Read tshiluba Yoshua 19 Bible Online

Yoshua 19 - tshiluba bible

Yoshua 19

¹Buhianyi buibidi buakadi bua tshisamba tshia Bena Shimeona ku meku abo, buhianyi buabo buakadi munkatshi mua buhianyi bua Bena Yuda.

²Buhianyi buabo buakadi Bê-sheba, dina dikuabo Sheba, ne Molada,

³ne Hasâ-shuala, ne Bala ne Eseme,

⁴ne Eletolada ne Betula ne Hôma,

⁵ne Sikelaga ne Bete-mâkabota ne Hasâ-susa,

⁶ne Bete-lebaota ne Shaluhena; bimenga dikumi ne bisatu ne misoko yabi;

⁷Ayina, Limona ne Ete ne Ashana; bimenga binai ne misoko yabi;

⁸ne misoko yonso yakadi nuluangane ne bimenga ebi tô ne ku Bâlata-bê ne Lama wa ku Sude. Ebu mbuhianyi bua tshisamba tshia Bena Shimeona ku meku abo.

⁹Buhianyi bua Bena Shimeona buakadi munkatshi mua buhianyi bua Bena Yuda, bualu bua tshituha tshia Bena Yuda tshiakabahita bunene: nunku Bena Shimeona bakadi ne buhianyi munkatshi mua buhianyi buabo.

¹⁰Buhianyi buisatu buakadi bua Bena Zebuluna ku meku abo. Mukalu wa buhianyi buabo wakadi ku Salida;

¹¹mukalu wabo wakayila ku wesete ku Malala tô ne ku Dabeshete; wakabatuala ku musulu udi ku mpala kua Yokenama;

¹²wakanyunguluka ku Salida ku esete kudi kuhatukila diba ku mukalu wa Kiselota-tabô; wakahatukila ku Dabelata, wakabandila ku Yafia;

¹³wakayila ku esete ku Gata-hefê tô ne ku Eta-kasina; wakahatukila ku Limona udi ufaka ha buihi ne Nea;

¹⁴mukalu wakanyunguluka ku luseke lua nôde ku Hanatona; wakahatukila ku tshibanda tshia Yafetaele;

¹⁵ne Katata ne Nahalala ne Shimelona ne Yidala ne Beteleheme: bimenga dikumi ne bibidi ne misoko yabi.

¹⁶Ebu mbuhianyi bua Bena Zebuluna ku meku abo, bimenga ne misoko yabi.

¹⁷Buhianyi buinai buakadi bua Bena Yisakâ ku meku abo.

¹⁸Mukalu wabo wakadi ku Yizelele ne Kesulota ne Shunema,

¹⁹ne Hafa-layima ne Sidona ne Anahalata,

²⁰ne Labita ne Kishiona ne Ebese

²¹ne Lemeta ne Ene-ganima ne Ene-hada ne Bete-pasesa,

²²ne mukalu wakafika ku Tabô ne Shahasuma ne Bete-shemeshe; mukalu wakahatukila ku Yadene; bimenga dikumi ne bisambombo ne misoko yabi.

²³Ebu mbuhianyi bua Bena Yisakâ ku meku abo: bimenga ne misoko yabi.

²⁴Buhianyi buitanu buakadi bua tshisamba tshia Bena Ashê ku meku abo.

²⁵Mukalu wabo wakadi Helekata ne Hali ne Betena ne Akasafa

²⁶ne Alameleke ne Amada ne Mishala; Wakafika ku Kâmele ku wesete ne ku Shihô-libenata;

²⁷wakanyunguluka ku Bete-dagona kudi kuhatukila diba, wakafika ku Zebuluna ne ku tshibanda tshia Yifetahele ku Bete-emeke ne Niele; wakahatukila ku Kabula ku tshianza tshia bakashi,

²⁸ne Ebelona ne Lehoba ne Hamona ne Kana tô ne ku Sidona, musoko munene;

²⁹mukalu wakanyunguluka ku Lama ne ku musoko wa Tulo wakadi ne lumbu; mukalu wakanyunguluka ku Hosa; wakahatukila kukala kua mai manene ku luseke lua Akiziba;

³⁰ne Uma kabidi ne Afeke ne Lehobo; bimenga makumi abidi ne bibidi ne misoko yabi.

³¹Ebu mbuhianyi bua tshisamba tshia Ashê ku meku abo: bimenga ne misoko yabi.

³²Buhianyi bisambombo buakadi bua tshisamba tshia Bena Nafatale ku meku abo.

³³Mukalu wabo wakadi ku Helefe ku mutshi wa telebinta wa mu Sananima ne Adami-nekeba ne Yabenele tô ne ku Lakuma; wakahatukila ku Yadene;

³⁴mukalu wakayila ku Azanotatabô, ku wesete, wakayila ku Hukoka; wakafika ku Zebuluna ku sude ne wakatua ku Ashê ku wesete, ne ku Yuda ku Yadene kudi kuhatukila diba.

³⁵Misoko yakadi ne ngumbu yakadi Sidima, Sê ne Hamata, Lakata ne Kinelete,

³⁶ne Adama ne Lama ne Hasô,

³⁷ne Kedeshe ne Edelei ne Ene-hasô,

³⁸ne Iliona ne Migedala-ele, Holema ne Bete-anata ne Bete-shemeshe; bimenga dikumi ne tshitema ne misoko yabi.

³⁹Ebu mbuhianyi bua tshisamba tshia Bena Nafatale ku meku abo: bimenga ne misoko yabi.

⁴⁰Buhianyi bua muanda mutekete buakadi bua tshisamba tshia Bena Dana ku meku abo.

⁴¹Mukalu wa buhianyi buabo wakadi Solea ne Eshetaola ne Ishemesha,

⁴²ne Shalabina ne Ayalona ne Yitela,

⁴³ne Elona ne Timena ne Ekelona,

⁴⁴ne Eleteke ne Gibetona ne Bâlata,

⁴⁵ne Yehuda ne Bene-belaka ne Gata-limona,

⁴⁶ne Me-yâkona ne Lakona ne mukalu udi hehi ne Yopa.

⁴⁷Mukalu wa Bena Dana wakasompoka ku mpala kuabo; bualu bua Bena Dana bakaya, bakaluangana ne Bena Leshema, bakanyenga musoko, bakaushiha ku miele ya nvita, bakashikamamu, bakidika Leshema ne, Dana, ku dina dia nkambua wabo Dana.

⁴⁸Ebu mbuhianyi bua tshisamba tshia Bena Dana ku meku abo: bimenga ne misoko yabi.

⁴⁹Hakashikishabo kuabanyangana buloba buakahanabo ku mikalu yabu, Bena Isalele bakaha Yoshua, muana wa Nuna, buhianyi munkatshi muabo:

⁵⁰bu mu dî dia Yehowa bakamuha musoko wakalombeye, Timena-tasela ku mikuna ya Efelayima; yeye wakasa musoko, wakashikamamu.

⁵¹Au mmahianyi akabanyabo kudi Eleazâ muakuidi, ne kudi Yoshua, muana wa Nuna, ne kudi bakadi ku mutu kua bisamba bia Bena Isalele, hakelabo nshobo mu Shilo, ku mpala kua Yehowa, ku mbelu kua ntenta wa kutendelelamu. Nunku bakashikisha kuabanya buloba.