Read Tshiluba Misambu 2 Bible Online

Misambu 2 - Tshiluba bible

Misambu 2

¹Bisamba bidi bitomboka bua tshinyi?[4] Bantu badi bela bitungu bia patupu bualu kaayi?

²Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.[5]

³Badi bamba ne: “Tukosayi mionji ya bupika idibu batuela. Katuena basue bua batumune kabidi!”

⁴Kadi Maweja-Nangila udi ubaseka. Udi musombe mu diulu, udi mutendule.

⁵Pashishe udi ubakanyina ne tshiji, ubinduluka, ubakuatshisha bowa, wamba ne:

⁶“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

⁷— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.[6]

⁸Wewe mundombe bisamba bionsu, nenkupeshabi, bishale biebe. Bumfumu buebe nebufike ku ntengu ne ntengu ya buloba.

⁹Neubutekeshe ne dikombu dia tshiamu. Neubuzaze bu luesu lua dibumba.[7]”

¹⁰Nuenu bakalenga, lejayi munudi ne meji. Nuenu baludiki ba buloba, londayi mibelu.

¹¹Itabayi Maweja-Nangila, numutshine. Numukukuile, numutumbishe.

¹²Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!