Read Tshiluba Tshibangidilu 5 Bible Online

Tshibangidilu 5 - Tshiluba bible

Tshibangidilu 5

¹Ke mena a bantu ba ku ndelanganyi ya Adame: Dituku divua Mvidi Mukulu mufuke bantu, wakabafuka bamufuane yeye Mvi-di Mukulu.

²Kubafukaye mulume ne mukaji. Kubelaye lupemba, kubinyika dina dia bantu.[24]

³Adame mumane kukumbaja bidimu lukama ne makumi asatu, kulelaye muana wa balume mufuanangane nende. Kumuinyikaye dina dia Shete.

⁴Adame mumane kulela Shete, kushalaye kabidi ne muoyi bidimu nkama muanda mukulu. Kulelaye balume ne bakaji.

⁵Bidimu bia Adame pa buloba bidi nkama tshitema ne makumi asatu. Pashishe kufuaye.

⁶Shete mumane kukumbaja bidimu lukama ne bitanu, kulelaye Enoshe.

⁷Kushalaye kabidi ne muoyi bidimu nkama muanda mukulu ne muanda mutekete. Kulelaye balume ne bakaji.

⁸Bidimu bia Shete bidi nkama tshitema dikumi ne bibidi. Pashishe kufuaye.

⁹Enoshe mumane kukumbaja bidimu makumi tshitema, kulelaye Kenaane.

¹⁰Kushalaye kabidi ne muoyi bidimu nkama muanda mukulu dikumi ne bitanu. Kulelaye balume ne bakaji.

¹¹Bidimu bia Enoshe bidi nkama tshitema ne bitanu. Pashishe kufuaye.

¹²Kenaane mumane kukumbaja bidimu makumi muanda mutekete, kulelaye Malaleyele.

¹³Kushalaye kabidi ne muoyi bidimu nkama muanda mukulu ne makumi anayi. Kulelaye balume ne bakaji.

¹⁴Bidimu bia Kenaane bidi nkama tshitema ne dikumi. Pashishe kufuaye.

¹⁵Malaleyele mumane kukumbaja bidimu makumi asambombu ne bitanu, kulelaye Yerede.

¹⁶Kushalaye kabidi ne muoyi bidimu nkama muanda mukulu ne makumi asatu. Kulelaye balume ne bakaji.

¹⁷Bidimu bia Malaleyele bidi nkama muanda mukulu makumi tshitema ne bitanu. Pashishe kufuaye.

¹⁸Yerede mumane kukumbaja bidimu lukama makumi asambombu ne bibidi, kulelaye Enoke.

¹⁹Kushalaye kabidi ne muoyi bidimu nkama muanda mukulu. Kulelaye balume ne bakaji.

²⁰Bidimu bia Yerede bidi nkama tshitema makumi asambombu ne bibidi. Pashishe kufuaye.

²¹Enoke mumane kukumbaja bidimu makumi asambombu ne bitanu, kulelaye Metushela.

²²Kushalaye kabidi ne muoyi bidimu nkama isatu, witaba Mvidi Mukulu, udisanga nende mu malu onsu. Kulelaye balume ne bakaji.

²³Bidimu bia Enoke bidi nkama isatu makumi asambombu ne bitanu.

²⁴Yeye mumane kudisanga ne Mvidi Mukulu nanku, Mvidi Mukulu kumuambula, kuya nende, Enoke kayi umueneka kabidi pa buloba to.[25]

²⁵Metushela mumane kukumbaja bidimu lukama makumi muanda mukulu ne muanda mutekete, kulelaye Lemeke.

²⁶Kushalaye kabidi ne muoyi bidimu nkama muanda mutekete makumi muanda mukulu ne bibidi. Kulelaye balume ne bakaji.

²⁷Bidimu bia Metushela bidi nkama tshitema makumi asambombu ne tshitema. Pashishe kufuaye.

²⁸Lemeke mumane kukumbaja bidimu lukama makumi muanda mukulu ne bibidi, kulelaye muana wa balume.

²⁹Kumuinyikaye ne Nowa, wamba ne: — Muana ewu neatusambe[26] ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

³⁰Lemeke kushala kabidi ne muoyi bidimu nkama itanu makumi tshitema ne bitanu. Kulelaye balume ne bakaji.

³¹Bidimu bia Lemeke bidi nkama muanda mutekete makumi muanda mutekete ne muanda mutekete. Pashishe kufuaye.

³²Nowa mumane kukumbaja bidimu nkama itanu, kulelaye Sheme, Kame ne Yefete.