Read Tulu ಲೂಕೆ 3 Bible Online

ಲೂಕೆ 3 - Tulu bible

ಲೂಕೆ 3

¹ಚಕ್ರವರ್ತಿ ಆಯಿ ತಿಬೇರಿಯೆ ಪಟ್ಟೊಗು ಬತ್ತಿ ಪದಿನೈನನೇ ವರ್ಸೊಡು, ಪೊಂತ್ಯ ಪಿಲಾತೆ ಯೂದಾಯೊಗು ಅಧಿಪತಿಲಾ ಹೆರೋದೆ ಗಲಿಲಾಯೊಗು ಉಪರಾಜೆಲಾ ಆಯನ ಮೆಗ್ಯೆ ಫಿಲಿಪ್ಪೆ ಇತುರಾಯ ತ್ರಕೋನಿತಿ ಸೀಮೆದ ಉಪರಾಜೆಲಾ ಲುಸನ್ಯೆ ಅಬಿಲೇನೆಗ್ ಉಪರಾಜೆಲಾ ಆದುಪ್ಪುನಗ

²ಅನ್ನೆಲಾ ಕಾಯಫೆಲಾ ಪ್ರಧಾನಯಾಜಕೆರ್ ಆದಿತ್ತಿ ಕಾಲೊಡು ಜಕರೀಯನ ಮಗೆ ಆಯಿ ಯೋಹಾನೆ ಕಾಡ್‌ಡ್ ಉಪ್ಪುನಗ ದೇವೆರ್ ಆಯಡ ಪಾತೆರಿಯೆ.

³ಆಯೆ ಯೊರ್ದಾನ್ ತುದೆತ ಸುತ್ತ ಇತ್ತಿನ ಮಾತ ಪ್ರಾಂತೊಲೆಗ್ ಬತ್ತ್‌ದ್ ಜನೊಕುಲೆಗ್, ನಿಕುಲು ಪಾಪ ಪರಿಹಾರೊಗಾದ್ ದೇವೆರೆ ಕಡೆಕ್ಕ್ ತಿರ್ಗ್‌ದ್ ದೀಕ್ಷಾಸ್ನಾನ ಮಲ್ತೊನೊಡು ಅಂದ್‌ದ್ ಸಾರಿಯೊಂದಿತ್ತೆ.

⁴ಉಂದು ಯೆಶಾಯ ಪ್ರವಾದಿನ ಗ್ರಂಥೊಡು ಬರೆತಿಲೆಕ್ಕ ನಡತ್ಂಡ್, ಆ ಪಾತೆರ ದಾನೆಂದ್ಂಡ: “ಕರ್ತವ ಮಾರ್ಗೊನು ತಯಾರ್ ಮಲ್ಪುಲೆ, ಆಯ ಸಾದಿನ್ ಸರ್ತ ಮಲ್ಪುಲೆ, ಮಾತ ಪಲ್ಲ ಕೆದುಕುಲು ಮುಚ್ಚಿದ್ ಪೋವು, ಮಾತ ಪರ್ವತೊಲುಲಾ ಗುಡ್ಡೆಲುಲಾ ತಗ್ಗ್‌ದ್ ಪೋವು, ಮೋಂಟು ಸಾದಿಲು ಸೀದ ಆವು, ಎತ್ತ್ ತಗ್ಗ್‌ದ ಸಾದಿಲು ಸಮ ಆವು, ಮಾತ ನರಜಾತಿಲು ದೇವೆರೆಡ್ದ್ ಆಪಿ ರಕ್ಷಣೆನ್ ತೂವೆರ್ ಅಂದ್‌ದ್ ಕಾಡ್‌ಡ್ ಬೊಬ್ಬೆ ಪಾಡುನಾಯ ಸ್ವರ ಉಂಡು ಪನ್ಪಿನವೇ.”

⁷ತನಡ್ದ್ ದೀಕ್ಷಾಸ್ನಾನ ದೆತ್ತೊನಿಯೆರೆ ಪಿದಾಡ್ದ್ ಬತ್ತಿ ಜನೊಕುಲೆ ಗುಂಪುಲೆಗ್ ಆಯೆ ಪಂಡೆ, “ಓ ಸರ್ಪ ಜಾತಿದಾಕುಲೇ, ದುಂಬಗ್ ತೋಜಿದ್ ಬರ್ಪಿ ದೈವಕೋಪೊಡ್ದು ತಪ್ಪಾವೊನ್ರೆ ನಿಕ್ಲೆಗ್ ಎಚ್ಚರಿಕೆ ಏರ್ ಕೊರಿಯೆರ್?

⁸ಅಂಚಾಂಡ ನಿಕಲ್ನ ಮನಸ್ ದೇವೆರೆ ಕಡೆಕ್ಕ್ ತಿರ್ಗ್‌ದ್ಂಡ್ ಪನ್ಪಿನೆಕ್ಕ್ ತಕ್ಕ ಫಲೊಡ್ದು ತೋಜಪಾಲೆ. ಅಬ್ರಹಾಮು ಎಂಕ್ಲೆನ ಪೂರ್ವಜೆ ಪಂಡ್ದ್‌ ನಿಕ್ಲೆ ಉಲಯಿಡ್ ಪನ್ಪಿನಾಕುಲು ಆವಡೆ. ದೇವೆರ್ ಅಬ್ರಹಾಮುಗು ಈ ಕಲ್ಲ್‌ಲೆಡ್ದ್‌ಲಾ ಜೋಕುಲೆನ್ ಪುಟ್ಟಾವೆರೆ ಸಾದ್ಯ ಉಂಡು ಅಂದ್‌ದ್ ನಿಕ್ಲೆಗ್ ಪನ್ಪೆ.

⁹ಇತ್ತೆನೇ ಮರತ ಬೇರ್‌ಗ್ ಕುಡರಿ ಪಾಡ್ದ್ಂಡ್; ಎಡ್ಡೆ ಫಲೊನು ಕೊರಂದಿ ಪ್ರತಿಯೊಂಜಿ ಮರೊನು ಕಡ್ತ್‌ದ್ ತೂಕು ಪಾಡ್ವೆರ್.”

¹⁰ಅಪಗ ಆ ಗುಂಪುದಾಕುಲು, “ಅಂಚಾಂಡ ಎಂಕುಲು ದಾದ ಮಲ್ಪೊಡು?” ಅಂದ್‌ದ್ ಆಯಡ ಕೇಂಡಿನೆಕ್ಕ್

¹¹ಆಯೆ ಅಕ್ಲೆಗ್, “ರಡ್ಡ್ ಅಂಗಿ ಇತ್ತಿನಾಯೆ ಒಂಜೆನ್ ಇಜ್ಜಾಂದಿನಾಯಗ್ ಕೊರಡ್. ಬೋಡಾಯಿನಾತ್ ತಿನಿಯೆರೆ ಇತ್ತಿನಾಯೆ ದಾಂತಿನಾಯಗ್ ಕೊರಡ್,” ಪಂಡ್ದ್ ಉತ್ತರ ಕೊರಿಯೆ.

¹²ಸುಂಕದಾಕುಲುಲಾ ದೀಕ್ಷಾಸ್ನಾನ ಮಲ್ತೊನ್ರೆ ಆಯನ ಕೈತಲ್‌ ಬತ್ತೆರ್. ಅಕುಲು ಬೋಧಕಾ, “ಎಂಕುಲು ದಾದ ಮಲ್ಪೊಡು?” ಅಂದ್‌ದ್ ಕೇನ್ನಗ

¹³“ನಿಕ್ಲೆಗ್ ನೇಮಕ ಮಲ್ತಿ ಲೆಖ್ಖೊಡ್ದು ಹೆಚ್ಚಿಗೆ ಒವೆನ್ಲಾ ಒಯ್ತೊನಡೆ,” ಅಂದ್‌ದ್ ಅಕ್ಲೆಗ್ ಪಂಡೆ.

¹⁴ಸಿಪಾಯಿಲುಲಾ ಬತ್ತ್‌ದ್, “ಎಂಕುಲು ದಾದ ಮಲ್ಪೊಡು?” ಅಂದ್‌ದ್ ಆಯಡ ಕೇನ್ನಗ ಆಯೆ ಅಕ್ಲೆಗ್, “ಏರೆನಲಾ ಮಂಡೆ ಹಾಕ್‌ದ್ ಸುಳ್ಳು ಪಂಡ್ದ್ ಕಾಸ್ ಒಯ್ತೊನಡೆ ನಿಕ್ಲೆ ಸಂಬಳೊಡು ತೃಪ್ತಿ ಆಲೆ,” ಪಂಡೆ.

¹⁵ಇಸ್ರಾಯೇಲ್ ಜನೊಕುಲು ಬರೊಡಾಯಿನ ರಕ್ಷಕೆ ಆಯಿ ಕ್ರಿಸ್ತನ್ ಕಾತೊಂದುಪ್ಪುನಾಕುಲು ಆದಿತ್ತಿನೆಡ್ದ್ ಅಕುಲು ಮಾತೆರ್ಲಾ ಯೋಹಾನನ ಬಗೆಟ್ ಉಂಬೆನೇ ಆ ಕ್ರಿಸ್ತೆ ಆದುಪ್ಪೆನಾ ಅಂದ್‌ದ್ ತನ್ಕುಲೆ ಉಡಲ್‌ಡ್ ಎನ್ನೊಂದುಪ್ಪುನಗ

¹⁶ಯೋಹಾನೆ ಅಕ್ಲೆಗ್, “ಯಾನ್ ನಿಕ್ಲೆಗ್ ನೀರ್‌ಡ್ ದೀಕ್ಷಾಸ್ನಾನ ಮಲ್ಪಾಯೆ; ಆಂಡ ಎನಡ್ದ್ ಬಲ ಇತ್ತಿನಾಯೆ ಎನ ಬೆರಿಯೆ ಬರ್ಪೆ. ಆಯ ಜೋಡುದ ಪಟ್ಟಿನ್ ಗಿರ್ಪೆರೆಗ್ಲಾ ಯಾನ್ ತಕ್ಕದಾಯೆ ಅತ್ತ್. ಆಯೆ ನಿಕ್ಲೆಗ್ ಪರಿಶುದ್ಧಾತ್ಮೊಡು ಬೊಕ್ಕ ತೂಟು ದೀಕ್ಷಾಸ್ನಾನ ಕೊರುವೆ.

¹⁷ಆಯನ ಕೈಟ್ ತಡ್ಪೆ ಉಂಡು, ತನ ಜಾಲ್‌ನ್ ಕೊಡೀಕಡೆ ಅಡ್ತ್‌ದ್ ಬುಲೆತ ರಾಶಿನ್ ರಾಪಾದ್ ಪುಡೆತ್‌ದ್ ತನ್ನ ಗೋದಿನ್ ತುಪ್ಪೆಡ್ ದಿಂಜಾವೆ. ಆಂಡ ದಡ್ಡ್‌ನ್ ತೆಕ್ಕಂದಿ ತೂಟು ಪೊತ್ತಾದ್ ಬುಡ್ಪೆ,” ಅಂದ್‌ದ್ ಉತ್ತರ ಕೊರಿಯೆ.

¹⁸ನನ ಬೇತೆ ಮಸ್ತ್ ಪಾತೆರೊಲೆಡ್ ಆಯೆ ಇಸ್ರಾಯೇಲ್ ಜನೊಕುಲೆಗ್ ಬುದ್ಧಿ ಪಂಡ್ದ್ ಸುವಾರ್ತೆ ಸಾರೊಂದಿತ್ತೆ.

¹⁹ಆಂಡ ಉಪರಾಜೆ ಹೆರೋದೆ ತನ ಪಲಯನ ಬೊಡೆದಿ ಹೆರೋದ್ಯೆಲೆಗಾದ್‌ಲಾ ತಾನ್ ಮಲ್ತಿ ಹಾಳ್ ಬೇಲೆಗ್ಲಾ ಯೋಹಾನೆ ಆಯಗ್ ದಟ್ಯೊಂದಿತ್ತಿನೆಕ್ಕ್,

²⁰ಹೆರೋದೆ ಯೋಹಾನನ್ ಸೆರೆಮನೆಟ್ ಪಾಡಾದ್ ತನ ಹಾಳ್ ಬೇಲೆದ ಲೆಖ್ಖೊನು ನನಲಾತ್ ಹೆಚ್ಚ್ ಮಲ್ತೊಂಡೆ.

²¹ಜನೊಕುಲು ಮಾತೆರ್ ದೀಕ್ಷಾಸ್ನಾನ ದೆತ್ತೊಂದುಪ್ಪುನಗ ಯೇಸುಲಾ ನೀರ್‌ದ ದೀಕ್ಷಾಸ್ನಾನ ದೆತ್ತೊಂದು ಪ್ರಾರ್ಥನೆ ಮಲ್ತೊಂದುಪ್ಪುನಗ ಪರಲೋಕ ಜತ್ತ್ಂಡ್.

²²ಪರಿಶುದ್ಧಾತ್ಮ ಪಾರಿವಾಳದ ಶರೀರಾಕಾರೊಡು ಆಯನ ಮಿತ್ತ್ ಜತ್ತ್ಂಡ್. ಅಪಗ ಪರಲೋಕೊಡ್ದು ಒಂಜಿ ಸ್ವರ ಆಂಡ್, “ಈಯೇ ಎನ ಪ್ರೀತಿದ ಮಗೆ, ನಿನಡ್ ಎಂಕ್ ಮೆಚ್ಚಿಗೆ ಉಂಡು.”

²³ಯೇಸು ಬೋಧನೆ ಮಲ್ಪೆರೆ ಸುರು ಮಲ್ಪುನಗ ಹೆಚ್ಚಿಕಡಿಮೆ ಮುಪ್ಪ ವರ್ಸದಾಯೆ ಆದಿತ್ತೆ. ಜನ ಎನ್ನಿಲೆಕ್ಕ ಯೇಸು ಯೋಸೇಫನ ಮಗೆ. ಯೋಸೇಫು ಹೇಲೀಯನ ಮಗೆ;

²⁴ಹೇಲೀಯ ಮತ್ಥಾತನ ಮಗೆ; ಮತ್ಥಾತ ಲೇವಿನ ಮಗೆ; ಲೇವಿ ಮೆಲ್ಕಿನ ಮಗೆ; ಮೆಲ್ಕಿ ಯನ್ನಾಯನ ಮಗೆ; ಯೆನ್ನಾಯ ಯೋಸೇಫುನ ಮಗೆ;

²⁵ಯೋಸೇಫು ಮತ್ತಥೀಯನ ಮಗೆ; ಮತ್ತಥೀಯ ಅಮೋಸುನ ಮಗೆ; ಅಮೋಸು ನಹೂಮ್‌ನ ಮಗೆ; ನಹೂಮ್‌ ಎಸ್ಲಿನ ಮಗೆ; ಎಸ್ಲಿ ನಗ್ಗಾಯನ ಮಗೆ;

²⁶ನಗ್ಗಾಯ ಮಾಹಾಥನ ಮಗೆ; ಮಾಹಾಥ ಮತ್ತಥೀಯನ ಮಗೆ; ಮತ್ತಥೀಯ ಶಿಮೀಯನ ಮಗೆ; ಶಿಮೀಯ ಯೊಸೇಖನ ಮಗೆ; ಯೊಸೇಖ ಯೂದನ ಮಗೆ;

²⁷ಯೂದ ಯೋಹಾನನ ಮಗೆ; ಯೋಹಾನ ರೇಸನ ಮಗೆ; ರೇಸ ಜೆರುಬಾಬೆಲ್‌ನ ಮಗೆ; ಜೆರುಬಾಬೆಲ್ ಸಲಥಿಯೇಲ್‌ನ ಮಗೆ; ಸಲಥಿಯೇಲ್ ನೇರಿನ ಮಗೆ;

²⁸ನೇರಿ ಮೆಲ್ಕಿನ ಮಗೆ; ಮೆಲ್ಕಿ ಅದ್ದಿಯ ಮಗೆ; ಅದ್ದಿಯ ಕೋಸಾಮ್‌ನ ಮಗೆ; ಕೋಸಾಮ್‌ ಎಲ್ಮದಾಮನ ಮಗೆ; ಎಲ್ಮದಾಮ ಎರ್‌ನ ಮಗೆ;

²⁹ಎರ್ ಯೆಹೋಷುನ ಮಗೆ; ಯೆಹೋಷು ಎಲಿಯೇಜರನ ಮಗೆ; ಎಲಿಯೇಜರ್‌ ಯೋರೈಮನ ಮಗೆ; ಯೋರೈಮ ಮತ್ಥಾತನ ಮಗೆ; ಮತ್ಥಾತ ಲೇವಿನ ಮಗೆ;

³⁰ಲೇವಿ ಸಿಮೆಯೋನುನ ಮಗೆ; ಸಿಮೆಯೋನು ಯೂದನ ಮಗೆ; ಯೂದೆ ಯೋಸೇಫುನ ಮಗೆ; ಯೋಸೇಫು ಯೋನಾಮ್‌ನ ಮಗೆ; ಯೋನಾಮ್‌ ಎಲ್ಯಕೀಮನ ಮಗೆ;

³¹ಎಲ್ಯಕೀಮ ಮೆಲೆಯೆನ ಮಗೆ; ಮೆಲೆಯೆ ಮೆನ್ನನ ಮಗೆ, ಮೆನ್ನ ಮತ್ತಾಥನ ಮಗೆ; ಮತ್ತಾಥೆ ನಾತಾನನ ಮಗೆ; ನಾತಾನೆ ದಾವೀದನ ಮಗೆ;

³²ದಾವೀದ್ ಇಸ್ಸಾಯನ ಮಗೆ; ಇಸ್ಸಾಯೆ ಓಬೆದನ ಮಗೆ; ಓಬೆದ್‌ ಬೋವಜ್‌ನ ಮಗೆ; ಬೋವಜ್‌ ಸಲ್ಮೋನನ ಮಗೆ; ಸಲ್ಮೋನ್‌ ನಹಸ್ಸೋನನ ಮಗೆ;

³³ನಹಸ್ಸೋನ್ ಅಮ್ಮೀನಾದಾಬುನ ಮಗೆ; ಅಮ್ಮೀನಾದಾಬು ಅದ್ಮಿನನ ಮಗೆ; ಅದ್ಮಿನ್‌ ಆರ್ನ್ಯೆಯನ ಮಗೆ; ಆರ್ನ್ಯೆಯೆ ಎಸ್ರೋನನ ಮಗೆ; ಎಸ್ರೋನ್‌ ಪೆರೆಸ್‌ನ ಮಗೆ; ಪೆರೆಸ್ ಯೂದನ ಮಗೆ;

³⁴ಯೂದ ಯಾಕೋಬುನ ಮಗೆ; ಯಾಕೋಬು ಇಸಾಕ್‌ನ ಮಗೆ; ಇಸಾಕ್ ಅಬ್ರಹಾಮುನ ಮಗೆ; ಅಬ್ರಹಾಮು ತೇರನ ಮಗೆ; ತೇರ ನಾಹೋರುನ ಮಗೆ;

³⁵ನಾಹೋರು ಸೆರೂಗನ ಮಗೆ; ಸೆರೂಗ್‌ ರೆಗೂವನ ಮಗೆ; ರೆಗೂವ ಪೆಲೆಗನ ಮಗೆ; ಪೆಲೆಗ್‌ ಹೇಬೆರನ ಮಗೆ; ಹೇಬೆರ್‌ ಸಾಲನ ಮಗೆ; ಸಾಲ ಕಾಯಿನಾನ ಮಗೆ;

³⁶ಕಾಯಿನ ಅರ್ಫಕ್ಷಾದನ ಮಗೆ; ಅರ್ಫಕ್ಷಾದ್‌ ಶೇಮ್‌ನ ಮಗೆ; ಶೇಮ್‌ ನೋಹನ ಮಗೆ; ನೋಹ ಲಾಮೆಕ್‌ನ ಮಗೆ;

³⁷ಲಾಮೆಕ್‌ ಮೆತೂಷಲನ ಮಗೆ; ಮೆತೂಷಲ ಹನೋಕ್‌ನ ಮಗೆ; ಹನೋಕ್‌ ಯೆರೆದ್‌ನ ಮಗೆ; ಯೆರೆದ್‌ ಮಹಲಲೇಲ್‌ನ ಮಗೆ; ಮಹಲಲೇಲ್ ಕಯಿನಾನ ಮಗೆ;

³⁸ಕಯಿನಾ ಎನೋಷನ ಮಗೆ; ಎನೋಷ ಸೇಥ್‌ನ ಮಗೆ; ಸೇಥ್‌ ಆದಾಮು ಮಗೆ; ಉಂಬೆ ದೇವೆರೆ ಮಗೆ.