Read Tshiluba 1 Kulondolola 27 Bible Online

1 Kulondolola 27 - Tshiluba bible

1 Kulondolola 27

¹Tudi tutela mpindiewu mena a bena Izrayele bavua benza mudimu kua mukalenga Davide: bamfumu ba meku, balombodi ba bisumbu binene ne bikese bia tshiluilu, ne baludiki ba ditunga. Bavua balongolola midimu ya bisumbu bia bena mvita, bua bikale benza mudimu ku tshidimu ku tshidimu ngondu umue. Tshisumbu tshionsu tshivua ne bantu binunu makumi abidi ne binayi.

²Bamfumu bavua babalombola bavua nenku: Ngondu wa kumpala: bavua balombola bena mvita kudi: Yashobame, muana wa Yabdiyele, wa mu diku dia Perese, uvua ulombola tshisangilu tshia bamfumu ba bena mvita ngondu awu. Ngondu muibiidi: bavua balombola bena mvita kudi Dodayi, muena Akowa; bavua bamuambuluisha kudi mulombodi wa bena mvita Miklote.[164] Ngondu muisatu: bavua balombola bena mvita kudi Benaya, muana wa mutuangaji munene Yoyada, uvua wa mu “Tshisumbu tshia bantu Makumi asatu.” Benaya mumane kupeta muanzu wa mfumu mu “Tshisumbu tshia bantu Makumi asatu,” Amizabade, muanende, kumupingana mu bulombodi bua bena tshisumbu tshia bena mvita ba mu ngondu awu.[165] Ngondu muinayi: bavua balombola bena mvita kudi Ashayele, muanabu ne Yowabe. Muanende Zebadya wakamupingana. Ngondu muitanu: bavua balombola bena mvita kudi Shamute, wa mu diku dia Izra. Ngondu muisambombu: bavua balombola bena mvita kudi Ira, muana wa Ikeshe, wa mu Tekowa. Ngondu wa muanda mutekete: bavua balo(...)

¹⁶Bamfumu ba bisamba bia bena Izrayele bavua nenku: Tshisamba tshia Rubene: Eliyezere, muana wa Zikri. Tshisamba tshia Shimeyone: Shefatya, muana wa Maaka.

¹⁷Tshisamba tshia Levi: Ashabiya, muana wa Kemuwele. Mfumu wa ndelanganyi ya Arone: Sadoke.

¹⁸Tshisamba tshia Yuda: Eliku, muanabu ne Davide.[166] Tshisamba tshia Isakare: Omri, muana wa Mikayele.

¹⁹Tshisamba tshia Zebulone: Ishemaya, muana wa Obadya. Tshisamba tshia Naftali: Yerimote, muana wa Azriyele.

²⁰Tshisamba tshia Efrayime: Osheya, muana wa Azaziya. Tshitupa tshia tshisamba tshia Menashe tshidi ku luseke ludi diba dibuelela lua Yardene: Yowele, muana wa Pedaya.

²¹Tshitupa tshia tshisamba tshia Menashe tshidi ku luseke ludi diba dipatukila lua Yardene, tshivua tshisomba mu Ngilaade: Ido, muana wa Zekarya. Tshisamba tshia Binyamine: Yashiyele, muana wa Abnere.

²²Tshisamba tshia Dane: Azarele, muana wa Yerowame. Ke muvua bamfumu ba bisamba bia bena Izrayele nanku.

²³Mukalenga Davide kavua mubadike bansongalume ba bena Izrayele bavua ne bidimu bishadile ku makumi abidi to. Bualu Maweja-Nangila uvua mudianjile kumanyisha ne: neavudije bena Izrayele bungi bu mitotu ya kulu.[167]

²⁴Yowabe, muana wa Seruya, ukavua mutuadije kubadika bena Izrayele, kadi kavua mujikije mudimu ewu to. Bualu Maweja-Nangila uvua mufikile bena Izrayele munda bua mudimu ewu. Nenku ke padibu kabayi bafunde bungi bua bena Izrayele mu mukanda udibu babikila ne Mukanda wa malu menza kudi mukalenga Davide.[168]

²⁵Azmavete, muana wa Adiyele, uvua mutangidi wa mpetu ya bukalenga mu Yerushalayime. Yonatane, muana wa Oziyase, uvua mutangidi wa bibutshilu bionsu bia mu ditunga, nansha bia mu bimenga, nansha bia mu misoku, ne bia mu bibumba muvuabu bateke batentekedi.

²⁶Ezri, muana wa Kelube, uvua mutangidi wa bonsu bavua benza mudimu wa budimi mu ditunga.

²⁷Shimeyi wa mu Rama, uvua mutangidi wa madimi onsu a mvinyo. Zabdi wa mu Shefame, uvua mutangidi wa bibutshilu bionsu bia maluvu a mvinyo.

²⁸Baale-Anane wa Bete-Ngedere, uvua mutangidi wa madimi a mitshi ya olive ne ya sikomore, avua mu mpata. Yowashe uvua mutangidi wa miaba idibu bateka mafuta.

²⁹Shitrayi, wa mu Sarone, uvua mutangidi wa ngombe ivua idia mu mpata, pabuipi ne tshimenga tshia Sarone. Shafate, muana wa Adlayi, uvua mutangidi wa ngombe ivua mu mpata mikuabu.

³⁰Obile, muena Ishemayele, uvua utangila nyama ya tumelu. Yediya wa mu Meronote, uvua ulama nyama ya mpunde mikaji.

³¹Yazize, muena mu Agri, uvua ulama bisumbu bia mikoku ne bia mbuji. Aba bonsu ke bavua balombola balami ba bintu bia mukalenga Davide.

³²Yonatane, mansebende wa Davide, uvua muntu wa lungenyi, mulonge malu mavule. Ke uvua mufidi wa ngenyi wa mukalenga Davide. Yekiyele, muana wa muena Akmoni, ke uvua mulongeshi wa bana ba mukalenga Davide.

³³Akitofele uvua kabidi mufidi wa ngenyi wa mukalenga. Ushayi, muena Arki, uvua mulunda wa mfumu, wenda nende miaba yonsu.

³⁴Yoyada, muana wa Benaya, ne Abiyatare, ke bavua bapingana Akitofele mu mudimu awu. Yowabe uvua mfumu mulombodi wa tshiluilu tshia bukalenga.