Read Tshiluba 1 Kulondolola 24 Bible Online

1 Kulondolola 24 - Tshiluba bible

1 Kulondolola 24

¹Ndelanganyi ya Arone ivua mitapulula mu bisumbu. Arone uvua ne bana ba balume banayi: Nadabe, Abiku, Elazare ne itamare.

²Nadabe ne Abiku kufua[146] tatuabu mutshikale ne muoyi, kabayi balela bana ba balume. Nanku Elazare ne Itamare nkayabu kushala benza mudimu wa butuangaji.

³Pashishe Sadoke, wa ku ndelanganyi ya Elazare, ne Akimeleke, wa ku ndelanganyi ya Itamare, kuambuluisha Davide bua kutapulula batuangaji mu bisumbu, bilondeshile midimu idibu bakuate.

⁴Kumonabu ne: bantu ba ku ndelanganyi ya Elazare bavua bapite ba ku ndelanganyi ya Itamare ku bungi. Nanku kutapululabu ndelanganyi ya Elazare mu bisumbu dikumi ne bisambombu, ndelanganyi ya Itamare mu bisumbu muanda mukulu, bonsu bikale ne bamfumu ku tshisumbu tshionsu.

⁵Bavua batshinka pa kutapulula tshisumbu tshionsu. Bualu munkatshi mua ndelanganyi ya Elazare ne mua Itamare muvua “balombodi bajidile” ne “balombodi ba Mvidi Mukulu.[147]”

⁶Shemaya, muana wa Netaneyele, wa mu diku dia Levi, ke uvua mufundi. Uvua ufunda mena abu kumpala kua mukalenga, kua bamfumu, kua mutuangaji Sadoke, ne kua Akimeleke, muana wa Abiyatare, ne kua bamfumu ba meku a bena Levi, ne a batuangaji. Bavua batshinka misangu ibidi milondangane bua diku dia Elazare, musangu umue bua diku dia Itamare.[148]

⁷Mena a bamfumu ba bisamba avuabu bapeta pa kutshinka avua nenku: 1. Yoyaribe, 2. Yedaya, 3. Arime, 4. Seyorime, 5. Malkiya, 6. Miyamine, 7. Akose, 8. Abiya, 9. Yeshuwa, 10. Shekanya, 11. Eliyashibe, 12. Yakime, 13. Upa, 14. Yeshebabe, 15. Bilga, 16. Imere, 17. Ezire, 18. Apisese, 19. Petakiya, 20. Yezekiyele, 21. Yakine, 22. Ngamule, 23. Delaya, 24. Maaziya.

¹⁹Bisumbu bionsu bivua bikumbaja mudimu wa mu nzubu wa Mvidi Mukulu, mushindu udibu balondangane kulu eku. Bavua bakumbaja midimu yabu amu bu muvua nkambua wabu Arone mubambile mikenji iwaye mupete kudi Maweja-Nangila Mvidi Mukulu wa Izrayele.

²⁰Ndelanganyi mikuabu ya Levi idi nenku[149]: Shubayele uvua wa ku ndelanganyi ya Amrame, Yediya wa ku ndelanganyi ya Shubayele.

²¹Ishiya muanabute wa diku diabu, uvua wa ku ndelanganyi ya Rekabiya.

²²Shelomote uvua wa ku ndelanganyi ya Ishare, Yakate uvua wa ku ndelanganyi ya Shelomote.

²³Bana ba balume ba Ebrone badi nenku: Yeriya, muanabute,[150] muibidi Amariya, muisatu Yaziyele, ne muinayi Yekamame.

²⁴Uziyele uvua ne muana wa balume, dina diende Mika. Shamire uvua wa ku ndelanganyi ya Mika.

²⁵Zekarya uvua wa ku ndelanganyi ya Ishiya muanabute wa Mika.

²⁶Bana ba balume ba Merari bavua: Mali, Mushi ne Yaziya.

²⁷Ndelanganyi ya Yaziya, muana wa Merari, idi: Shokame, Zakure ne Ibri.

²⁸Mali uvua ne muana wa balume, dina diende Elazare. Kadi Elazare kawa ne muana wa balume to.

²⁹Kishe uvua ne muana wa balume, dina diende Yerameyele.

³⁰Bana ba balume ba Mushi badi: Mali, Edere ne Yerimote. Eyi ke ndelanganyi ya levi bilondeshile meku abu.

³¹Ndelanganyi ya Levi eyi, amu bu mudi bana babu, ndelanganyi ya Arone, bavua batshinka, kumpala kua mukalenga Davide, kua Sadoke, kua Akimeleke ne kumpala kua bamfumu ba meku a batuangaji ne a bena Levi, bua kumanya dilondangana dia midimu yabu ayi. Nanku diku dia muanabute divua dipeta mudimu, mushindu wa mumue ne dia muanaʼaʼmukala.