Read Tunisian Arabic New Testament رُومِيَة 4 Bible Online

رُومِيَة 4 - Tunisian Arabic New Testament bible

رُومِيَة 4

¹إِمَّالاَ آشْ بَاشْ نْقُولُوا عَلِّي حَصّْلُوا بُونَا إِبْرَاهِيمْ مِنْ جِيهِةْ الْجَسَدْ؟

²لَوْ كَانْ إِبْرَاهِيمْ تْبَرِرْ بِالأَعْمَالْ، رَاهُو عَنْدُو حَاجَة يِتْفُوخِرْ بِيهَا، آمَا مُوشْ قُدَّامْ اللهْ.

³آشْ يْقُولْ الكْتَابْ المُقَدَّسْ: «إِبْرَاهِيمْ صَدِّقْ اللهْ وِالشَّيْء هَاذَاكَا تِحْسِبْلُو بِرْ.»

⁴الِّي يِخْدِمْ مَا تِتْحْسِبْلُوشْ أُجْرْتُو كِيفْ النِّعْمَة، آمَا رَاهِي مِنْ حَقُّو.

⁵آمَا الِّي مَا يَعْمِلْ حَتَّى شَيْء وْيَاثِقْ فِي اللهْ الِّي هُوَ يْرُدْ الفُسَّادْ أَبْرَارْ، الإِيمَانْ مْتَاعُو بَاشْ يِتْحْسِبْلُو بِرْ.

⁶وْهَاذَا زَادَا الِّي قَالُو دَاوُدْ كِبَارِكْ الرَّاجِلْ الِّي يِحْسْبُو اللهْ بَارْ مِنْ غِيرْ أَعْمَالْ:

⁷صَحَّة لِيهُمْ الِّي عْيُوبْهُمْ تْسِتْرِتْ. وِذْنُوبْهُمْ تْغِفْرِتْ.

⁸صَحَّة لِيهْ الرَّاجِلْ الِّي اللهْ مَا يِحْسِبْلُوشْ ذْنُوبُو.

⁹يَاخِي البَرْكَة هَاذِي لِلمْطَهّْرِينْ آكَاهُو وِلاَّ لِلمُوشْ مْطَهّْرِينْ زَادَا؟ رَانَا أَحْنَا نْأَكّْدُوا: رَاهُو الإِيمَانْ تِحْسِبْ بِرْ لْإِبْرَاهِيمْ.

¹⁰إِمَّالاَ كِيفَاشْ تِحْسِبْلُو؟ قْبَلْ الطْهَارَة وِلاَّ بَعْدْهَا؟ مُوشْ بَعْدْ الطْهَارَة، آمَا قْبَلْ مَا يِطَّهِّرْ!

¹¹خْذَا الأَمَارَة مْتَاعْ الطْهُورْ كِيفْ طَابِعْ مْتَاعْ البِرْ الِّي وَلَّى عَنْدُو بِالإِيمَانْ وْهُوَ مَازَالْ مُوشْ مْطَهِّرْ. بَاشْ يْوَلِّي بُو الِّي يِمّْنُوا وْهُومَا مَا هُمْشْ مْطَهّْرِينْ الكُلْهُمْ بَاشْ هُومَا زَادَا يْوَلِّيوْ أَبْرَارْ.

¹²وْبُو لِلمْطَهّْرِينْ الِّي زْيَادَة عْلَى إِنّْهُمْ مْطَهّْرِينْ يْتَبّْعُوا فِي خُطْوَاتْ الإِيمَانْ مْتَاعْ بُونَا إِبْرَاهِيمْ قْبَلْ مَا يِطَّهِّرْ.

¹³الوَعْدْ الِّي تِعْطَى لْإِبْرَاهِيمْ وِلْذُرِّيتُو إِنّْهُمْ بَاشْ يُورْثُوا الدِّنْيَا، مَا جَاشْ بِالشَّرِيعَة آمَا بِالبِرْ الِّي يْجِي بِالإِيمَانْ

¹⁴إِذَا كَانْ الِّي يْتَبّْعُوا فِي الشَّرِيعَة هُومَا الِّي بَاشْ يُورْثُوا، إِمَّالاَ رَاهُو الإِيمَانْ مَا فِيهِشْ حَتَّى فَايْدَة وِالوَعْدْ يُبْطُلْ:

¹⁵رَاهِي الشَّرِيعَة تْجِيبْ الغَضَبْ مْتَاعْ اللهْ، آمَا وِينْ مَا ثَمَّاشْ شَرِيعَةْ مَا ثَمَّاشْ مَعْصْيَة.

¹⁶هَاذَاكَا عْلاَشْ رَاهُو الوَرْثَة تْجِي بِالإِيمَانْ بَاشْ تْنَجِّمْ تْكُونْ ثَمَّة نِعْمَة بَاشْ يْكُونْ الوَعْدْ مَضْمُونْ لِلذُّرِّيَّةْ الكُلْهُمْ، مُوشْ لِلِّي هُومَا يْتَبّْعُوا فِي الشَّرِيعَة آكَاهُو، آمَا زَادَا لِلِّي عِنْدْهُمْ إِيمَانْ كِيفْ إِيمَانْ إِبْرَاهِيمْ. رَاهُو بُونَا أَحْنَا الكُلْنَا،

¹⁷كِيفْ مَا هُو مَكْتُوبْ فِي الكْتَابْ المُقَدَّسْ: «رَانِي رَدِّيتِكْ بُو مْتَاعْ بَرْشَة شْعُوبْ.» قُدَّامْ اللهْ الِّي إِمِّنْ بِيهْ، الِّي يَعْطِي الحَيَاةْ للمُوتَى، وِيْرُدْ الحَاجَاتْ الِّي مَا هِيشْ مُوجُودَة كَإِنّْهَا مُوجُودَة.

¹⁸إِبْرَاهِيمْ امِّنْ وْكَانْ عَنْدُو أَمَلْ حَتَّى وَقْتِلِّي مَا كَانِشْ ثَمَّة حَتَّى أَمَلْ، وْهَكَّا وَلَّى بُو مْتَاعْ بَرْشَة شْعُوبْ بِالضَّبْطْ كِيفْ مَا تْقَالْ: «قَدْ هَكَّا بَاشْ تْكُونْ ذُرِّيتِكْ.»

¹⁹إِيمَانُو مَا ضْعُفْشْ وَقْتِلِّي خْزَرْ لْبَدْنُو، الِّي كَانْ مَحْسُوبْ مِيتْ وْعُمْرُو تَقْرِيبْ مْيَاةْ سْنَة وْمَا خْزَرْشْ لِلرْحَامْ المَيِّتْ مْتَاعْ سَارَّة.

²⁰وْمَا كَانِشْ مَا عِنْدُوشْ إِيمَانْ وْمَا شَكِّشْ فِي الوَعْدْ مْتَاعْ اللهْ، آمَا الإِيمَانْ مْتَاعُو قَوَّاهْ وْمَجِّدْ اللهْ،

²¹وْكَانْ مِتْأَكِّدْ بَرْشَة الِّي اللهْ قَادِرْ بَاشْ يْتَمِّمْ الشَّيْء الِّي وْعِدْ بِيهْ.

²²هَاذَاكَا عْلاَشْ إِبْرَاهِيمْ صَدِّقْ اللهْ وِالشَّيْء هَاذَاكَا تِحْسِبْلُو بِرْ

²³آمَا كِلْمِةْ: «تِحْسِبْلُو» مَا تْكِتْبِتْشْ عْلَى خَاطْرُو هُوَ آكَاهُو،

²⁴آمَا لِينَا أَحْنَا زَادَا. بَاشْ يِتْحْسِبِّلْنَا أَحْنَا الِّي نِمّْنُوا بِلِّي يْقَيِّمْ يَسُوعْ رَبّْنَا مِنْ بِينْ المُوتَى.

²⁵الِّي اللهْ سَلّْمُو لِلمُوتْ عْلَى خَاطِرْ ذْنُوبْنَا وْقَامْ مِالمُوتْ بَاشْ يْبرِّرْنَا.