Read Tshiluba Misambu 8 Bible Online

Misambu 8 - Tshiluba bible

Misambu 8

¹Musambu wa mu mukanda wa mulombodi wa misambu, wa kuimba ne lunkombe lua Ngate.[27] Musambu wa mu mukanda wa misambu ya Davide.

²Eyi Mfumuetu, Maweja-Nangila, butumbi buebe mbunene pa buloba bujima! Bunene buebe mbupite bua diulu.[28]

³Miaku ya bana, nansha bana batekete menemene,[29] idi imanyika baluishi bebe. Idi bu nkila uudi muele bua kupuwisha bena lukuna bebe.

⁴Pandi mmona diulu diudi muenze, ngondu ne mitotu biudi muteke amu pa miaba yabi,

⁵ndi ndikonka ne: Muntu nnganyi bua wewe kumuvuluka? Muntu lumuakanyine bua wewe kumumanya anyi?[30]

⁶Udi mumuenze mushadile kakese ku batumibue bebe.[31] Udi mumuase nsala wa lumu ne butumbi.

⁷Udi mumupeshe bumfumu bua bionsu biudi mufuke, mmuteke bionsu kuinshi kua makasa ende,[32]

⁸mikoku, mbuji ne ngombe, nansha nyama ya mu tshisuku,

⁹nyunyi, mishipa, ne bionsu bidi bienda mu mayi manene.

¹⁰Eyi Mfumuetu, Maweja-Nangila, butumbi buebe mbunene pa buloba bujima!