Read Tshiluba Misambu 82 Bible Online

Misambu 82 - Tshiluba bible

Misambu 82

¹Musambu wa mu mukanda wa misambu ya Asafe. Mvidi Mukulu udipu, muela munkatshi kudi tshipangu tshiende, munkatshi mua mvidie udi ukosa nsambu pa yoyi wamba[397] ne:

²“Nenulumbuluishe bantu ne kansungansunga, bua kubingisha badi bapila too ne ku diba kaayi?

³Nulumbuluile badi kabayi mubakuidi ne bana ba nshiya, nulumbuluile bapela ne bena dikenga.

⁴Nusungidile badi kabayi ne mubakuidi ne bena diakabi, nubapandishe mu bianza bia bantu babi.

⁵“Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

⁶Ndi ngamba ne: nuenu bonsu nudi mvidie,[398] nudi bena diku dia Mvidi Mukulu Muena kulu.

⁷Kadi bu munudi bantu, nenufue, nebanupuekeshe panshi bu mudibu bapuekesha mulombodi wa mu bukalenga.”

⁸Mvidi Mukulu, juka, undumbuluile kudi bakoshi ba nsambu ba pa buloba, bualu udi mfumu wa bisamba bionsu.