Read Tshiluba Misambu 52 Bible Online

Misambu 52 - Tshiluba bible

Misambu 52

¹Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

²Mmusake diba divua Dowege, muena Edome, mumanyishe Shawule muvua Davide munyeme kua Abimeleke[217].

³Wewe muena tshinyangu, udi utatshisha badi balamate[218] Mvidi Mukulu, udi uditambisha bua bubi buebe bua tshinyi?

⁴Wewe udi amu ukeba kubutula bantu, udi ubadinga ne ludimi luebe, lutue bu kapaya.

⁵Udi munange malu mabi, mubenge mimpe. Udi musue dishima, uyila malu malelela.

⁶Udi musue kuakula amu miaku idi inyanga bantu. Bionsu biudi wamba bidi amu bia dishima.

⁷Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

⁸Bantu bakane nebamone kabutu aku. Nebakeme, baseka, bamba ne:

⁹“Tangilayi mulumiana uvua muteke muoyi ku biuma, kayi utekemena kudi Mvidi Mukulu. Uvua udiunwua ne dikanda bualu bua bubanji buende.[219]

¹⁰Kadi meme ndi bu mutshi wa olive udi usampila, ukola pabuipi ne nzubu wa Mvidi Mukulu. Ndi mutekemene kashidi Mvidi Mukulu, udi unnanga.

¹¹Mvidi Mukulu wanyi, matuku onsu, ndi nkuela tuasakidila bua bionsu biudi muenze. Muaba udi bantu bebe basangile, nenkutumbishe ne: udi mulenga.