Read Tshiluba Nehemya 12 Bible Online

Nehemya 12 - Tshiluba bible

Nehemya 12

¹Ke mena a batuangaji ne a bena Levi bavua bafume mu bupika pamue ne Zerubabele, muana wa Sheyaltiyele, kabidi pamue ne Yeshuwa: Zeraya, Irmeya, Ezra,

²Amariya, Maluke, Atushe,

³Shekanya, Rekume, Meremote,

⁴Ido, Nginetoyi, Abiya,

⁵Miyamine, Madiya, Bilga,

⁶Shemaya, Yoyaribe, Yedaya,

⁷Salu, Amoke, Ilkiya ne Yedaya. Mu tshikondu tshia Yeshuwa, bonsu aba bavua bamfumu ba meku a batuangaji nansha a bena Levi.

⁸Bena Levi bavua: Yeshuwa, Binuyi, Kadmiyele, Sherebiya, Yekuda ne Mataniya. Mataniya ne bena diku diende ke bavua batuma misambu ya kutumbisha Mvidi Mukulu.

⁹Bena Levi bakuabu, Bakbukiya ne Uni, bavua bimane batangilangane nabu, bapunguluja misambu.

¹⁰Yeshuwa uvua tatuende wa Yoyakime. Yoyakime kulela Eliyashibe, Eliyashibe kulela Yoyada,

¹¹Yoyada kulela Yonatane, Yonatane kulela Yaduwa.

¹²Pavua Yoyakime muikale mutuangaji munene, bamfumu ba meku a batuangaji bavua: Meraya uvua ulombola diku dia Seraya, Ananiya uvua ulombola diku dia Irmeya,

¹³Meshulame uvua ulombola diku dia Ezra, Yowanane uvua ulombola diku dia Amariya,

¹⁴Yonatane uvua ulombola diku dia Meliku, Yozefe uvua ulombola diku dia Shebanya,

¹⁵Adna uvua ulombola diku dia Arime, Elkayi uvua ulombola diku dia Merayote,

¹⁶Zekarya uvua ulombola diku dia Ido, Meshulame uvua ulombola diku dia Nginetone,

¹⁷Zikri uvua ulombola diku dia Abiya,…[78] uvua ulombola diku dia Miniyamine, Piltayi uvua ulombola diku dia Mowadiya,

¹⁸Shamuwa uvua ulombola diku dia Bilga, Yonatane uvua ulombola diku dia Shemaya,

¹⁹Matenayi uvua ulombola diku dia Yoyaribe, Uzi uvua ulombola diku dia Yedaya,

²⁰Kalayi uvua ulombola diku dia Salayi, Ebere uvua ulombola diku dia Amoke,

²¹Ashabiya uvua ulombola diku dia Ilkiya, ne Netaneyele uvua ulombola diku dia Yedaya.

²²Mu tshikondu tshivua Eliyashibe, Yoyada, Yowanane, ne Yaduwa balondangane mu mudimu wa batuangaji banene, bavua bafunde mu mukanda mena a bena Levi ne a batuangaji bavua balombodi ba meku. Bavua balekela mudimu awu mu tshikondu tshia Daryaveshe mukalenga wa bakalenga wa bena Persa.[79]

²³Mena a bamfumu ba meku a bena Levi bavua baafunda kabidi mu mukanda uvua ulondolola malu manene a bankambua too ne ku tshikondu tshia Yowanane, muikulu wa Eliyashibe.

²⁴Bamfumu bonsu ba bena Levi: Ashabiya, Sherebiya ne Yeshuwa, muana wa Kadmiyele, bavua bimane ne bana babu mu bisumbu bibidi batangilangane, batumbisha Mvidi Mukulu, bamuele tuasakidila, bilondeshile mikenji ya Davide muntu wa Mvidi Mukulu.

²⁵Balami ba ku biibi, Mataniya, Bakbukiya, Obadya, Meshulame, Talmone ne Akube bavua ne mudimu wa kulama bibutshilu bivua pabuipi ne biibi bia ku nzubu wa Mvidi Mukulu.

²⁶Bavua bakumbaja mudimu ewu mu tshikondu tshia Yoyakime, muana wa Yeshuwa, ne muikulu wa Yoshadake, ne mu tshikondu tshia Nehemya, mulombodi wa buloba, ne mu tshikondu tshia Ezra, mutuangaji mulongeshi wa mikenji.

²⁷Bantu bamane kuibakulula tshimana tshia Yerushalayime, kubikilabu bena Levi ba mu ditunga dijima bua kuenzabu tshibilu tshia kujidila tshimana. Bavua bimba misambu ilonda muadi wa ndibu, wa nzenza ne nkombe.

²⁸Bena misambu aba bavua bafume ku misoku ivuabu base pa mpenga pa Yerushalayime, ne ya pabuipi ne Netofa. Bavua bafume kabidi mu buloba bua Bete-Ngilgale, Ngeba ne Azmavete.

²⁹

³⁰Batuangaji ne bena Levi kumusha mikiya ivuabu nayi. Kuambilabu kabidi bantu bonsu bua kumushabu mikiya. Pashishe kumushabu mikiya ya ku bimana bia tshimenga ne ya ku biibi.

³¹Meme Nehemya kulomba bamfumu ba bena Yuda bua babande pa tshimana tshia tshimenga. Meme kutapulula bena misambu mu bisumbu bibidi binene. Tshisumbu tshia kumpala tshivua tshiya ku dia balume,[80] tshisemena pa tshimana, tshitangila ku tshiibi tshia Dyala.

³²Oshaya ne tshia bibidi tshimue tshia bamfumu ba bena Yuda bavua benda balonda bena misambu.

³³Bavua babalonda kabidi kudi Azariya, Ezra, Meshulame,

³⁴Yekuda, Binyamine, Shemaya ne Irmeya.

³⁵Pashishe, bavua balonda kudi batuangaji bavua bambule mpungi. Kubalondabu kudi Zekarya, muana wa Yonatane, Yonatane uvua muana wa Shemaya, Shemaya uvua muana wa Mataniya, Mataniya uvua muana wa Mikaya, Mikaya uvua muana wa Zakure, Zakure uvua muana wa Ashafe.

³⁶Zekarya uvua ne bana babu: Shemaya, Azarele, Milalayi, Ngilalayi, Mayi, Netaneyele, Yekuda ne Anani. Bavua ne biombelu bivua Davide muntu wa Mvidi Mukulu muenzeje. Nanku, Ezra mulongeshi wa mikenji, uvua mulombodi wa tshisumbu atshi.

³⁷Bamane kufika ku tshiibi tshia Mpokolu, bavua babanda pa tshibandilu tshivua tshibafila mu Tshimenga tshia Davide, bapita kunyima kua nzubu wa mukalenga Davide, bua kufika ku tshiibi tshia Mayi, luseke ludi diba dipatukila lua tshimenga.

³⁸Tshisumbu tshibidi tshia bena misambu tshivua tshiya ku dia bakaji. Meme Nehemya, ne bamfumu bakuabu ba bena Yuda, tuvua pa tshimana, tubalonda. Tuetu kupitshila ku kaleya ka Tshioshilu, ne muaba uvua tshimana tshialabale.

³⁹Tuetu kupitshila pa mutu pa tshiibi tshia Efrayime, ne pa tshiibi tshia Yeshana,[81] ne pa tshiibi tshia Minyinyi ya mu mayi. Tuetu bamane kupita kaleya ka Ananeyele, ne kaleya ka Meya, tuetu kupitshila ku tshiibi tshia Mikoku bua kufika ku tshiibi tshia Balami.

⁴⁰Bisumbu bionsu bibidi bia bena misambu, meme Nehemya ne balombodi bavua benda nanyi, tuetu bonsu kuimana ku nzubu wa Mvidi Mukulu.

⁴¹Pashishe, batuangaji aba: Eliyakime, Masheya, Miniyamine, Mikaya, Eliyokenayi, Zekarya, ne Ananiya, bavua bela mpungi.

⁴²Masheya, Shemaya, Elazare, Uzi, Yowanane, Malkiya, Elame ne Azere bavuaku kabidi. Bena misambu bavua bimba, Izkiya ubalombola.

⁴³Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

⁴⁴Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

⁴⁵Bushuwa, batuangaji ne bena Levi bavua benzela Maweja-Nangila mudimu pambidi pa bantu ne bintu, bumusha mikiya. Nansha bena misambu ne balami ba ku biibi[82] bavua benza bionsu bilondeshile muvua mikenji ya mukalenga Davide ne ya muanende Shelomu.

⁴⁶Biangatshile ku tshikondu tshia Davide ne tshia Ashafe, muimbi wa misambu, balombodi ba bena misambu bavua bimbisha misambu ya kusamuna Mvidi Mukulu, kumutumbisha.

⁴⁷Mu matuku a Zerubabele, nansha a Nehemya, bena Izrayele bavua bafila dituku dionsu kudi bimbi ba misambu ne kudi balami ba biibi bintu bivuabu ne bua kufila. Bavua bapesha kabidi bena Levi milambu ya tshijila. Bena Levi pabu bavua bapesha batuangaji ndelanganyi ya Arone, bintu bivuabu ne bua kupeta.