Read Tshiluba 1 Kulondolola 5 Bible Online

1 Kulondolola 5 - Tshiluba bible

1 Kulondolola 5

¹Rubene uvua muanabute wa Yakobe. Kadi uvua mupange bia bukulu, bualu uvua mubuelele mukaji mukuabu wa tatuende mu nzubu. Ke Yozefe kupeta mianzu ya bukulu ivua ya Rubene. Yozefe uvua kabidi muana wa Yakobe. Kabatshiwa batangile Rubene bu muanabute kabidi to. Yuda uvua ne bukole bua bungi, mupite bana babu bonsu. Mfumu wa bena Izrayele neapatuke ku ndelanganyi yende,[38] Kadi nansha bikale nanku, amu Yozefe ke wakapeta bia bu muanabute. Bana ba balume ba Rubene, muanabute wa Yakobe, badi nenku: Anoke, Palu, Esrone ne Karmi.

⁴Ndelanganyi ya Yowele[39] bana ba munda muende menemene, bavua nenku: Shemaya, Ngoge, Shimeyi,

⁵Mika, Reyaya, Baale,

⁶ne Beyera. Beyera ke umue wa ku bamfumu ba bena Rubene uvuabu baye nende ku bupika kudi mukalenga Tiglate-Pilesere wa bena Ashure.[40]

⁷Bavua bafunda mu mikanda mikuabu mena a bana ba tatuende wa Beyera, bamfumu ba bisamba nansha ba meku: wa kumpala uvua Yeyele, pashishe Zekarya,

⁸wa ndekelu uvua Bela, muana wa Azaze, muikulu wa Shema,[41] kankanunuina ka Yowele. Bena Rubene bavua basomba mu buloba bua pankatshi pa tshimenga tshia Aroyere, kuinshi mu ditunga, ne mukuna wa Nebo, kabidi ne tshimenga tshia Baale-Meyone kulu mu ditunga.

⁹Ku luseke ludi diba dipatukila, bavua basomba too ne ku tshipela tshivua tshienza mikalu ya buloba buabu ne musulu wa Perate, musulu wa bena Babilone. Bualu bavua ne bimuna bia bungi mu ditunga adi dia Ngilaade.[42]

¹⁰Mu tshikondu tshia Shawule, bena Rubene bavua baluangana ne bena Agri. Bena Rubene kubapita bukole. Pashishe kuasabu mu buloba bujima buvua luseke ludi diba dipatukila lua Ngilaade.

¹¹Ndelanganyi ya Ngade ivua misombele ku mutu kua tshisamba tshia bena Rubene, mu mpata ya buloba bua Bashane[43] too ne ku tshimenga tshia Salka tshivua luseke ludi diba dipatukila.

¹²Bavua basanganamu meku aa: dia kumpala dia Yowele, dibidi dia Shafane, dikuabu dia Yanayi, dia ndekelu dia Shafate.

¹³Muvua kabidi meku makuabu muanda mutekete: dia Mikayele, dia Meshulame, dia Sheba, dia Yorayi, dia Yakane, dia Ziya ne dia Ebere.

¹⁴Bamfumu ba meku aa mbana ba Abikayile. Bankambua babu bavua nenku: Uri, Yarowa, Ngilaade, Mikayele, Yeshishayi, Yado ne Buze.

¹⁵Aki, muana wa Abdiyele, kabidi muikulu wa Nguni, ke uvua mfumu wa meku abu awu.

¹⁶Ndelanganyi ya Ngade ivua miase mu buloba bua Ngilaade ne bua Bashane, ne mu bimenga bivua mu maloba aa, too ne mu mpata ya Sharone, ne ku mikalu yawu.

¹⁷Bavua bafunda mena a bantu ba mu tshisamba atshi mu mikanda mu tshikondu tshia Yotame, mukalenga wa bena Yuda, ne tshia Yerobowame, mukalenga wa bena Izrayele.[44]

¹⁸Tshisamba tshia Rubene ne tshia Ngade, ne tshia bibidi tshia tshisamba tshia Menashe,[45] bivua mua kufila bantu binunu makumi anayi ne binayi, nkama muanda mutekete ne makumi asambombu bua bikale bena mvita ba bukitu, bavua bamanye bimpe mudimu wabu, bamanye mua kukuata ngabu, muele nansha buta, bamanye mua kuela mualu wa mvita.

¹⁹Kuluishabu bena Agri, kabidi ne ndelanganyi ya Yeture, ya Nafishe[46] ne ya Nodabe.

²⁰Bavua batekemena kudi Mvidi Mukulu munkatshi mua mvita ayi. Kusengelelabu Mvidi Mukulu bua kupeta diambuluisha. Mvidi Mukulu kubateleja, kubambuluisha. Bobu kutshimuna bena Agri ne bonsu bavua batue ku tshiabu.

²¹Kukuatabu bimuna bia baluishi babu, tumelu binunu makumi atanu, mikoku ne mbuji binunu nkama ibidi ne makumi atanu, mpunde binunu bibidi, ne bena lukanu binunu lukama.

²²Bavua bashipa kabidi baluishi ba bungi. Bionsu abi, amu bualu Mvidi Mukulu uvua nabu, ubambuluisha. Kuasabu mu buloba bua bena Agri, too ne ku tshikondu tshikuabu baye nabu ku bupika.

²³Tshia bibidi tshimue tshia tshisamba tshia Menashe tshivua tshiase mu buloba buvua butuadija ku Bashane kuinshi mu ditunga, too ne ku Baale-Ermone, Senire, ne mukuna wa Ermone, ku mutu mu ditunga.[47] Bantu ba tshisamba etshi bavua ba bungi.

²⁴Mena a bamfumu ba meku avua nenku: Efere, Isheyi, Eliyele, Azriyele, Irmeya, Odavya ne Yadiyele. Bonsu bavua bantu ba bukitu ne ba lumu.

²⁵Bena mu tshisamba tshia Rubene, tshia Ngade, ne bena mu tshitupa tshia tshisamba tshia Menashe bavua bapanga kutumikila Mvidi Mukulu wa bankambua babu. Kumulekelabu bua kukukuila mvidie ya bantu benyi, bavua Mvidi Mukulu mubutule diba divua bisamba ebi bifike mu ditunga. Nenku Mvidi Mukulu wa bena Izrayele kutuma Pule ne Tiglate-Pilesere, bakalenga babidi ba bena Ashure, bua babuele ne mvita mu buloba bua bisamba ebi, bakuate bena ditunga, baye nabu mu buloba bua Ala, bua Abore ne Ara ne bua pabuipi ne musulu wa Ngozane. Ke miaba idibu basomba too ne ku mpindiewu.[48]

²⁷Bana ba balume ba Levi[49] badi nenku: Ngershone, Kekate ne Merari.

²⁸Bana ba balume ba Kekate badi: Amrame, Ishare, Ebrone ne Uziyele.

²⁹Amrame uvua ne bana ba balume babidi: Arone ne Moshe, ne wa bakaji umue Miriyame. Bana ba balume ba Arone badi: Nadabe, Abiku, Elazare ne Itamare.

³⁰Elazare uvua mulele Pinase. Pinase uvua tatuende wa Abishuwa.

³¹Abishuwa uvua tatuende wa Buki. Buki uvua mulele Uzi.

³²Uzi uvua mulele Seraya. Seraya uvua tatuende wa Merayote.

³³Merayote uvua tatuende wa Amariya. Amariya uvua tatuende wa Akitube.

³⁴Akitube uvua tatuende wa Sadoke. Sadoke uvua tatuende wa Akimase.

³⁵Akimase uvua tatuende wa Azariya. Azariya uvua tatuende wa Yowanane.

³⁶Yowanane uvua tatuende wa Azariya. Azariya awu ke uvua mutuangaji mu nzubu wa Mvidi Mukulu wa mu Yerushalayime uvua Shelomu muashishe.

³⁷Azariya uvua tatuende wa Amariya. Amariya uvua tatuende wa Akitube.

³⁸Akitube uvua tatuende wa Sadoke. Sadoke uvua tatuende wa Shalume.

³⁹Shalume uvua mulele Ilkiya. Ilkiya uvua mulele Azariya.

⁴⁰Azariya uvua mulele Seraya. Seraya uvua tatuende wa Yoshadake.

⁴¹Tshikondu tshivua Maweja-Nangila mutume bantu ba mu Yerushalayime ne ba mu ditunga dia Yuda mu bupika, Nebukadnesare uvua mutumemu ne Yoshadake.