Read Tshiluba Misambu 143 Bible Online

Misambu 143 - Tshiluba bible

Misambu 143

¹Musambu wa mu mukanda wa misambu ya Davide. Maweja-Nangila, teleja mundi nkutendelela, umvua mundi nkutendakena. Wewe udi diyi dimue, ukumbaja biuvua mulaye.

²Ndi muena mudimu webe, kungashi tshilumbu, bualu kakuena muntu muakane ku mesu ebe.[645]

³Muluishi wanyi udi unkengesha; udi munshinda panshi bua kundiata, udi umbueja mu miidima ya bafue, muvua bantu bamane kufua kale.

⁴Mu maboku mmutekete, tshiena ne bukole kabidi bua kuenza bualu.

⁵Ndi mvuluka matuku akadi mamane kupita, ngela meji a bionsu biudi muenze, nganyina mudimu webe.

⁶Ndi ngolola bianza kuudi,[646] ndiumvua ku mesu ebe ne nyota bu buloba buume bukeba mayi.

⁷Maweja-Nangila, ungitabe lukasa, ndi mushikile. Kundekedi, tshianana nemfue.

⁸Ummanyishe bulenga buebe ne dinda dionsu, bualu ndi mutekemene kuudi; ummanyishe njila wa meme kulonda, bualu ndi mutume muoyi wanyi kuudi.

⁹Maweja-Nangila unsungidile kudi baluishi banyi; kuudi wewe ke kundi nyemena.[647]

¹⁰Undongeshe mua kuenza tshiudi musue, bualu wewe ke Mvidi Mukulu wanyi. Mueyelu webe mulenga undudike mu njila udi kayi ne njiwu.

¹¹Wewe Maweja-Nangila, umfululule. Wewe udi ulama malaya ebe, umpatule mu dikenga.

¹²Wewe muena bulenga buonsu, upuwishe baluishi banyi, ubutule bena lukuna banyi bonsu, bualu ndi muena mudimu webe.