, Bete-sû ne Gedô,

⁵⁹ne Mâlata ne Bete-anota ne Eletekona; bimenga bisambombo ne misoko yabi.

⁶⁰Kîyata-bâla (eu udi Kîyata-yalima kabidi) ne Laba; bimenga bibidi ne misoko yabi.

⁶¹Mu tshihela: Bete-alabâ, Midina ne Sekaka,

⁶²ne Nibeshana ne Tshimenga tshia Luehu, ne Enegedi; bimenga bisambombo ne misoko yabi.

⁶³Kadi Bena Yuda kabakamanya mua kuihata Bena Yebuse ba mu Yelushalema: Bena Yebuse badi bashikama ne Bena Yuda tô ne ku dituku edi.