Read Tshiluba Misambu 76 Bible Online

Misambu 76 - Tshiluba bible

Misambu 76

¹Musambu wa mu mukanda wa mulombodi[337] wa bena misambu. Wa kuimba ne bisanji bia nshinga dikumi. Wa mu mukanda wa misambu ya Asafe.

²Mvidi Mukulu mmudimanyishe mu Yuda. Dina diende nditumbe mu Izrayele.

³Nzubu wende wa ntenta udi mu Saleme.[338] Muaba wende wa kulala udi mu Siyone.

⁴Ke muaba uvuaye mutshibuile bia lufu: miketa,[339] ngabu ne miele bia baluishi.

⁵Mvidi Mukulu udi wa kutshina, udi mupite ne mikuna idi ishala tshiendelele!

⁶Badi banyenga bintu bia bena mvita ba bukitu, bafuile ku tulu, kabavua ne mushindu wa kudisungila.[340]

⁷Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

⁸Bu muudi wa kutshina, nnganyi udi mua kuimana kumpala kuebe paudi ne tshiji?

⁹Udi ukosela bilumbu mu diulu muamua, buloba budi butshina, bushala talalaa,

¹⁰paudi ujuka bua kumanyisha dipangadika diebe, dia kusungidila bantu bapuekele ba pa buloba.

¹¹Nansha tshiji tshia bantu netshikutumbishe, ne bonsu bikale bapambuke ku tshiji tshiebe, nebakuenzele tshibilu.[341]

¹²Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

¹³Udi umusha ditambisha dia bana ba bamfumu, udi ukuatshisha bakalenga ba pa buloba bowa.