Read Tunisian Arabic New Testament كُورِنْثُوسْ الأَوِلْ 13 Bible Online

كُورِنْثُوسْ الأَوِلْ 13 - Tunisian Arabic New Testament bible

كُورِنْثُوسْ الأَوِلْ 13

¹إِذَا تْكَلِّمْتْ بْلُغَاتْ النَّاسْ وِالمْلاَيْكَة، وْآنَا مَا عِنْدِيشْ مْحَبَّة، نْوَلِّي كَإِنِّي حِسْ مْتَاعْ صَنْجْ وِلاَّ صُوتْ مْتَاعْ طَبْلَة.

²وْلُو كَانْ آنَا نِتْنَبَّأْ وْنَعْرِفْ الأَسْرَارْ الكُلْ وِالعُلُومْ الكُلْ، وْعِنْدِي إِيمَانْ يْنَقِّلْ الجْبَالْ مِنْ بْلاَيِصْهَا، وْمَا عِنْدِيشْ مْحَبَّة، مَا نِسْوَى حَتَّى شَيْء.

³حَتَّى إِذَا عْطِيتْ فْلُوسِي الكُلْ، وْحَتَّى إِذَا نَعْطِي بَدْنِي بَاشْ يِتْحْرَقْ، وْمَا عِنْدِيشْ مْحَبَّة، مَا نِسْتْفَادْ حَتَّى شَيْء.

⁴المْحَبَّة تُصْبُرْ وْتَعْمِلْ الخِيرْ، المْحَبَّة مَا تِحْسِدْشْ وْمَا تِتْفُوخِرْشْ وْمَا تِتْكَبِّرْشْ.

⁵المْحَبَّة مَا تِتْصَرِّفْشْ بْلاَشْ تُرْبْيَة، وْمَا تْلَوِّجْشْ عْلَى مَصْلْحِتْهَا، وْمَا تِتْغَشِشْ فِيسَعْ وْمَا تْظُنِّشْ الخَايِبْ.

⁶المْحَبَّة مَا تَفْرَحْشْ بِالظُّلْمْ، آمَا تَفْرَحْ بِالحَقْ.

⁷المْحَبَّة تْسَامِحْ عْلَى كُلْ شَيْء، وِتْصَدِّقْ كُلْ شَيْء، وْتِتْمَنَّى كُلْ شَيْء، وْتُصْبُرْ عْلَى كُلْ شَيْء.

⁸المْحَبَّة مَا تُوفَاشْ بِالكُلْ. آمَا النُّبُوءَاتْ تِتْنَحَّى وِاللُّغَاتْ تُوفَى. وِالعِلْمْ بَاشْ يِتْنَحَّى،

⁹رَاهِي مَعْرْفِتْنَا نَاقْصَة وْنُبُوءَاتْنَا نَاقْصَة.

¹⁰وَقْتِلِّي يْجِي الكَامِلْ يِتْنَحَّى النَّاقِصْ.

¹¹وَقْتِلِّي كُنْتْ طْفُلْ، كُنْتْ نِتْكَلِّمْ كِالطْفُلْ وْنِفْهِمْ كِالطْفُلْ وِنْفَكِّرْ كِالطْفُلْ، وْوَقْتِلِّي كْبِرْتْ، نَحِّيتْ الحَاجَاتْ مْتَاعْ الطْفُلْ.

¹²وْإِحْنَا تَوَّا كَإِنَّا نْشُوفُوا فِي تَصْوِيرَة فِي مْرَايَة مَاهِيشْ وَاضْحَة، آمَا فِي النْهَارْ هَاذَاكَا بَاشْ نْشُوفُوا كُلْ شَيْء الوِجْهْ فِي الوِجْهْ وْوَاضِحْ. وْتَوَّا آنَا نَعْرِفْ شْوَيَّة مَعْرْفَة، آمَا فِي النْهَارْ هَاذَاكَا بَاشْ نَعْرِفْ كُلْ شَيْء كِيمَا اللهْ يَعْرِفْ عْلِيَّا كُلْ شَيْء.

¹³آمَا تَوَّا يُقْعْدُوا الثْلاَثَة هَاذُومَا: الإِيمَانْ وِالأَمَلْ وِالمْحَبَّة، وْأَعْظِمْ وَحْدَة فِيهُمْ هِيَ المْحَبَّة.