Read Tshiluba Yeshaya 4 Bible Online

Yeshaya 4 - Tshiluba bible

Yeshaya 4

¹Dituku adi, bakaji muanda mutekete nebafuilakane mulume umue, bamba ne: “Kuditatshishi bua kutudisha, nansha bua kutuvuadika. Tudi tulomba amu, bua tuikale bakaji bebe, katushadi bakaji bakamba katuyi ne bana!”

²Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

³Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

⁴Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

⁵nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama.[25] Butumbi abu nebubambuluishe,

⁶mudi mabeji a mutshi afila dileji mu munya, mudi nzubu wa kupengama wambuluisha muntu diba didi mvula wa tshipupu uloka, nansha didi tshipepele tshijuuka.