Read Tshiluba Misambu 126 Bible Online

Misambu 126 - Tshiluba bible

Misambu 126

¹Musambu wa bena ngendu. Pavua Maweja-Nangila mutupingajile disanka mu Siyone,[598] tuvua bu bantu badi balota.

²Tuetu kuseka, kuela mbila ya disanka. Mu bisamba bikuabu, bantu bavua bamba ne: “Maweja-Nangila mmubenzele malu a bungi.”

³Bushuwa, Maweja-Nangila mmutuenzele malu a bungi, tuvua ne disanka.

⁴Maweja-Nangila, tupingajila disanka tshiakabidi, bu muudi ufululula misulu miume.

⁵Muntu udi umiamina maminu, wenda udila, neele mbila ya disanka padiye unowa.

⁶Muntu udi uya kukuna ntete, wenda udila, neapingane, wenda wela mbila ya disanka, muambule bisumbu biende bia ntete.[599]