Read Tungag Tutapongai 5 Bible Online

Tutapongai 5 - Tungag bible

Tutapongai 5

¹Kana na akuskus kita kalang ia i kana matan inatus na Adam. Si taun ang na God kata asinong na ri vap, kata pitopito iria usiusing kakana ta kankanuai akorong pok.

²Kata pitopito iria ani ki tauan na ki aina. Na nia si taun ang akorong kala poso atautauia iria na kala posong iria ta ri vap.

³Na Adam kala 130 na matas na kala asereai ani mang sikei a nat kana asan ta Set. Nat ke katapo asukang luai val tamana.

⁴Emung ina Adam kala to pok le na mang 800 na matas. Nei liuan i pangau ang kata atogon kapa na mang matan inatus nat kavulik.

⁵Aongos Adam kata to na 930 na matas le na kala mat.

⁶Na Set kala 105 na matas na kala atogon kakana ta kun nat kana asan ta Enos.

⁷Au le na kala to na mang 807 na matas. Nei liuan i pangau ang kata atogon kapa na mang matan inatus nat kavulik.

⁸Aongos Set kata to na 912 na matas le na kala mat.

⁹Na Enos kala 90 na matas na kala atogon kakana ta kun nat, Kenan.

¹⁰Emung ina Enos kala to pok le na mang 815 na matas. Nei liuan i pangau ang kata atogon kapa na mang matan inatus nat kavulik.

¹¹Aongos Enos kata to na 905 na matas le na kala mat.

¹²Na Kenan kala 70 na matas na kala atogon kana kun nat, Malalel.

¹³Emung ina kala to pok le na mang 840 na matas. Nei liuan i pangau ang kata atogon kapa na mang matan inatus nat kavulik.

¹⁴Aongos Kenan kata to na 910 na matas le na kala mat.

¹⁵Na Malalel kala 65 na matas na kala asereai ani kakana ta kun nat Iared.

¹⁶Emung ina kala to pok le na mang 830 na matas. Nei liuan i pangau ang kata atogon kapa na mang matan inatus nat kavulik.

¹⁷Aongos Malalel kata to na 895 na matas le na kala mat.

¹⁸Na Iared kala 162 na matas na kala asereai ani Enok.

¹⁹Emung ina Iared kala to pok le na mang 800 na matas. Nei liuan i pangau ang kata atogon kapa na mang matan inatus nat kavulik.

²⁰Aongos Iared kata to na 962 na matas le na kala mat.

²¹Na Enok kala 65 na matas na kala kun atogon kakana ta kun nat, Metusela.

²²Na emung ina Enok kala to i pasal ve God ani mang 300 na matas pok le. Nei liuan i pangau ang kata atogon kapa na mang matan inatus nat kavulik.

²³Aongos Enok kata to na 365 na matas.

²⁴Au, na using Enok kata to aro i usiusing ani God, God kata songo suai ania na kala kovek palau.

²⁵Na Metusela kala 187 na matas na kala asereai ani kakana ta kun nat, Lamek.

²⁶Emung ina kala to pok le na mang 782 na matas. Nei liuan i pangau ang kata atogon kapa na mang matan inatus nat kavulik.

²⁷Aongos Metusela kata to na 969 na matas le na kala mat.

²⁸Au na Lamek kala 187 na matas na kala asereai ani kakana ta kun nat.

²⁹Na kala atuk ia ta Noa kuli mengen ke kata posong ia singina ta, “Nat ke ka kopo aus ira pelek a kui lava ke tarapo duai ia si kara keve avibisan e kuli rina ke, nang a God kata poso arikek ia.”

³⁰Emung i Noa, Lamek kala to pok le na mang 595 na matas. Nei liuan i pangau ang kata atogon kapa na mang matan inatus nat kavulik.

³¹Aongos Lamek kata to na 777 na matas le na kala mat.

³²Au na Noa kala 500 na matas na kala asereai ani potol a nat ke, Sem, Am na Iapet.