Read Tshiluba Ezra 10 Bible Online

Ezra 10 - Tshiluba bible

Ezra 10

¹Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

²Pashishe, Shekanya, muana wa Yekiyele, wa ku ndelanganyi ya Elame, kuambila Ezra ne: — Tudi benzele Mvidi Mukulu bibi, basele bakaji benyi ba mu ditunga emu. Kadi nansha nanku, bena Izrayele badi amu mua kutekemena.

³Bualu netuditshipe kudi Mvidi Mukulu ne: netubenge bakaji benyi bonsu, ne bana badibu balele. Netulonde meyi anudi nufila, wewe Ezra ne bonsu badi bakumbaja biakane mikenji ya Mvidi Mukulu wetu. Netukumbaje bidiye musue.

⁴Juka, ulongolole bimpe bualu ebu. Tudi basue kukuambuluisha, kupampakanyi to.

⁵Ezra kujuka, kutuma diyi bua bamfumu ba batuangaji ba bena Levi,[68] ne bamfumu bonsu ba bena Izrayele baditshipe, bua kukumbaja bionsu bivua Shekanya muambe. Bonsu kuditshipa.

⁶Pashishe, kumukaye mu lubanza lua nzubu wa Mvidi Mukulu, kuya kusomba kua Yowanane, muana wa Eliyashibe. Kadi kubengaye kudia nansha kunua. Bualu bubi buvua bana babu bena Yuda benze buvua bumutonda.

⁷Bavua batuma mukanda mu Yerushalayime ne mu ditunga dia Yuda, bua bantu bonsu bafume mu bupika basangile mu Yerushalayime.

⁸Padi matuku asatu apita, muntu yonsu udi kayi mufike, nebamunyenge bintu biende, bamuipata munkatshi mua bena Izrayele. Ke muvuabu bambe kudi bamfumu ne kudi bakulu bavua babambuluisha.

⁹Matuku asatu mamane kupita, bena Yuda ne bena Binyamine bonsu kufika mu Yerushalayime mu matuku makumi abidi a ngondu wa tshitema. Kusangilabu bonsu mu lupangu lua nzubu wa Mvidi Mukulu. Bonsu bavua bazakala bua bualu ebu, ne bua mvula uvua uloka bikole.[69]

¹⁰Mutuangaji Ezra kuimana kulu, ubambila ne: — Bena Izrayele, nudi benze bibi bitambe panudi basele bakaji benyi. Ke bubi bukuabu bunudi basakidile ku bubi bua kale bua bankambua benu.

¹¹Mpindiewu, nutonde bubi buenu kumpala kua Maweja-Nangila Mvidi Mukulu wa bankambua benu, nuitabe ku diyi diende. Kanumvuanganyi kabidi ne bena bisamba ebi to. Nubenge bakaji benyi banudi basele.

¹²Bantu bonsu bavua muaba awu kuela mbila ne: — Udi muambe bualu bulelela! Nebenze bionsu biudi mutuambile.

¹³Kadi tudi ba bungi, tudi kabidi mu tshikondu tshia mvula. Katuena mua kushala pambelu to. Bualu ebu kabuena mua kujika dituku dimue, nansha matuku abidi to. Bantu bavule ba kutudi eku mbabuelakane mu tshilumbu atshi.

¹⁴Nanku tudi basue bamfumu betu bashale muaba ewu, bua kuambuluisha bantu: bena Izrayele bonsu bavua basele bakaji benyi nebaye kudi bamfumu abu matuku ikale bamfumu abu bafunde. Nebafike ne bakulu ne balumbuluishi ba mu bimenga biabu bishilangane. Netuakaje bualu ebu bimpe bua kutuyisha tshiji tshia Mvidi Mukulu wetu, udi mutufikile bonsu munda.

¹⁵Anu Yonatane, muana wa Ashayele, ne Yaziya, muana wa Tikva, pamue ne Meshulame ne Shabetayi, muena Levi, ke bavua babenge kuitaba bionsu biwabu bapangadike abi.

¹⁶Bena Izrayele bakuabu bavua bafume ku bupika, kuitaba meji awu. Mutuangaji Ezra kusungula mu diku dionsu bamfumu,[70] kutela ne dina diabu. Bantu abu kusangila biangatshile ku dituku dia kumpala dia ngondu wa dikumi, bua kuakaja tshilumbu etshi tshijima.

¹⁷Dituku dia kumpala dia ngondu wa kumpala wa tshidimu tshivua tshilonda,[71] kujikijabu mudimu wa kutangila tshilumbu tshia bantu bonsu bavua basele bakaji benyi.

¹⁸Ke mena a batuangaji bavua basele bakaji benyi: Masheya, Eliyezere, Yaribe ne Ngedaliya, ba ku ndelanganyi ya Yeshuwa ne ya bana babu, bana ba Yoshadake;

¹⁹kuditshipabu bua kulekela bakaji babu, ne kufuta mukoku wa tshimpanga bua mulambu wa kulomba luse kudi Mvidi Mukulu;

²⁰Anani ne Zebadya ba ku ndelanganyi ya Imere.

²¹Masheya, Eliya, Shemaya, Yekiyele ne Uziya, ba ku ndelanganyi ya Arime;

²²Eliyokenayi, Masheya, Ishemayele, Metaneyele, Yorabade ne Elasha, ba ku ndelanganayi ya Pashekure.

²³Ku bena Levi kuvua: Yozabade, Shimeyi, Kelaya (uvua ne dina dikuabu Kelita), Petakiya, Yekuda ne Eliyezere.

²⁴Ku bena misambu kuvua: Eliyashibe. Ku balami ba biibi kuvua: Shalume, Teleme ne Uri.

²⁵Ku bantu bena Izrayele bakuabu kuvua: ndelanganyi ya Paroshe: Ramiya, Iziya, Malkiya, Miyamine, Elazare, Malkiya ne Benaya;

²⁶ndelanganyi ya Elame: Mataniya, Zekarya, Yekiyele, Abdi, Yeremote ne Eliya;

²⁷ndelanganyi ya Zatu: Eliyokenayi, Eliyashibe, Mataniya, Yeremote, Zabade ne Aziza;

²⁸ndelanganyi ya Bebayi: Yowanane, Ananiya, Zabayi ne Atlayi;

²⁹ndelanganyi ya Banyi: Meshulame, Maluke, Adaya, Yashube, Sheyale ne Yeremote;

³⁰ndelanganyi ya Pakate-Mowabe: Adna, Kelale, Benaya, Masheya, Mataniya, Beshalele, Binuyi ne Menashe;

³¹ndelanganyi ya Arime: Eliyezere, Ishiya, Malkiya, Shemaya, Shimone,

³²Binyamine, Maluke ne Shemariya;

³³ndelanganyi ya Ashume: Matenayi, Matata, Zabade, Elifelete, Yeremayi, Menashe ne Shimeyi;

³⁴ndelanganyi ya Banyi: Madayi, Amrame, Uwele,

³⁵Benaya, Bedya, Keluku,

³⁶Vanya, Meremote, Eliyashibe,

³⁷Mataniya, Matenayi, Yashayi,

³⁸Banyi, Binuyi, Shimeyi,

³⁹Shelemiya, Natane, Adaya,

⁴⁰Maknadebayi, Shashayi, Sharayi,

⁴¹Azarele, Shelemiya, Shemariya,

⁴²Shalume, Amarya ne Yozefe;

⁴³ndelanganyi ya Nebo: Yeyiyele, Matitya, Zabade, Zebina, Yadayi, Yowele ne Benaya.

⁴⁴Bantu bonsu aba ke bavua basele bakaji benyi. Bamue ba ku bakaji abu, bavua bamane kulela bana mu ditunga amu.[72]