Read Tshiluba Dibadika 1 Bible Online

Dibadika 1 - Tshiluba bible

Dibadika 1

¹Dituku dia kumpala dia ngondu muibidi wa tshidimu tshivua tshilonda tshidimu tshia dipatuka diabu mu Ejipitu, Maweja-Nangila kuyukila ne Moshe mu tshipela tshia Sinayi, mu ntenta wa kusambakena, umuambila ne:

²— Wewe ne Arone, nubadike bena Izrayele bonsu.[1] Nufunde mena a bantu balume bonsu ku muntu ku muntu, bilondeshile meku abu ne bisamba biabu.

³Nubadike, nufunde mena a bantu balume bonsu badi ne bidimu makumi abidi ne pa mutu, bikale ne bukole bua kuenza mudimu mu bisumbu bishilangane bia tshiluilu tshia bena Izrayele.

⁴Nuangate mfumu wa diku ku tshisamba tshionsu bua anuambuluishe.

⁵Ke mena a bamfumu abu badi ne bua kunuambuluisha: mu tshisamba tshia Rubene: Elishure, muana wa Shedeyure;

⁶mu tshia Shimeyone: Shelumiyele, muana wa Surishadayi;

⁷mu tshia Yuda: Nashone, muana wa Aminadabe;

⁸mu tshia Isakare: Netaneyele, muana wa Shuware;

⁹mu tshia Zebulone: Eliyabe, muana wa Elone;

¹⁰mu tshia Efrayime, muana wa Yozefe: Elishama, muana wa Amikude; mu tshia Menashe, muana wa Yozefe: Ngameliyele, muana wa Pedashure;

¹¹mu tshia Binyamine: Abidane, muana wa Ngideyoni;

¹²mu tshia Dane: Akiyezere, muana wa Amishadayi;

¹³mu tshia Ashere: Pagiyele, muana wa Okrane;

¹⁴mu tshia Ngade: Eliyasafe, muana wa Deyuwele;

¹⁵mu tshia Naftali: Akira, muana wa Eyinane.

¹⁶Ke mena a bamfumu ba meku bavuabu basungule balombodi ba bena mvita ba mu bena Izrayele.

¹⁷Moshe ne Arone kuangata bantu bavuabu basungule abu bua bikale babambuluishi babu.

¹⁸Nanku, dituku dia kumpala dia ngondu muibidi, Moshe ne Arone kusangisha bantu bonsu. Kufundabu ku muntu ku muntu, bilondeshile meku ne bisamba biabu, bantu balume bonsu bavua ne bidimu makumi abidi ne pa mutu.

¹⁹Dibadika dia bantu adi divua dienzeka mu tshipela tshia Sinayi, bu muvua Maweja-Nangila muambile Moshe.

²⁰Moshe ne Arone pamue ne bamfumu dikumi ne babidi ba meku, mfumu umue ku tshisamba umue ku tshisamba, ke bavua babadike bantu balume bonsu, bavua ne bidimu makumi abidi ne pa mutu, bikale ne bukole bua kuenza mudimu mu bisumbu bishilangane bia tshiluilu tshia Izrayele. Kufundabu mena abu, bituadije ku tshisamba tshia Rubene, muanabute wa Yakobe too ne ku meku onsu a bena Izrayele. Bantu bonsu bavua bungi nunku: Tshisamba tshia Rubene: 46.500 Tshisamba tshia Shimeyone: 59.300 Tshisamba tshia Ngade: 45.650 Tshisamba tshia Yuda: 74.600 Tshisamba tshia Isakare: 54.400 Tshisamba tshia Zebulone: 57.400 Tshisamba tshia Efrayime, muana wa Yozefe: 40.500 Tshisamba tshia Menashe, muana wa Yozefe: 32.200 Tshisamba tshia Binyamine: 35.400 Tshisamba tshia Dane: 62.700 Tshisamba tshia Ashere: 41.500 Tshisamba tshia Naftali: 53.400 Bonsu pamue: 603.550.

⁴⁷Kadi kabavua babadike tshisamba tshia bena Levi pamue ne bisamba bikuabu bia bena Izrayele to.[2]

⁴⁸Bualu Maweja-Nangila uvua mukandike Moshe ne:

⁴⁹“Kubadiki tshisamba tshia bena Levi pamue ne bena Izrayele ba bisamba bikuabu nansha.

⁵⁰Neubapeshe mudimu wa kulama nzubu wa tshijila, muaba udibu bateke mukanda wa ndondu, bintu bionsu bia kuasa nabi nzubu awu, nansha bintu bia kukuata nabi mudimu mu nzubu awu. Nebambule nzubu awu ne bintu biende bionsu. Nebenze mudimu mu nzubu awu. Kabidi nebase mitanda yabu minyungulule nzubu awu.

⁵¹Panudi numuangala, amu bena Levi nebatulakaje nzubu wa tshijila awu, bua kuya kumuasa kabidi muaba unudi nuya. Kadi muntu mukuabu mufike pabuipi ne nzubu wa tshijila awu, nebamushipe.

⁵²Bena Izrayele nebase mitanda yabu muaba udi tshisumbu tshiabu tshia bena mvita, pa buipi ne dibendela diabu.

⁵³Kadi amu bena Levi, nebase mitanda yabu minyungulule nzubu wa tshijila. Amu bobu nkayabu nebenze mudimu munda mua nzubu awu. Bena Izrayele bakumbaje mikenji eyi, kabakumfikisha munda nansha.”

⁵⁴Bena Izrayele kukumbaja bionsu bivua Maweja-Nangila muambile Moshe.