Read Tshiluba Misambu 47 Bible Online

Misambu 47 - Tshiluba bible

Misambu 47

¹Musambu wa mu mukanda wa mulombodi wa misambu. Wa mu mukanda wa misambu wa bena Kora[193].

²Bisamba bionsu, tutayi nkashi. Nutumbishe Mvidi Mukulu ne mbila ya disanka.

³Bualu Maweja-Nangila, Mvidi Mukulu Muena kulu, udi wa kutshina, udi mukalenga munene, ulombola buloba bujima.

⁴Udi muteke bisamba bionsu ku bumfumu buetu, musombeshe matunga panshi ku makasa etu.

⁵Udi mutusunguile ditunga edi bua dikale dietu. Tudi tuditemba nadi, tuetu ndelanganyi ya Yakobe idiye munange.[194]

⁶Mvidi Mukulu udi ubanda pa mukuna wa Siyone,[195] bantu bamuela tunkunduluila. Maweja-Nangila udi ufika, mpungi idila.

⁷Tumbishayi Mvidi Mukulu, numuimbile misambu. Samunayi mukalenga wetu, numukokuele.

⁸Bualu Mvidi Mukulu ke mukalenga udi ulombola buloba bujima. Numutumbishe numuimbile misambu mimpe.

⁹Mvidi Mukulu udi uludika bisamba bionsu, musombe mu nkuasa wende wa tshijila.

¹⁰Bamfumu ba matunga badi badisanga, ku tshisamba tshia Mvidi Mukulu wa Abrahame. Bakalenga bonsu ba pa buloba badi ku bumfumu buende. Yeye udi mubapite bonsu!