Read Tshiluba Misambu 137 Bible Online

Misambu 137 - Tshiluba bible

Misambu 137

¹Tuvua basombe ku misulu ya mu Babilone, tuvua tudila, tutenda Siyone.

²Tuvua bakudike bisanji bietu[628] ku mitshi ya ku muelelu wa musulu.

³Muaba awu, bantu bavua batukuata ku bupika, bavua batulomba bua tubimbile misambu; bavua batukengesha abu bavua batulomba misambu ya disanka bamba ne: “Tuimbilayi misambu, musambu umue wa Siyone!”

⁴— Tuetu kudikonka ne: tudi mua kuimba, musambu wa Maweja-Nangila, mu buloba bua benyi mmunyi?

⁵Yerushalayime, meme mukupue muoyi, diboku dianyi dia bukole difulame!

⁶Meme tshiyi nkuvuluka, tshiyi nsanka nsanguluka bualu buebe, ludimi luanyi lulamate mu tshilakalaka!

⁷Maweja-Nangila, kupangi kuvuluka malu avua bena Edome benze, dituku divuabu bakuate Yerushalayime: bavua bela mbila ne: “Butulayi tshimenga, tshibutulayi ne ku bitaku biatshi!”

⁸Wewe Babilone wabutuki ewu,[629] bantu bakupingajile bibi biudi mutuenzele, nebikale ne disanka!

⁹Bantu bakuata bana bebe, babazaza ku dibue, nebikale ne disanka!